കാട്ടൂര്‍ സര്‍വീസ് സഹകരണ ബാങ്കിന്റെ സഹകരണ വാരാഘോഷങ്ങള്‍ക്ക് തുടക്കമായി
കാട്ടൂര്‍: 69ാമത് സഹകരണ വാരാഘോഷം വിപുലമായ പരിപാടികളോടുകൂടി ആഘോഷിക്കുവാന്‍ കാട്ടൂര്‍ സര്‍വീസ് സഹകരണ ബാങ്ക് തീരുമാനിച്ചു. ആഘോഷ പരിപാടികളുടെ ആരംഭമായി ബാങ്ക് ഹെഢാഫീസിലും ബ്രാഞ്ചുകളിലും സഹകരണ പതാക ഉയര്‍ത്തലും പ്രതിജ്ഞയും ചൊല്ലി. ഹെഢാഫീസില്‍ ബാങ്ക് പ്രസിഡന്റ് ജോമോന്‍ വലിയവീട്ടില്‍ പതാക ഉയര്‍ത്തി സഹകരണ പ്രതിജ്ഞ ചൊല്ലി. ഡയറക്ടര്‍ കെ.കെ. സതീശന്‍ ആശംസകള്‍ അര്‍പ്പിച്ച്് സംസാരിച്ചു. 17ന് ബാങ്കിന്റെ താണിശേരി ബ്രാഞ്ചിന് മുന്നില്‍ നിന്നും ആരംഭിക്കുന്ന വാരാഘോഷ വിളംബര ജാഥ ഇരിങ്ങാലക്കുട ഐടിയു ബാങ്ക് പ്രസിഡന്റ് എം.പി. ജാക്സണ്‍ ഫല്‍ഗ് ഓഫ് ചെയ്യും. പ്രവര്‍ത്തന പരിധിലയിലെ മുഴുവന്‍ സഹകരണ സ്ഥാപനങ്ങളും സഹകാരികളും ഇടപാടുകാരും ജീവനക്കാരും ഘോഷയാത്രയില്‍ അണിച്ചേരും. ഘോഷയാത്ര കാട്ടൂര്‍ ബസ് സ്റ്റാന്‍ഡിനു സമീപം പ്രത്യേകം സജമാക്കിയ എം.കെ. രാജന്‍ നഗറില്‍ സമാപിക്കും. തുടര്‍ന്ന് നടക്കുന്ന സഹകരണ സംരക്ഷണ സദസ് ടി.എന്‍. പ്രതാപന്‍ എംപി ഉദ്ഘാടനം ചെയ്യുന്നതുമായിരിക്കും. ഘോഷയാത്രയില്‍ വാദ്യാഘോഷങ്ങളും, വിവിധതരം കാവടികള്‍, പ്ലോട്ടുകള്‍ എന്നിവ അണിചേരും. ലഹരിക്കേതിരെയുള്ള ലഘുനാടകത്തോട് കൂടി സഹകരണ സംരക്ഷണ സദസ് സമാപിക്കും. 19ന് ഇരിങ്ങാലക്കുടയില്‍ നടക്കുന്ന ജില്ലാതല സമാപന ഘോഷയാത്രയിലും പരിപാടികളിലും ബാങ്കിലെയും പ്രവര്‍ത്തന പരിധിയിലെയും മുഴുവന്‍ സഹകാരികളും പങ്കുചേരുമെന്ന് ബാങ്ക് പ്രസിഡന്റ് അറിയിച്ചു. മാനേജര്‍ കെ.കെ. രാജേഷ് സ്വാഗതവും, സെക്രട്ടറി ടി.വി. വിജയകുമാര്‍ നന്ദിയും പറഞ്ഞു.
About Author
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
കാട്ടൂര്‍ ലയണ്‍സ് ക്ലബ് സൗജന്യ മെഗാ മെഡിക്കല്‍ ക്യാമ്പ് സംഘടിപ്പിച്ചു 
ക്രൈസ്റ്റ് ഇന്‍സ്റ്റിറ്റ്യൂട്ട് ഓഫ് ബിസിനസ് അഡ്മിനിസ്‌ട്രേഷനില്‍ ഐഎസ്ടിഡി സ്റ്റുഡന്റ് ചാപ്റ്റര്‍ ഉദ്ഘാടനം 
ഷാജു വാലപ്പന് ബാബാ സാഹിബ് അംബേദ്കര്‍ വിശിഷ്ട സേവാ നാഷണല്‍ അവാര്‍ഡ് 
വ്യാപാരി വ്യവസായി ഏകോപന സമിതി യൂത്ത് വിംഗ് രൂപീകരിച്ചു 
പൂമംഗലം പഞ്ചായത്ത് കുടുംബാരോഗ്യ കേന്ദ്രത്തില്‍ ഫിസിയോ തെറാപ്പി വിഭാഗം ഉദ്ഘാടനം ചെയ്തു 
