തെരുവുവിളക്കുകള്‍ക്കു പകരമായി എല്‍ഇഡികള്‍ സ്ഥാപിക്കുന്നതിനു കൗണ്‍സില്‍ യോഗത്തില്‍ തീരുമാനം
ഇരിങ്ങാലക്കുട: നഗരസഭയില്‍ പരമ്പരാഗത തെരുവുവിളക്കുകള്‍ക്കു പകരമായി എല്‍ഇഡികള്‍ സ്ഥാപിക്കുന്നതിനുള്ള നിലാവ് പദ്ധതിക്കു മുനിസിപ്പല്‍ കൗണ്‍സില്‍ യോഗം അംഗീകാരം നല്‍കി. പദ്ധതി നടപ്പിലാക്കുന്നതിന്റെ 20 ശതമാനം തുകയാണു നഗരസഭ വഹിക്കേണ്ടത്. കരാര്‍ പ്രകാരം മൂന്നു മാസത്തെ അറ്റകുറ്റപണികള്‍ കെഎസ്ഇബി സൗജന്യമായി നല്‍കും. തുടര്‍ന്നുള്ള ഏഴു വര്‍ഷക്കാലം കേടുവരുന്ന ഉപകരണങ്ങള്‍ കെഎസ്ഇബി സൗജന്യമായി നല്‍കുകയും ആവശ്യമായ ജീവനക്കാരെ നഗരസഭ നല്‍കുകയും വേണം. എല്ലാവര്‍ക്കും ഭവനം എന്ന ലക്ഷ്യത്തോടെ നടപ്പിലാക്കി വരുന്ന പ്രധാനമന്ത്രി ആവാസ് യോജന പദ്ധതിയില്‍ ലൈഫ് പദ്ധതിയില്‍ ഉള്‍പ്പെട്ടിട്ടില്ലാത്ത അര്‍ഹരായ ഭവനരഹിതരെ കൂടി ഉള്‍പ്പെടുത്തി പുതിയ ഡിപിആര്‍ സമര്‍പ്പിക്കുന്നതിനും മുനിസിപ്പല്‍ കൗണ്‍സില്‍ യോഗം തീരുമാനിച്ചു. കരാറുകാര്‍ക്കു ഭാഗികമായി പണം നല്‍കുന്നതു കൗണ്‍സിലര്‍മാരെ കൂടി ഉള്‍പ്പെടുത്തി പ്രവര്‍ത്തനങ്ങളിലെ പുരോഗതി കൂടി വിലയിരുത്തിയാവണമെന്നു യോഗത്തില്‍ അംഗങ്ങള്‍ ആവശ്യപ്പെട്ടു. ഭാഗികമായി പണം നല്‍കുന്നതോടെ പദ്ധതി പൂര്‍ത്തീകരണം വൈകുന്നതായും അംഗങ്ങള്‍ ചൂണ്ടിക്കാട്ടി. 2020-2021 വര്‍ഷത്തെ വിവിധ പദ്ധതികളുടെ ടെണ്ടറിനും കൗണ്‍സില്‍ യോഗം അംഗീകാരം നല്‍കി. മുനിസിപ്പല്‍ ചെയര്‍പേഴ്‌സണ്‍ സോണിയഗിരി അധ്യക്ഷത വഹിച്ചു. സി.സി. ഷിബിന്‍, അഡ്വ. ജിഷ ജോബി, സന്തോഷ് ബോബന്‍, ടി.കെ. ഷാജു എന്നിവര്‍ പ്രസംഗിച്ചു.
About Author
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ക്രൈസ്റ്റ് കോളജില്‍ നടന്ന ജിയോ എക്‌സ്‌പോ 2024 സമാപിച്ചു 
ക്രൈസ്റ്റ് കോളജില്‍ ഇംഗ്ലീഷ് ഭാഷാ പഠനത്തില്‍ അന്താരാഷ്ട്ര സെമിനാര്‍ സംഘടിപ്പിച്ചു 
