മുനിസിപ്പല് ടൗണ്ഹാളിനോടു ചേര്ന്നുള്ള നഗരസഭാ ഉടമസ്ഥതയിലുള്ള ഷോപ്പിംഗ് കോംപ്ലക്സ് പൊളിച്ചുപണിയുന്നു
ഇരിങ്ങാലക്കുട: രാജീവ് ഗാന്ധി മുനിസിപ്പല് ടൗണ്ഹാളിനോടു ചേര്ന്നുള്ള നഗരസഭാ ഉടമസ്ഥതയിലുള്ള ഷോപ്പിംഗ് കോംപ്ലക്സ് പൊളിച്ചുപണിയുന്നു. ടൗണ്ഹാളിന്റെ വടക്കുഭാഗത്ത് കെഎസ്ഇബി ഓഫീസിന് എതിര്വശത്തായി സ്ഥിതി ചെയ്യുന്ന ഷോപ്പിംഗ് കോംപ്ലക്സാണു പൊളിച്ചു പുനര്നിര്മിക്കാന് ഒരുങ്ങുന്നത്. ഇതിന്റെ പ്രാരംഭ പഠനത്തിനും സര്വേ നടപടികള്ക്കുമായി ഇരിങ്ങാലക്കുട ക്രൈസ്റ്റ് എന്ജിനീയറിംഗ് കോളജിലെ സിവില് എന്ജിനീയറിംഗ് വിഭാഗത്തിനു നഗരസഭ ചുമതല നല്കി. സര്വേ നടപടികള്ക്കു കഴിഞ്ഞ ദിവസം ചേര്ന്ന മുനിസിപ്പല് കൗണ്സില് യോഗം അംഗീകാരം നല്കിയിട്ടുണ്ട്. നിലവില് ഒറ്റ നിലയിലുള്ള കെട്ടിടം പൂര്ണമായും പൊളിച്ചുനീക്കി അണ്ടര്ഗ്രൗണ്ട് പാര്ക്കിങ്ങും മൂന്നുനില കെട്ടിടവുമാണു നിര്മിക്കാന് ഉദ്ദേശിക്കുന്നത്. നേരത്തേ മുകുന്ദപുരം സബ് ട്രഷറി പ്രവര്ത്തിച്ചിരുന്ന നഗരസഭാ സെക്രട്ടറിയുടെ ക്വാര്ട്ടേഴ്സ് കെട്ടിടം ഇരിക്കുന്നതടക്കമുള്ള സ്ഥലം ഉള്പ്പെടുത്തിയാണു കെട്ടിടം നിര്മിക്കുക. പാര്ക്കിംഗ് ഗ്രൗണ്ടിനു മുകളില് ആദ്യ നിലയില് കടമുറികളും അതിനു മുകളില് ഓഫീസുകളും ഏറ്റവും മുകളിലത്തെ നിലയില് ലോഡ്ജുമാണ് ഉദ്ദേശിക്കുന്നത്. പ്രാഥമിക റിപ്പോര്ട്ടിനു ശേഷം ചര്ച്ച ചെയ്ത് ഫൈനല് റിപ്പോര്ട്ട് തയാറാക്കുമെന്നു നഗരസഭാ ചെയര്പേഴ്സണ് സോണിയഗിരി പറഞ്ഞു. ബസ് സ്റ്റാന്ഡ് കെട്ടിടത്തിലെ പഴയ കെട്ടിടം പൊളിക്കുന്നതിനു മുന്നോടിയായിട്ടാണ് ഈ കെട്ടിടം പൊളിച്ചു പുനര്നിര്മിക്കുന്നത്.

തൃശൂര് റൂറല് ജില്ലാ പോലീസ് ജനമൈത്രി പോലീസിന്റെ പ്രസിഡന്റായി ടെല്സണ് കോട്ടോളി തെരഞ്ഞെടുക്കപ്പെട്ടു
മാലിന്യക്കൂമ്പാരത്തില്നിന്ന് കിട്ടിയ സ്വര്ണലോക്കറ്റ് ഉടമയ്ക്ക് തിരികെ നല്കി; സത്യസന്ധതയുടെ തിളക്കമായി ഹരിതകര്മസേനാംഗം
പ്രഥമ സേവന് ജ്യോതി പുരസ്കാരം ഫാ. ജോണ് കവലക്കാട്ടിന്
ശാസ്ത്രസ്വപ്നങ്ങള്ക്ക് ചിറകുനല്കി കുരുന്നുപ്രതിഭകള്നൂതന ആശയങ്ങളും വിസ്മയാവിഷ്കാരങ്ങളുമായി തൃശൂര് റവന്യൂ ജില്ലാ സ്കൂള് ശാസ്ത്രോത്സവത്തിന് തുടക്കം
ജില്ലാ ശാസ്ത്രമേളയില് ഹരിതസന്ദേശവുമായി സ്റ്റുഡന്റ് പോലീസ് കേഡറ്റുകള്
16-ാം മത് തൃശൂര് റവന്യൂ ജില്ല സ്കൂള് ശാസ്ത്രോത്സവം നാളെയും മറ്റന്നാളും ഇരിങ്ങാലക്കുടയില്