വീടിന്റെ കോണിച്ചുവട്ടില്‍ ചാരായം വാറ്റുന്നതിനായി സൂക്ഷിച്ചിരുന്ന വാഷ് കണ്ടെത്തി നശിപ്പിച്ചു
ഇരിങ്ങാലക്കുട: എക്‌സൈസ് റേഞ്ചിലെ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഇ.പി. ദിബോസും സംഘവും നടത്തിയ പരിശോധനയില്‍ വീടിന്റെ കോണിച്ചുവട്ടില്‍ ചാരായം വാറ്റുന്നതിനായി സൂക്ഷിച്ചിരുന്ന വാഷ് കണ്ടെത്തി നശിപ്പിച്ചു. സംഭവത്തില്‍ തൊട്ടിപ്പാള്‍ പറപ്പൂക്കര പുളിക്കന്‍ വീട്ടില്‍ യദുകൃഷ്ണ (27) നെതിരേ അബ്കാരി നിയമപ്രകാരം കേസെടുത്തു. യദുകൃഷ്ണന്‍ താമസിക്കുന്ന വീടിന്റെ കോണിച്ചുവട്ടില്‍നിന്ന് 20 ലിറ്റര്‍ കൊള്ളുന്ന മൂന്ന് പ്ലാസ്റ്റിക്ക് ബക്കറ്റുകളിലായി സൂക്ഷിച്ചിരുന്ന 60 ലിറ്റര്‍ വാഷാണ് കണ്ടെത്തി നശിപ്പിച്ചത്. സംഭവസമയം പ്രതി സ്ഥലത്തില്ലാത്തതിനാല്‍ അറസ്റ്റ് ചെയ്യാന്‍ സാധിച്ചിട്ടില്ല. വനിതാ സിവില്‍ എക്‌സൈസ് ഓഫീസര്‍ എന്‍.എല്‍. നിത്യ, ഗ്രേഡ് പ്രിവന്റീവ് ഓഫീസര്‍ സി.കെ. ചന്ദ്രന്‍, അസി. എക്‌സൈസ് ഇന്‍സ്‌പെക്ടര്‍ സി.വി. ശിവന്‍ എന്നിവരും സംഘത്തിലുണ്ടായിരുന്നു.
About Author
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ക്രൈസ്റ്റ് എന്‍ജിനീയറിംഗ് കോളജില്‍ ഹയര്‍ സെക്കന്‍ഡറി അധ്യാപകര്‍ക്ക് ആദരം ഗ്രെയ്‌സ് 2024 നടന്നു 
ദോഹ ഖത്തറില്‍ ഡ്രൈവര്‍മാരായി ജോലി ചെയ്തവരുടെ ഖത്തര്‍ പ്രവാസി കൂട്ടായ്മ സംഗമം നടന്നു 
ഇരിങ്ങാലക്കുട ടൗണ്‍ ലയണ്‍സ് ക്ലബ്ബ് വാക്കറുകള്‍ ഹൃദയ പാലിയേറ്റീവ് കെയറിന് വിതരണം ചെയ്തു 
