പടിയൂര് പഞ്ചായത്തില് തൊഴിലുറപ്പ് പദ്ധതിയില് ഉള്പ്പെടുത്തി നിര്മ്മിച്ച വോളിബോള് കോര്ട്ട് കേന്ദ്ര മന്ത്രി നാടിന് സമര്പ്പിച്ചു
പടിയൂര് പഞ്ചായത്തില് തൊഴിലുറപ്പ് പദ്ധതിയില് ഉള്പ്പെടുത്തി നിര്മ്മിച്ച വോളിബോള് കോര്ട്ട് കേന്ദ്ര മന്ത്രി സുരേഷ് ഗോപി നാടിന് സമര്പ്പിക്കുന്നു.
ചടങ്ങ് ബഹിഷ്ക്കരിച്ച് ഭരണസമിതിയിലെ എല്ഡിഎഫ്, കോണ്ഗ്രസ് അംഗങ്ങള്
ഇരിങ്ങാലക്കുട: ഭരണസമിതിയിലെ ഭൂരിപക്ഷം അംഗങ്ങളുടെയും ബഹിഷ്ക്കരണത്തിനിടയില് വോളിബോള് കോര്ട്ട് കേന്ദ്രമന്ത്രി സുരേഷ് ഗോപി നാടിന് സമര്പ്പിച്ചു. പടിയൂര് പഞ്ചായത്ത് എഴാം വാര്ഡില് 2022- 23 വര്ഷത്തെ തൊഴിലുറപ്പ് പദ്ധതിയില് ഉള്പ്പെടുത്തി മനപ്പറമ്പ് ഉന്നതിയില് 20 സെന്റ് സ്ഥലത്ത് നിര്മ്മിച്ച വോളിബോള് കോര്ട്ടാണ് മന്ത്രി നാടിന് സമര്പ്പിച്ചത്. വാര്ഡ് മെമ്പര് പ്രഭാത് വെള്ളാപ്പള്ളി അധ്യക്ഷത വഹിച്ചു.
ഉദ്ഘാടന ചടങ്ങ് ബിജെപി ക്കാരനായ വാര്ഡ് മെമ്പര് എകപക്ഷീയമായി പ്രഖ്യാപിച്ചുവെന്നും ഭരണസമിതി അറിഞ്ഞിട്ടില്ലെന്നും ചടങ്ങില് പങ്കെടുക്കില്ലെന്നും ഭരണപക്ഷം നേരത്തെ വ്യക്തമാക്കിയിരുന്നു. ഇതേ തുടര്ന്ന് ഭരണസമിതിയിലെ എല്ഡിഎഫ്, കോണ്ഗ്രസ് അംഗങ്ങള് ചടങ്ങില് പങ്കെടുത്തില്ല. ഭരണസമിതിയിലെ ബിജെപി പ്രതിനിധികളായ ബിജോയ് കളരിക്കല്, നിഷ പ്രണീഷ്, ശ്രീജിത്ത് മണ്ണായില് എന്നിവര് ആശംസകള് നേര്ന്നു. അങ്കണവാടി അധ്യാപിക ആശ സ്വാഗതവും കുടുംബശ്രീ എഡിഎസ് അംഗം വിമി പ്രദീപ് നന്ദിയും പറഞ്ഞു.
About Author
പടിയൂര് പഞ്ചായത്ത് സാരഥികള് (എല്ഡിഎഫ് 7, യുഡിഎഫ് 3, എന്ഡിഎ 5 ആകെ 15) 
കാട്ടൂര് പഞ്ചായത്ത് സാരഥികള് (എല്ഡിഎഫ് 10, യുഡിഎഫ് 5, ആകെ 15) 
കാറളം പഞ്ചായത്ത് സാരഥികള് (എല്ഡിഎഫ് 8, യുഡിഎഫ് 2, എന്ഡിഎ 6, ആകെ 16) 
ഭരണഘടന അനുവദിച്ചു നല്കുന്ന ന്യൂനപക്ഷ അവകാശങ്ങളുടെ ഔന്നത്യം കാത്തുസൂക്ഷിക്കാന് നാം ബാധ്യസ്ഥര്: മന്ത്രി അഡ്വ. പി. രാജീവ് 
വര്ണ്ണക്കുട 2025; സ്വാഗതസംഘം ഓഫീസ് ഉദ്ഘാടനം ചെയ്തു 
കാലിക്കട്ട് യൂണിവേഴ്സിറ്റി ഇന്റര് സോണ് ബാസ്കറ്റ്ബോള് ടൂര്ണമെന്റില് വിജയികളായി ക്രൈസ്റ്റ് കോളജ് ടീം 
