കെഎസ്ഇ കമ്പനി തുറക്കണം-തൊഴിലാളി സംഘടനകള്‍- അധികൃതര്‍ക്ക് നിവേദനം നല്‍കി
കമ്പനി തുറക്കണമെന്നാവശ്യപ്പെട്ട് തൊഴിലാളികള്‍ നിവേദനം നല്‍കി.
ഇരിങ്ങാലക്കുട: കെഎസ്ഇ കമ്പനി തുറന്നു പ്രവര്‍ത്തിപ്പിക്കണമെന്ന് തൊഴിലാളി സംഘടനകള്‍ ആവശ്യപ്പെട്ടു. തൃശൂര്‍ ജില്ലാ കളക്ടര്‍, തൃശൂര്‍ ജില്ലാ മെഡിക്കല്‍ ഓഫീസര്‍, തൃശൂര്‍ ലേബര്‍ ഓഫീസര്‍, ഇരിഞ്ഞാലക്കുട ഡിവൈഎസ്പി, ഇരിഞ്ഞാലക്കുട നഗരസഭാ സെക്രട്ടറി, കെഎസ്ഇ മാനേജിംഗ് ഡയറക്ടര്‍ എന്നിവര്‍ക്ക് കമ്പനി തുറക്കണമെന്നാവശ്യപ്പെട്ട് തൊഴിലാളികള്‍ നിവേദനം നല്‍കി. കമ്പനിയിലെ ഏതാനും തൊഴിലാളികള്‍ക്ക് കോവിഡ് 19 രോഗം സ്ഥിരീകരിച്ചതിനെ തുടര്‍ന്ന് കമ്പനിയുടെ പ്രവര്‍ത്തനം ജൂലൈ 12 മുതല്‍ നിര്‍ത്തിയിരുന്നു. ഇപ്പോഴത്തെ സാഹചര്യത്തില്‍ കോവിഡ് വ്യാപനം കുറയുകയും പുതിയതായി കമ്പനി തൊഴിലാളികള്‍ക്ക് രോഗം ഇല്ലാതാവുകയും, എല്ലാ തൊഴിലാളികളേയും പരിശോധനക്കു വിധേയമാക്കുകയും ചെയ്ത സ്ഥിതിക്ക് കമ്പനിയുടെ പ്രവര്‍ത്തനം വീണ്ടും തുടങ്ങേണ്ടതാണെന്ന് കെഎസ്ഇ എംപ്ലേയീസ് കോണ്‍ഗ്രസ് (ഐഎന്‍ടിയുസി) സെക്രട്ടറി ഇ ആര്‍ ഭാസ്‌കരന്‍; കെഎസ്ഇ എംപ്ലോയീസ് കോണ്‍ഗ്രസ് ടെക്‌നിക്കല്‍ വിഭാഗം സെക്രട്ടറി കെ.മനോജകുമാര്‍, കെഎസ്ഇ എംപ്ലോയീസ് സംഘ് (ബിഎംഎസ്) സെക്രട്ടറി കെകെ ശശീന്ദ്രന്‍ എന്നിവര്‍ കളക്ടര്‍ക്കുള്ള നിവേദനത്തില്‍ ആവശ്യപ്പെട്ടു. കമ്പനിയിലെ അഞ്ഞൂറോളം തൊഴിലാളികളേയും അവരുടെ രണ്ടായിരത്തോളം വരുന്ന കുടുംബാംഗങ്ങളേയും നേരിട്ട് ബാധിക്കുകയും പരോക്ഷമായി അനവധി ജനവിഭാഗത്തിനും പ്രത്യേകിച്ചും ക്ഷീരമേഖലയുമായി ബന്ധപ്പെട്ടും വളരേയധികം പ്രതിസന്ധി നേരിട്ടുകൊണ്ടിരിക്കുന്ന ഈ സാഹചര്യത്തില്‍ കമ്പനി എത്രയും പെട്ടെന്ന് തുറന്ന് പ്രവര്‍ത്തിക്കാനുള്ള നടപടികള്‍ സ്വീകരിക്കണമെന്നും തൊഴിലാളി നേതാക്കള്‍ പറഞ്ഞു. കോവിഡ് പടര്‍ന്നു പിടിക്കുന്ന സമയത്ത് എല്ലാ കരുതലുകളോടും കൂടിയാണു കമ്പനി പ്രവര്‍ത്തിച്ചിരുന്നതെന്ന് തൊഴിലാളികള്‍ പറഞ്ഞു.
ന്യൂസ് പേപ്പർ ക്ലിപ്പ് ലഭിക്കുവാൻ മെനുവിലെ e-paper ക്ലിക്ക് ചെയ്യുക
About Author
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
