ജനമനസുകളെ തൊട്ടറിഞ്ഞ് ഇരിങ്ങാലക്കുടയില്‍ പര്യടനം ആരംഭിച്ച് ജേക്കബ് തോമസ്
ഇരിങ്ങാലക്കുട: ജനമനസുകളെ തൊട്ടറിഞ്ഞ്ഇരിങ്ങാലക്കുടയിലെ ബിജെപി സ്ഥാനാര്‍ഥി ഡോ. ജേക്കബ് തോമസ്. ഗ്രാമീണജനങ്ങളുടെ ആശംസകള്‍ ഏറ്റുവാങ്ങിയും അവരുടെ പാരാതികള്‍ക്കു പരിഹാരങ്ങള്‍ നിര്‍ദേശിച്ചുമായിരുന്നു ജേക്കബ് തോമസിന്റെ പര്യടനം.പര്യടനത്തിന്റെ ഭാഗമായി വേളൂക്കര, പൂമംഗലം പഞ്ചായത്തുകളില്‍ ഗൃഹസന്ദര്‍ശനം നടത്തി. കൊറ്റനെല്ലൂര്‍ പട്ടേപാടം വിവേകാനന്ദ ഗ്രാമസേവാസമിതി പ്രവര്‍ത്തകര്‍ ജേക്കബ് തോമസിനെ ഷാള്‍ അണിയിച്ച് സ്വീകരിച്ചു. വേളൂക്കര പഞ്ചായത്തിലെ 14-ാം വാര്‍ഡിലെ വട്ടക്കണ്ണി കോളനിയും ജേക്കബ് തോമസ് സന്ദര്‍ശിച്ചു. കോളനി നിവാസികളുടെ പ്രശ്‌നങ്ങള്‍ അദ്ദേഹം നേരിട്ട് ചോദിച്ച് മനസിലാക്കി. കോളനി നിവാസികള്‍ക്കു വേണ്ടി കെ.ആര്‍. രമ്യ ജേക്കബ് തോമസിനെ ഷാള്‍ അണിയിച്ചു. ശാരീരീകാസ്വാസ്ഥ്യങ്ങളെ വക വെക്കാതെ പഠിച്ച് ആര്‍ക്കിടെച്ചര്‍ എന്‍ജിനീയറായി ജീവിത വിജയം നേടിയ മഹേഷ്‌കുമാറിന്റെ വീട്ടിലും തന്റെ ഗൃഹസന്ദര്‍ശനത്തിന്റെ ഭാഗമായി ഡോ. ജേക്കബ് തോമസ് എത്തി. 16-ാമത്തെ വയസില്‍ പേശകള്‍ തളരുന്ന രോഗം ബാധിച്ച് അവശനായ മഹേഷ്‌കുമാര്‍, കഠിന പരിശ്രമത്തിലൂടെയാണു ജീവിത വിജയം നേടിയത്.ഐക്കര സെന്റ് ആന്റണീസ് ദേവാലയവും സന്ദര്‍ശിച്ച ജേക്കബ് തോമസ് പ്രശസ്ത സിനിമാ സംവിധായകന്‍ ഈസ്റ്റ്മാന്‍ ആന്റണിയുടെ വീട്ടിലും സന്ദര്‍ശനം നടത്തി.
About Author
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
ഗാന്ധി തിരസ്‌കാരം ഇന്ത്യയെ ഛിദ്രമാക്കും, ഡോ. അജിതന്‍ മേനോത്ത് 
ഇരിങ്ങാലക്കുട കോണ്‍ഗ്രസ് മണ്ഡലം കമ്മിറ്റി നെഹ്‌റു ജന്മദിനാചരണം നടത്തി 
ബസുകളുടെ മത്സരയോട്ടം; പൊറത്തിശേരി മണ്ഡലം കോണ്‍ഗ്രസ് കമ്മിറ്റി പ്രതിഷേധ ധര്‍ണ നടത്തി 
മുരിയാട് മണ്ഡലം കോണ്‍ഗ്രസ് കമ്മിറ്റി ഇന്ദിരാഗാന്ധി അനുസ്മരണം നടത്തി 
വാര്‍ഡ് വിഭജനം; ആളൂര്‍ പഞ്ചായത്ത് യോഗത്തില്‍ നിന്നും കോണ്‍ഗ്രസ് അംഗങ്ങള്‍ ഇറങ്ങിപോക്ക് നടത്തി 
