ബോധവത്കരണ സ്കിറ്റുമായി സാമൂഹ്യനീതിവകുപ്പ്
ഇരിങ്ങാലക്കുട: മക്കളാല് ഉപേക്ഷിക്കപ്പെട്ട് വൃദ്ധസദനങ്ങളില് അഭയം പ്രാപിക്കേണ്ടിവരുന്ന മാതാപിതാക്കളുടെ വേദന അരങ്ങിലെത്തിച്ച് പോപ്പ് പോള് മേഴ്സി ഹോമിലെ ഭിന്നശേഷിക്കാരായ കുട്ടികള്. ‘എന്റെ കേരളം’ സര്ക്കാര് വാര്ഷികാഘോഷ സമാപന ദിനത്തില് സാമൂഹ്യനീതി വകുപ്പിന്റെ വയോജനക്ഷേമ ബോധവത്കരണ സന്ദേശം ഉള്പ്പെടുത്തി അവതരിപ്പിച്ച ‘അമ്മ’ എന്ന നാടകം ഏറെ ശ്രദ്ധേയമായി. ഭിന്നശേഷിക്കാരെന്ന പേരില് സമൂഹത്തിന്റെ മുഖ്യധാരയിലേക്കു കൈപിടിച്ചുയര്ത്തുന്ന സ്ഥാപനമാണു തൃശൂര് അതിരൂപതയുടെ കീഴിലുള്ള പോപ്പ് പോള് മേഴ്സി ഹോം. എന്.ടി. സിസിലി, മിക്കി, സി.എസ്. നന്ദിത, കെ.എഫ്. ലിസ്റ്റി, പി.പി. പ്രിന്സി, സി.ഒ. രാജി എന്നീ കുട്ടികളാണ് അരങ്ങിലെത്തിയത്. നാടകത്തിനുശേഷം ഭിന്നശേഷിക്കാരിയായ നന്ദിത നൃത്തം അവതരിപ്പിച്ചു. സാമൂഹ്യനീതി വകുപ്പ് നടത്തിവരുന്ന പദ്ധതികള്, സേവനങ്ങള്, വയോജനക്ഷേമ പ്രവര്ത്തനങ്ങളും വയോജനക്ഷേമ സന്ദേശവും ഇരിങ്ങാലക്കുട മെയിന്റനന്സ് ട്രൈബ്യൂണല് ടെക്നിക്കല് അസിസ്റ്റന്റ് മാര്ഷല് സി. രാധാകൃഷ്ണന് വിശദീകരിച്ചു. സീനിയര് സൂപ്രണ്ട് കെ.ആര്. പ്രദീപന്, ജൂണിയര് സൂപ്രണ്ട് സിനോ സേവ്യര്, തൃശൂര് മെയിന്റനന്സ് ട്രൈബ്യൂണല് ടെക്നിക്കല് അസിസ്റ്റന്റ് ബിനി സെബാസ്റ്റ്യന്, സാമൂഹ്യനീതിവകുപ്പ് ഓര്ഫണേജ് കൗണ്സിലര്മാരായ മാല രമണന്, ദിവ്യ അബീഷ്, കൃപ മൂത്തേടത്ത്, എഫ്.ആര്.ഒ. അലീഷ നൂറിന് എന്നിവര് ചടങ്ങിനു നേതൃത്വം നല്കി.
About Author
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
ബഹിരാകാശത്ത് ഇന്ത്യന് യുഗം; ശാസ്ത്ര പാടവ പോഷണ പരിപാടി സംഘടിപ്പിച്ചു 
സെന്റ് തോമസ് കത്തീഡ്രലില് കുരിശിന്റെ പുകഴ്ചയുടെ തിരുനാള് ഭക്തിസാന്ദ്രമായി 
41-ാമത് ഡോണ് ബോസ്കോ അഖില കേരള ബാസ്കറ്റ്ബോള് ടൂര്ണമെന്റ് 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
മുന് എംപി കെ. മോഹന്ദാസിന്റെ സാമൂഹ്യ പ്രതിബദ്ധത സ്മരിക്കപ്പെടണം- അഡ്വ. തോമസ് ഉണ്ണിയാടന് എംഎല്എ 
