ആനന്ദപുരം ഗവ.യു പി സ്‌കൂളില്‍ കെട്ടിടം അപകടാവസ്ഥയില്‍, നിര്‍മാണത്തില്‍ വന്‍ അഴിമതിയെന്ന് കോണ്‍ഗ്രസ്
ആനന്ദപുരം ഗവ.യു പി സ്‌കൂളില്‍ കെട്ടിടത്തിന്റെ അടിഭാഗം താഴ്ന്നു പോയ നിലയില്‍
മുരിയാട് : പഞ്ചായത്തിലെ ഏക സര്‍ക്കാര്‍ വിദ്യാലയമായ ആനന്ദപുരം ഗവ. യു പി സ്‌കൂളില്‍ പൊതു വിദ്യാഭ്യാസ വകുപ്പ് സ്‌കൂള്‍ ഉച്ചഭക്ഷണ പദ്ധതിപ്രകാരം കേന്ദ്ര – സംസ്ഥാന വിഹിതം വകയിരുത്തി നിര്‍മിച്ച കിച്ചന്‍ കം സ്റ്റോര്‍ നിര്‍മാണത്തിലെ അപാകത മൂലം കെട്ടിടം ഏതു നിമിഷവും തകരാവുന്ന നിലയില്‍.നിര്‍മാണത്തില്‍ നടന്ന വന്‍ അഴിമതിയില് തകര്‍ച്ചക്ക് കാരണമെന്നു കോണ്‍ഗ്രസ് മുരിയാട് മണ്ഡലം കമ്മിറ്റി ആരോപിച്ചു.
നിര്‍മാണം പൂര്‍ത്തീകരിച്ച് കഴിഞ്ഞ നവംബറില്‍ മന്ത്രി ആര്‍. ബിന്ദു കെട്ടിടം ഉദ്ഘാടനം ചെയ്തുവെങ്കിലും കെട്ടിടത്തിന്റെ അപകടാവസ്ഥയെ തുടര്‍ന്ന് ഇത് വരെയും തുറന്നു പ്രവര്‍ത്തിക്കാന്‍ സാധിച്ചിട്ടില്ല. പരാതിയെ തുടര്‍ന്ന് പഞ്ചായത്തിലെ കോണ്‍ഗ്രസ് അംഗങ്ങളുടെ നേതൃത്വത്തില്‍ കെട്ടിടം തുറന്ന് നോക്കിയപ്പോള്‍ കെട്ടിടത്തിനുള്ളില്‍ വിഷ പാമ്പ് ഉള്‍പ്പെടെ നിരവധി ഇഴജന്തുക്കളായിരുന്നു. വിദ്യാര്‍ത്ഥികള്‍ക്ക് ഇപ്പോഴും ഉച്ചഭക്ഷണം നല്‍കുന്നത് പഴയ കെട്ടിടത്തില്‍ തന്നെയാണ്.
മുരിയാട് പഞ്ചായത്തംഗം പി ടി എ പ്രസിഡന്റായിട്ടുള്ള കമ്മിറ്റിയാണ് നിര്‍മാണത്തിന് നേതൃത്വം നല്‍കിയത്. നിര്‍മാണ കാലഘട്ടത്തില്‍ തന്നെ നിര്‍മാണത്തിലെ അപാകതകളെ കുറിച്ചും അപകടാവസ്ഥയെകുറിച്ചതും ചൂണ്ടികാണിച്ചെങ്കിലും അതെല്ലാം അവഗണിക്കുകയായിരുന്നുവെന്ന് തൊട്ടടുത്ത വാര്‍ഡിലെ പഞ്ചായത്തംഗം നിത അര്‍ജുനന്‍ പറഞ്ഞു. നിര്‍മ്മാണം പൂര്‍ത്തീകരിച്ച ഉദ്ഘാടനം ചെയ്യുന്നതിനായിരുന്നു തിടുക്കം. കെട്ടിടത്തിന്റെ ഒരു ഭാഗം നിര്‍മാണ ഘട്ടത്തില്‍ തന്നെ ഒരു വശത്തേക്ക് ചെരിഞ്ഞിരുന്നു. ആ ഭാഗങ്ങള്‍ ഇരുമ്പ് ദണ്ഡ് ഉപയോഗിച്ച താങ്ങി നിര്‍ത്തിയിരിക്കുകയാണ്.
കെട്ടിടത്തിന്റെ ഉള്‍വശങ്ങളിലും ഇരുമ്പു ദണ്ഡ് ഉപയോഗിച്ച് താങ്ങി നിര്‍ത്തിയിരിക്കുകയാണ്. നിര്‍മാണത്തിലെ അഴിമതിയെ കുറിച്ച് അന്വേഷിക്കണമെന്നും കുറ്റക്കാര്‍ക്കെതിരെ കര്‍ശന നടപടി സ്വീകരിക്കണമെന്നും കോണ്‍ഗ്രസ് മണ്ഡലം പ്രസിഡന്റ് സാജു പാറേക്കാടന്‍, പഞ്ചായത്തംഗം ശ്രീജിത്ത് പട്ടത്ത്, കോണ്‍ഗ്രസ് ബ്‌ളോക് വൈസ് പ്രസിഡന്റ് വിബിന്‍ വെള്ളയത്ത്, മണ്ഡലം സെക്രട്ടറിമാരായ സി.എസ്.അജീഷ്, ടി.ആര്‍. ദിനേഷ് എന്നിവര്‍ ആവശ്യപ്പെട്ടു.
About Author
ജനകീയ കുടിവെള്ള സംരക്ഷണവേദി കാട്ടൂര്‍ പഞ്ചായത്തിലേക്ക് പ്രതിഷേധ ധര്‍ണ്ണ നടത്തി 
പ്രകൃതിയെ അനുനിമിഷം ചൂഷണം ചെയ്ത് ജീവിക്കുന്ന സമൂഹമായി മനുഷ്യര്‍ മാറിക്കഴിഞ്ഞു-പ്രേംകുമാര്‍ 
പൂമംഗലം പഞ്ചായത്ത് മികവിനാദരം സംഘടിപ്പിച്ചു 
നാലമ്പല തീര്‍ത്ഥാടനോടനുബന്ധിച്ചു പൂമംഗലം പഞ്ചായത്ത് കുടുംബശ്രീ വിപണനമേള ആരംഭിച്ചു 
നാലമ്പല തീര്‍ത്ഥാടനം; ശക്തമായ സുരക്ഷാ സംവിധാനങ്ങള്‍ ഒരുക്കി തൃശൂര്‍ റൂറല്‍ പോലീസ് 
തെരുവ നായ്ശല്യം രൂക്ഷം, ഭീതിയോടെ ജനങ്ങള്‍, അനങ്ങാതെ അധികൃതര്‍ 
