സെന്റ് ജോസഫ്സ് കോളജ് കായിക പ്രതിഭകളെ ആദരിച്ചു
ഇരിങ്ങാാലക്കുട: സെന്റ് ജോസഫ്സ് കോളജിനെ കായിക മേഖലയില്‍ ഉന്നതിയിലേക്കു നയിച്ച കായിക താരങ്ങളെയും പരിശീലകരെയും കോളജ് ആദരിച്ചു. കോളജില്‍ പഠിക്കുന്ന അന്തര്‍ദേശിയ വോളിബാള്‍തരാം അലീന ബിജു, നാഷണല്‍ ഗെയിംസ് ബാസ്‌കറ്റ് ബോള്‍ ബ്രോണ്‍സ് മെഡലിസ്റ്റ് ദിവ്യ സാം, നാഷണല്‍ ഗെയിംസില്‍ ഗോള്‍ഡ് നേടിയ വോളിബോള്‍ ടീമിന്റെ കോച്ച് സഞ്ജയ് ബാലിഗ എന്നിവരെ പ്രത്യേകം ആദരിച്ചു. കേരള സംസ്ഥാന സ്പോര്‍ട്ട്സ് കൗണ്‍സില്‍ നടത്തിയ 2022 ജൂണില്‍ നടന്ന കേരളത്തിലെ ഏറ്റവും മൂല്യമുള്ള കേരളാ കോളജ് ഗെയിംസ് ട്രോഫി ആദ്യമായി ഇരിങ്ങാലക്കുടയുടെ മണ്ണില്‍ സെന്റ് ജോസഫ്സ് കോളജ് എത്തിച്ച് ഈ വര്‍ഷെത്ത നേട്ടങ്ങള്‍ക്ക് തുടക്കമിട്ടു. 2022-23 വര്‍ഷത്തില്‍ അന്തര്‍ദേശിയ, ദേശിയ, സംസ്ഥാന, യൂണിവേഴ്സിറ്റി തലങ്ങളില്‍ നേട്ടംകൈവരിച്ച 96 കായിക താരങ്ങളെയാണ് ആദരിച്ചത്. കൂടാെത ഈ നേട്ടത്തിലേക്ക് കായിക താരങ്ങളെ പ്രാപ്തരാക്കിയ പരിശീലകരെയും, കായിക അധ്യാപകരെയും പ്രത്യേകം ആദരിച്ചു. കലാലയത്തിന്റെ ചരിത്രത്തില്‍ ഇത്രയും താരങ്ങള്‍ മെഡലുകള്‍ നേടുന്നത് ആദ്യമായിട്ടാണ്. കാലിക്കറ്റ് യൂണിവേഴ്സിറ്റി കായിക വിഭാഗം മേധാവി ഡോ. സക്കിര്‍ ഹുസൈന്‍ സ്പോര്‍ട്സ് മെറിറ്റ്ഡേ ഉദ്ഘാടനം ചെയ്തു. കോളജ് പ്രിന്‍സിപ്പല്‍ ഡോ. സിസ്റ്റര്‍ എലയ്സ അധ്യക്ഷത വഹിച്ചു. കോളജ് കായിക വകുപ്പ് മേധാവി ഡോ. സ്റ്റാലിന്‍ റാഫേല്‍, കായിക അധ്യാപിക തുഷാര ഫിലിപ്പ്, പരിശീലകന്‍ സഞ്ജയ് ബാലിഗ, പി.സി. ആന്റണി, ഡോ. മനോജ് ലാസര്‍, കോളജ് യൂണിയന്‍ ചെയര്‍പേഴ്സണ്‍ പി.എച്ച്. രഞ്ജന, അന്തര്‍ദേശിയ വോളിബോള്‍ താരം അലീന ബിജു, കോളജ് യൂണിയന്‍ ജനറല്‍ ക്യാപ്റ്റന്‍ ശില്‍പ ഷാജി എന്നിവര്‍ സംസാരിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
