കോഴിക്കട ഉടമയെ വെട്ടി കൊല്ലാന്‍ ശ്രമിച്ച കേസിലെ പ്രതി അറസ്റ്റില്‍
ഇരിങ്ങാലക്കുട: താണിശ്ശേരിയില്‍ കോഴിക്കടയില്‍ കയറി പാപ്പിനിവട്ടം പുന്നത്ത് വീട്ടില്‍ നിയാസിനെ വെട്ടി കൊല്ലാന്‍ ശ്രമിച്ച കേസിലെ പ്രതി അറസ്റ്റില്‍. താണിശ്ശേരി കുറുവത്ത് വീട്ടില്‍ ദിനേഷ് (48) നെയാണ് കാട്ടൂര്‍ സിഐ ഇ.ആര്‍ ബൈജുവിന്റെ നേതൃത്വത്തില്‍ ഉള്ള പോലീസ് സംഘം അറസ്റ്റ് ചെയ്തത്. 2022 ഒക്ടോബര്‍ 24 ന് ആയിരുന്നു കേസിന് ആസ്പദമായ സംഭവം. പ്രതിയുടെ കോഴിക്കടയുടെ അടുത്ത് വെട്ടേറ്റ നിയാസ് കോഴിക്കട തുടങ്ങിയതാണ് അക്രമണത്തിന് കാരണമായതെന്ന് പോലീസ് പറഞ്ഞു.
പിടികിട്ടാപുള്ളിയായി കോടതി പ്രഖ്യാപിച്ച ദിനേഷിനെ ഇരിങ്ങാലക്കുട ചന്തക്കുന്ന് ഭാഗത്ത് നിന്നാണ് പിടികൂടിയത്. ഉദ്യോഗസ്ഥരായ ബാബു ജോര്‍ജ്, അസീസ്, ദിഷത്ത് എന്നിവരും അന്വേഷണ സംഘത്തില്‍ ഉണ്ടായിരുന്നു. 2004 ല്‍ കാട്ടൂര്‍ പോലീസ് സ്റ്റേഷനില്‍ തന്നെ മറ്റൊരു വധശ്രമകേസ്സിലും 2019 ല്‍ മതിലകം പോലീസ് സ്റ്റേഷന്‍ പരിധിയില്‍ പോക്‌സോ കേസ്സിലും ഇയാള്‍ പ്രതിയാണെന്ന് പോലീസ് അറിയിച്ചു.
About Author
വീടിന്റെ കോണിച്ചുവട്ടില്‍ ചാരായം വാറ്റുന്നതിനായി സൂക്ഷിച്ചിരുന്ന വാഷ് കണ്ടെത്തി നശിപ്പിച്ചു 
വീട് കയറി ആക്രമണം; ഒളിവിലായിരുന്ന പ്രതി അറസ്റ്റില്‍ 
വകുപ്പു തല ഉദ്യോഗസ്ഥന്‍മാര്‍ യോഗത്തില്‍ വരാത്തത് താലൂക്ക് വികസന സമിതിയില്‍ രൂക്ഷ വിമര്‍ശനം 
കടുപ്പശേരി ഗവ. യുപി സ്‌കൂളില്‍ വര്‍ണ കൂടാരം ഉദ്ഘാടനം ചെയ്തു 
മൈഭാരതിനൊപ്പം ദീപാവലി എന്ന സന്ദേശം മുന്നോട്ടുവച്ച് ഒരു കൂട്ടം വിദ്യാര്‍ഥികള്‍ 
ഇരിങ്ങാലക്കുട വിദ്യാഭ്യാസ ഉപജില്ലാ കലോത്സവം; ലോഗോ പ്രകാശനം നടത്തി 
