വാഹനങ്ങള്‍ സാനിറ്റൈസ് ചെയ്യുന്നതിനായി യന്ത്രവുമായി എന്‍ജിനീയറിംഗ് വിദ്യാര്‍ഥികള്‍
കോണത്തുകുന്ന്: കോവിഡ്19 വ്യാപനം രൂക്ഷമായ സാഹചര്യത്തില്‍ വാഹനങ്ങള്‍ സാനിറ്റൈസ് ചെയ്യുന്നതിനായി ഓട്ടോ ഫോഗര്‍ രൂപ കല്പന ചെയ്ത് യൂണിവേഴ്‌സല്‍ എന്‍ജിനീയറിംഗ് അസോസിയേഷന്‍. ആംസിന്റെ നേതൃത്വത്തില്‍ മൂന്നാം വര്‍ഷ വിദ്യാര്‍ഥികളാണു യന്ത്രത്തിന്റെ ശില്‍പ്പികള്‍. വാഹനം പൂര്‍ണമായി സാനിറ്റൈസ് ഹബ്ബില്‍ പ്രവേശിപ്പിച്ചു ഡോറുകള്‍ തുറന്നിട്ടാല്‍ അഞ്ചു മിനിറ്റിനുള്ളില്‍ അണുവിമുക്തമാക്കപ്പെടുന്നു. ഐഎസ്ഒ സര്‍ട്ടിഫൈഡ് പ്രകൃതി സൗഹൃദ സാനിറ്റൈസറുകളാണു യന്ത്രത്തില്‍ ഉപയോഗിക്കുന്നത്. കൊടുങ്ങല്ലൂര്‍ എംഎല്‍എ വി.ആര്‍. സുനില്‍കുമാര്‍ ഓട്ടോ ഫോഗര്‍ യന്ത്രം ഉദ്ഘാടനം നിര്‍വഹിച്ചു. ഇരിങ്ങാലക്കുട പോലീസ് സ്‌റ്റേഷനിലെ വാഹനങ്ങള്‍ സാനിറ്റൈസിംഗ് ചെയ്യുന്നതിനായി എസ്‌ഐ കെ.കെ. ശ്രീനിക്കു യൂണിവേഴ്‌സല്‍ എഡ്യുക്കേഷന്‍ ട്രസ്റ്റ് വൈസ് ചെയര്‍മാന്‍ പി.കെ. സലിം യന്ത്രം കൈമാറി. കോളജ് പ്രിന്‍സിപ്പല്‍ ഡോ. ജോസ് കെ. ജേക്കബ്, മെക്കാനിക്കല്‍ എന്‍ജിനീയറിംഗ് വിഭാഗം മേധാവി പി.എ. ഫ്രാന്‍സിസ്, ആംസ് പ്രതിനിധി ഗോഡ്‌വിന്‍ എന്നിവര്‍ പ്രസംഗിച്ചു.
About Author
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
സിഐഎസ്‌സിഇ അണ്ടര്‍ 14 ദേശീയ ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ അഭിമാന നേട്ടവുമായി ക്രിസ്റ്റോ 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
