കിഴുത്താണി സാഹിത്യ സമ്മേളനം വാര്ഷികം
കിഴുത്താണി സാഹിത്യ സമ്മേളനം വാര്ഷികം അശോകന് ചരുവില് ഉദ്ഘാടനം ചെയ്യുന്നു
ഇരിങ്ങാലക്കുട: കിഴുത്താണിയില് 1939 ജനുവരിയില് നടന്ന ചരിത്രപ്രസിദ്ധമായ സാഹിത്യ സമ്മേളത്തിന്റെ 85-ാം വാര്ഷികം പുരോഗമന കലാസാഹിത്യം സംഘം മേഖലാ കമ്മിറ്റിയുടെ ആഭിമുഖ്യത്തില് ആഘോഷിച്ചു. ടൗണ് ഹാള് അങ്കണത്തില് സാംസ്കാരിക സമ്മേളനം സംസ്ഥാന ജനറല് സെക്രട്ടറി അശോകന് ചരുവില് ഉദ്ഘാടനം ചെയ്തു. ഖാദര് പട്ടേപ്പാടം അധ്യക്ഷനായി. ഓടകുഴല് അവാര്ഡ് ജേതാവ് പി.എന്. ഗോപികൃഷ്ണനെ വി.പി. സുകുമാരമേനോന്, ഉഭിമാനം അയ്യപ്പക്കുട്ടി എന്നിവര് പൊന്നാടയണിയിച്ച് ആദരിച്ചു. പി.എന്. ഗോപികൃഷ്ണന്, ഐ.എസ്. ജ്യോതിഷ്, റെജില ഷെറില്, ഡോ. കെ. രാജേന്ദ്രന്, കെ.എന്. സുരേഷ്കുമാര് എന്നിവര് സംസാരിച്ചു. വികെഎസ് ഗായക സംഘം ഇരിങ്ങാലക്കുട മേഖലയുടെ പാട്ടുകൂട്ടം പരിപാടിയുടെ അരങ്ങേറ്റം നടന്നു. ജീവല് സാഹിത്യ സംഘത്തിന്റെ ഭാഗമായി കിഴുത്താണി ഗ്രാമീണ വായനശാലയുടെ വാര്ഷികാഘോഷങ്ങളോടനുബന്ധിച്ച് കിഴുത്താണി സ്കൂളില് 1939 ജനുവരി 21ന് നടന്ന സാഹിത്യ സമ്മേളനത്തില് ജി. ശങ്കരക്കുറുപ്പ്, വള്ളത്തോള് നാരായണമേനോന്, ചങ്ങമ്പുഴ കൃഷ്ണപിള്ള, എസ്.കെ. പൊറ്റക്കാട്, എ.ഡി. ഹരിശര്മ, ഇ.കെ. ദിവാകരന് പോറ്റി തുടങ്ങിയ സാഹിത്യ പ്രതിഭകള് പങ്കെടുത്തിരുന്നു.
About Author
ഇരിങ്ങാലക്കുട സബ് ജില്ലാ ബാസ്കറ്റ്ബോള് ടൂര്ണമെന്റ് നടത്തി 
ക്രൈസ്റ്റ് കോളജും ജിജിബി ബാറ്ററി ഇന്ത്യയും ഗവേഷണത്തിനായി ധാരണാപത്രത്തില് ഒപ്പുവച്ചു 
വെള്ളാനിയില് കുറുക്കന്റെ ആക്രമണത്തില് നാലുപേര്ക്ക് പരിക്ക് 
ഇരിങ്ങാലക്കുട ടൗണ് അര്ബന് സഹകരണ ബാങ്ക്; ഐടിയു ബാങ്ക് ഡെപ്പോസിറ്റേഴ്സ് അസോസിയേഷന് ധര്ണ നടത്തി 
വിടവാങ്ങിയത് രോഗത്തെ ഇച്ഛാശക്തികൊണ്ട് തോല്പ്പിച്ച് മാരകരോഗബാധിതര്ക്ക് പ്രതീക്ഷയും സാന്ത്വനവും പകര്ന്ന പോരാളി; ഫ്രാന്സിസ് അസീസി 
ബിജെപി യുഡിഎഫ് ഡീലിനെതിരെ സിപിഎം പ്രകടനം നടത്തി 
