വാട്‌സ് ആപ്പ് സന്ദേശത്തെ ചൊല്ലിയുള്ള തര്‍ക്കത്തില്‍ കോണ്‍ഗ്രസ് മണ്ഡലം സെക്രട്ടറി പ്രവാസി കോണ്‍ഗ്രസ് മണ്ഡലം പ്രസിഡന്റിനെ മര്‍ദിച്ചതായി പരാതി
കാട്ടൂര്‍: വാട്‌സ് ആപ്പ് സന്ദേശത്തെ ചൊല്ലിയുള്ള തര്‍ക്കത്തില്‍ കോണ്‍ഗ്രസ് മണ്ഡലം സെക്രട്ടറി പ്രവാസി കോണ്‍ഗ്രസ് മണ്ഡലം പ്രസിഡന്റിനെ മര്‍ദിച്ചതായി പരാതി. കാട്ടൂര്‍ കോണ്‍ഗ്രസ് മണ്ഡലം പാര്‍ട്ടി ഓഫീസില്‍ കഴിഞ്ഞ ദിവസമായിരുന്നു സംഭവം. മുതിര്‍ന്ന അംഗവും പ്രവാസി കോണ്‍ഗ്രസ് മണ്ഡലം പ്രസിഡന്റുമായ ബദറുദ്ദീനെയാണ് കോണ്‍ഗ്രസ് മണ്ഡലം സെക്രട്ടറി കിരണ്‍ ഒറ്റാലി മര്‍ദിച്ചതായി പറയുന്നത്. സംഭവത്തില്‍ മണ്ഡലം സെക്രട്ടറിക്കെതിരേ കേസെടുത്തതായി പോലീസ് പറഞ്ഞു. കെപിസിസി പ്രസിഡന്റ് കെ. സുധാകരന്റെ സ്ഥാനാരോഹണത്തില്‍ അഭിവാദ്യമര്‍പ്പിക്കുന്നതിനായി യോഗം ചേര്‍ന്നിരുന്നു. മണ്ഡലം പ്രസിഡന്റ് ഹൈദ്രോസ്, യൂത്ത് കോണ്‍ഗ്രസ് പ്രസിഡന്റ് ഷെറിന്‍ തേര്‍മഠം എന്നിവരടക്കമുള്ളവരുടെ സാന്നിധ്യത്തിലായിരുന്നു സംഭവം. കിരണ്‍ ഒറ്റാലി ബദറുദ്ദീനെ മര്‍ദിക്കുകയായിരുന്നെന്ന് പറയുന്നു. മുഖത്തും വായിലും സാരമായി പരിക്കേറ്റ ബദറുദ്ദീനെ ആദ്യം കാട്ടൂര്‍ ആശുപത്രിയിലും പിന്നീട് കരാഞ്ചിറ മിഷന്‍ ആശുപത്രിയിലും പ്രവേശിപ്പിച്ചു.
About Author
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ക്രൈസ്റ്റ് എന്‍ജിനീയറിംഗ് കോളജില്‍ ഹയര്‍ സെക്കന്‍ഡറി അധ്യാപകര്‍ക്ക് ആദരം ഗ്രെയ്‌സ് 2024 നടന്നു 
ദോഹ ഖത്തറില്‍ ഡ്രൈവര്‍മാരായി ജോലി ചെയ്തവരുടെ ഖത്തര്‍ പ്രവാസി കൂട്ടായ്മ സംഗമം നടന്നു 
കാട്ടൂര്‍ ലയണ്‍സ് ക്ലബ് സൗജന്യ മെഗാ മെഡിക്കല്‍ ക്യാമ്പ് സംഘടിപ്പിച്ചു 
