പ്രളയത്തില്‍ തകര്‍ന്ന കാറളം പഞ്ചായത്തിലെ അങ്കണവാടിക്കു പുനര്‍ജന്മം
ഇരിങ്ങാലക്കുട: കാറളം ഗ്രാമപഞ്ചായത്തില്‍ പ്രളയത്തില്‍ തകര്‍ന്ന അങ്കണവാടിക്കു പുനര്‍ജന്മം. കാറളം 11ാം വാര്‍ഡ് താണിശേരി ഹരിപുരം സൂര്യ അങ്കണവാടിക്കാണു പുതിയ കെട്ടിടമൊരുങ്ങുന്നത്. റീബില്‍ഡ് കേരള ഇനീഷ്യേറ്റിവില്‍ ഉള്‍പ്പെടുത്തി നിര്‍മിക്കുന്ന അങ്കണവാടിയുടെ ശിലാസ്ഥാപനം ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു നിര്‍വഹിച്ചു. 2018 ലെ പ്രളയത്തെ തുടര്‍ന്നു നാശോന്മുഖമായ അങ്കണവാടി വാടക കെട്ടിടത്തിലാണു പ്രവര്‍ത്തിച്ചുപോരുന്നത്. ആറു മാസം കൊണ്ടു പുതിയ കെട്ടിടത്തിന്റെ പണി പൂര്‍ത്തിയാകും. ഗ്രാമപഞ്ചായത്ത് പ്രസിഡന്റ് സീമ പ്രേംരാജ് അധ്യക്ഷത വഹിച്ചു. ചടങ്ങില്‍ ബ്ലോക്ക് പഞ്ചായത്ത് വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ സുനിത മനോജ് വിശിഷ്ടാതിഥിയായി. ജില്ലാ പഞ്ചായത്തംഗം ഷീല അജയഘോഷ്, പഞ്ചായത്ത് വൈസ് പ്രസിഡന്റ് ടി.എസ്. ശശികുമാര്‍, സെക്രട്ടറി കെ. മധുരാജ്, വാര്‍ഡംഗം സരിത വിനോദ്, ബ്ലോക്ക് സിഡിപിഒ സംഷാദ്, വിവിധ ജനപ്രതിനിധികള്‍ എന്നിവര്‍ പങ്കെടുത്തു.
About Author
ഇരിങ്ങാലക്കുട സെന്റ് ജോസഫ്‌സ് കോളജില്‍ ആവേശമായി മെഗാ തൊഴില്‍ മേള പ്രയുക്തി 2024 
നവോത്ഥാന മുന്നേറ്റത്തിനു യുവജനങ്ങള്‍ മുന്നിട്ടിറങ്ങണം: മാര്‍ പോളി കണ്ണൂക്കാടന്‍ 
ദീപ്തി ബ്രെയിലി സാക്ഷരത പദ്ധതിയുടെ ആദ്യക്ലാസ് മന്ത്രി ഡോ.ആര്‍. ബിന്ദു ഉദ്ഘാടനം ചെയ്തു 
ആര്‍എംഎസ് ഓഫീസുകള്‍ അടച്ചുപൂട്ടുന്നതിനെതിരെ എന്‍എഫ്പിഇ പ്രതിഷേധ കൂട്ടായ്മ സംഘടിപ്പിച്ചു 
ക്രൈസ്റ്റ് കോളജ് എന്‍എസ്എസ് യൂണിറ്റ് കുസൃതി 14 സ്‌കൂളുകളിലേക്ക് എന്ന പരിപാടി സംഘടിപ്പിച്ചു 
നിക്ഷേപ സമാഹരണ യജ്ഞം: കാട്ടൂര്‍ സര്‍വീസ് സഹകരണബാങ്കിന് പുരസ്‌കാരം 
