ഇരിങ്ങാലക്കുട നഗരസഭയിൽ പുതിയ ചെയർപേഴ്‌സണായി പുത്തൻ കാർ

ഇരിങ്ങാലക്കുട: നഗരസഭയിൽ ഇത്തവണ തദ്ദേശ തെരഞ്ഞെടുപ്പിൽ വിജയിച്ച് ചെയർപേഴ്‌സൺ ആകുന്ന ആളെ കാത്തിരിക്കുന്നത് പുത്തൻ കാറാണ്. അതു ഫാൻസി നമ്പറിലുള്ള പുതുപുത്തൻ വാഹനം. മഹേന്ദ്ര സൈലോ എന്ന കാറായിരുന്നു കഴിഞ്ഞ ഭരണസമിതിയിലെ ചെയർപേഴ്‌സന്റെ വാഹനം. ആ കാലഘട്ടത്തിൽ തന്നെയാണു പുതിയ വാഹനം വാങ്ങിക്കുന്നതിനുള്ള തീരുമാനം പാസാക്കിയതും. 10 ലക്ഷം വരെ ഇതിനായി ചെലവഴിക്കാമെന്ന സർക്കാർ ഉത്തരവിന്റെ അടിസ്ഥാനത്തിലാണു ഈ തീരുമാനം കൈക്കൊണ്ടത്. ഇതനുസരിച്ച് മാരുതിയുടെ എർട്ടിക്ക എന്ന കാറാണു ഇരിങ്ങാലക്കുട നഗരസഭ വാങ്ങിയിരിക്കുന്നത്. ഈ കാർ ഇപ്പോൾ ഉപയോഗിക്കുന്നതു നഗരസഭ ഇൻചാർജുള്ള സെക്രട്ടറിയാണ്. തെരഞ്ഞെടുപ്പ് കഴിഞ്ഞു പുതിയ ഭരണസമിതി അധികാരത്തിലേറുമ്പോൾ പുതിയ കാർ ചെയർപേഴ്‌സണു ലഭിക്കും. ചെയർപേഴ്‌സന്റെ പഴയ വാഹനമായിരിക്കും സെക്രട്ടറിക്കു ലഭിക്കുക.

About Author

ijknews

See author's posts