മഹിളകളുടെ ഉശിരന് പോരാട്ടമാണ് വെള്ളാങ്കല്ലൂര് ഡിവിഷനില്
ഇരിങ്ങാലക്കുട: മഹിളകളുടെ ഉശിരന് പോരാട്ടമാണ് വെള്ളാങ്കല്ലൂരിലേത്. ഡിവിഷനില് വിജയക്കൊടി പാറിക്കുവാന് പരിചയ സമ്പന്നരായവരെയാണ് മുന്നണികള് രംഗത്തിറക്കിയിട്ടുള്ളത്. പടിയൂര്, പൂമംഗലം, വേളൂക്കര, പുത്തന്ചിറ, വെള്ളാങ്കല്ലൂര് എന്നീ അഞ്ച് പഞ്ചായത്തുകളിലായി 42 വാര്ഡുകള് ഉള്പ്പെടുന്നതാണ് ഈ ഡിവിഷന്. എല്ഡിഎഫ് സ്ഥാനാര്ഥിയായി സി.ബി. ഷക്കീല, യുഡിഎഫ് സ്ഥാനാര്ഥി റസിയ അബു, ബിജെപി സ്ഥാനാര്ഥി അഡ്വ. സിജിനി സന്തോഷ് എന്നിവരാണ് മത്സര രംഗത്തുള്ളത്.
നടവരമ്പ് സ്കൂളില് നിന്നും ഹയര് സെക്കന്ഡറി അധ്യാപികയായി വിരമിച്ച സി.ബി. ഷക്കീല 2016 ലെ ദേശീയ അധ്യാപക അവാര്ഡ് ജേതാവാണ്. സംസ്ഥാന അധ്യാപക അവാര്ഡ് (2013), ജില്ലാ പിടിഎ മാതൃകാ അധ്യാപക അവാര്ഡ് (2011) എന്നിവ ലഭിച്ചിട്ടുണ്ട്. ഇംഗ്ലീഷ് സാഹിത്യത്തിലും സോഷ്യോളജിയിലും ബിരുദാനന്തര ബിരുദധാരിയാണ്. ആറുവര്ഷം എന്എസ്എസ് പ്രോഗ്രാം ഓഫീസറായും മൂന്ന് വര്ഷം സംസ്ഥാന ഉപദേശക സമിതി അംഗമായും പ്രവര്ത്തിച്ചു.
31 വര്ഷക്കാലത്തെ അധ്യാപക ജീവിതത്തിനിടയില് 23 വര്ഷവും സേവനമനുഷ്ഠിച്ചിട്ടുള്ളത് നടവരമ്പ് സ്കൂളിലെ ഹയര് സെക്കന്ഡറി വിഭാഗത്തിലാണ്. കഴിഞ്ഞ മാര്ച്ച് 31ന് സര്വ്വീസില് നിന്നും വിരമിച്ച ശേഷം ഗ്രന്ഥശാല പ്രവര്ത്തനങ്ങളിലും മറ്റ് വിദ്യാഭ്യാസ സാംസ്കാരിക മേഖലകളുമായി ബന്ധപ്പെട്ട പ്രവര്ത്തനങ്ങളിലും മുഴുകുന്നതിനിടയിലാണ് മത്സര രംഗത്തേക്കിറങ്ങിയത്.
മഹിള കോണ്ഗ്രസ് മണ്ഡലം പ്രസിഡന്റ് 13 വര്ഷം മഹിള കോണ്ഗ്രസ് കൊടുങ്ങല്ലൂര് നിയോജക മണ്ഡലം പ്രസിഡന്റ്, അഞ്ച് വര്ഷം കുടുംബശ്രീ സിഡിഎസ് ചെയര്പേഴ്സണായിരുന്ന റസിയ നിലവില് മഹിള കോണ്ഗ്രസ് ജില്ലാ വൈസ് പ്രസിഡന്റാണ്. കഴിഞ്ഞ രണ്ട് പതിറ്റാണ്ടുകളായി ബിജെപിയിലും ഭാരതീയ അഭിഭാഷക പരിഷത്തിലും സജീവമായി പ്രവര്ത്തിച്ചുവരുന്ന വ്യക്തിയാണ് ബിജെപി സ്ഥാനാര്ഥി അഡ്വ. സിജിനി സന്തോഷ്. വാര്ഡ്, ബ്ലോക്ക് തലങ്ങളില് മത്സരിച്ചുള്ള പ്രവര്ത്തനപരിചയമുണ്ട്. നിലവില് ഭാരതീയ അഭിഭാഷക പരിഷത്ത് കൊടുങ്ങല്ലൂര് യൂണിറ്റ് സെക്രട്ടറി കൂടിയാണ്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
മുരിയാട് ഡിവിഷന് കോട്ടകാക്കാന് എല്ഡിഎഫ്, പിടിച്ചെടുക്കാന് യുഡിഎഫ്, കരുത്തു കാട്ടാന് ബിജെപി 
വമ്പന്മാര് ഏറ്റുമുട്ടുന്ന കാട്ടൂര് ഡിവിഷനില് തീപാറുന്ന ത്രികോണ മത്സരം 
സ്മാര്ട്ടാണ് മുദ്രാവാക്യങ്ങള്…. ജീവിതമോ? 
വാര്ഡ് 18 ചന്തക്കുന്നിലെ ജനകീയ സ്ഥാനാര്ത്ഥി ജോസഫ് ചാക്കോയുടെ തെരഞ്ഞെടുപ്പ് കമ്മിറ്റി ഓഫീസ് ഉദ്ഘാടനം ചെയ്തു 
ഇരിങ്ങാലക്കുട നഗരസഭയില് പോരാട്ടത്തിനൊരുങ്ങി 141 പേര്. സ്വതന്ത്രരായി മത്സരിക്കുന്നത് ഒമ്പത് വാര്ഡുകളിലായി 11 പേര് 
നഗരസഭ, പഞ്ചായത്ത് തെരഞ്ഞെടുപ്പ് ഇരിങ്ങാലക്കുടയില് പോരാട്ടം തീപാറും 
