കയ്പമംഗലത്ത് ലോറിയും കാറും കൂട്ടിയിടിച്ച് പുല്ലൂര്‍ പുളിഞ്ചോട് സ്വദേശി മരിച്ചു
ഇരിങ്ങാലക്കുട: കയ്പമംഗലത്ത് നടന്ന വാഹനപകടത്തില്‍ പുല്ലൂര്‍ പുളിഞ്ചോട് സ്വദേശിയായ യുവാവ് മരിച്ചു. പുല്ലൂര്‍ പുളിഞ്ചോട് കോക്കാട്ട് വീട്ടില്‍ ആന്റോ മകന്‍ അലക്‌സ് (22) ആണ് മരിച്ചത്. ഇന്നലെ പുലര്‍ച്ചെ ദേശീയപാതയില്‍ കയ്പമംഗലം കൊപ്രക്കളം സെന്ററില്‍ ചരക്ക് ലോറിയും കാറും കൂട്ടിയിടിച്ചായിരുന്നു അപകടം. കാര്‍ ഓടിച്ചിരുന്ന അലക്‌സ് സംഭവസ്ഥലത്ത് വെച്ചു തന്നെ മരിച്ചു. കൂടെയുണ്ടായിരുന്ന വരാപ്പുഴ സ്വദേശി വിനീഷിനെ ഗുരുതരമായ പരിക്കുകളോടെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. വരാപ്പുഴയിലെ കാര്‍ വര്‍ക്ക്‌ഷോപ്പില്‍ മെക്കാനിക്കായി പ്രവര്‍ത്തിച്ചു വരികയായിരുന്നു അലക്‌സ്. ഉടമ വിനീഷിനോടൊപ്പം റിപ്പയര്‍ ചെയ്ത വാഹനം വടകരയില്‍ എത്തിച്ചു നല്കി, ഇരുവരും മടങ്ങുകയായിരുന്നുവെന്ന് അലക്‌സിന്റെ ബന്ധുക്കള്‍ പറഞ്ഞു. അപകടത്തില്‍ കാര്‍ പൂര്‍ണമായും തകര്‍ന്നു. കയ്പമംഗലം പോലീസ് തുടര്‍നടപടികള്‍ സ്വീകരിച്ചു. സംസ്‌കാരം ഇന്ന് ഉച്ചയ്ക്ക് 12 നു പുല്ലൂര്‍ സെന്റ് സേവ്യഴ്‌സ് ദേവാലയ സെമിത്തേരിയില്‍ നടക്കും. അമ്മ: ജാന്‍സി. സഹോദരന്‍: ആന്‍സ് (ഫെഡറല്‍ ബാങ്ക്).
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
മുകുന്ദപുരം ചാലക്കുടി താലൂക്ക് തല വാരാഘോഷം ഉദ്ഘാടനം നടന്നു 
