പുരസ്‌കാര ജേതാവ് രാഘവനാശാനെ ആദരിക്കാന്‍ കഥകളി ക്ലബ് ഭാരവാഹികളെത്തി
ഇരിങ്ങാലക്കുട: ഗാന്ധിസേവാസദനം കഥകളി അക്കാദമിയും പട്ടിക്കാംതൊടി രാമുണ്ണി മേനോന്‍ സ്മാരക ട്രസ്റ്റും സംയുക്തമായി ഏര്‍പ്പെടുത്തിയ പട്ടിക്കാംതൊടി രാമുണ്ണി മേനോന്‍ സ്മാരക പുരസ്‌ക്കാരത്തിന് അര്‍ഹനായ ഉണ്ണായിവാരിയര്‍ സ്മാരക കലാനിലയത്തിലെ മുന്‍ പ്രിന്‍സിപ്പല്‍ രാഘവനാശാനെ ഇരിങ്ങാലക്കുട ഡോ. കെ.എന്‍. പിഷാരടി സ്മാരക കഥകളി ക്ലബ് ആദരിച്ചു. ക്ലബ് വൈസ് പ്രസിഡന്റ് ഇ. ബാലഗംഗാധരന്‍ പൊന്നാടയണിയിച്ചു. ഭരണസമിതി അംഗങ്ങളായ എ.എസ്. സതീശന്‍, പി. വേണുഗോപാല്‍, അഡ്വ. രാജേഷ് തമ്പാന്‍ എന്നിവര്‍ പ്രസംഗിച്ചു. ആദരവിനു നന്ദി പ്രകാശിപ്പിച്ച് സംസാരിച്ച രാഘവനാശാന്‍ ഉണ്ണായിവാരിയര്‍ സ്മാരക കലാനിലയത്തിലെ വിദ്യാര്‍ഥി ജീവിതം, അധ്യാപക ജീവിതകാലം, അക്കാലത്തെ ഭരണസമിതി അംഗങ്ങളുമായി വിദ്യാര്‍ഥികള്‍ക്കുണ്ടായിരുന്ന ഹൃദയബന്ധം, കലാനിലയം നേരിടുന്ന ഗുരുതരപ്രതിസന്ധി എന്നിവയെക്കുറിച്ചെല്ലാം ഓര്‍മകള്‍ പങ്കുവച്ചു. കഥകളി ക്ലബ് ആജീവനാംഗം അനിയന്‍ മംഗലശേരി, ആശാന്റെ കുടുംബാംഗങ്ങളായ സരസ്വതി, കലാനിലയം ഗോപി എന്നിവര്‍ സന്നിഹിതരായി.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
