പ്രാദേശിക സാമ്പത്തിക വികസനത്തില്‍ കെഎസ്ഇ നിര്‍ണ്ണായകമായ പങ്ക് വഹിച്ചു: മന്ത്രി ഡോ. ആര്‍. ബിന്ദു
കെഎസ്ഇ വജ്ര ജൂബിലി ആഘോഷം
ഇരിങ്ങാലക്കുട: ഒട്ടേറെ പേര്‍ക്ക് തൊഴിലും ജീവിതവും നല്‍കുന്നതോടൊപ്പം പ്രാദേശിക സാമ്പത്തിക വികസനത്തിന് കെഎസ്ഇ ലിമിറ്റഡ് കമ്പനി നിര്‍ണ്ണായകമായ പങ്കാണ് വഹിച്ചിട്ടുള്ളതെന്ന് മന്ത്രി ഡോ. ആര്‍. ബിന്ദു പറഞ്ഞു. ക്ഷീരകാര്‍ഷിക മേഖലയില്‍ ഗുണമേന്മയുള്ള കാലിതീറ്റ ഉല്പാദിപ്പിച്ചുകൊണ്ട് 60 വര്‍ഷങ്ങള്‍ പിന്നിട്ട കെഎസ്ഇ ലിമിറ്റഡിന്റെ വജ്ര ജൂബിലി ആഘോഷം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
മികച്ച വ്യവസായ സൗഹൃദ സംസ്ഥാനങ്ങളുടെ പട്ടികയില്‍ കേരളം ഒന്നാം സ്ഥാനത്ത് എത്തിയതോടെ സംസ്ഥാനത്തെക്കുറിച്ചുള്ള കാഴ്ചപ്പാടില്‍ മാറ്റം വന്ന് കഴിഞ്ഞതായും മന്ത്രി കൂട്ടിചേര്‍ത്തു. കമ്പനി അങ്കണത്തില്‍ ഒരുക്കിയ പൊതു സമ്മേളനത്തില്‍ ചെയര്‍മാന്‍ ടോം ജോസ് ഐഎഎസ് (റിട്ട) അധ്യക്ഷത വഹിച്ചു. എക്‌സിക്യുട്ടീവ് ഡയറക്ടര്‍ പോള്‍ ഫ്രാന്‍സീസ് കണ്ടംകുളത്തി കന്വനിയിലെ ആദ്യ ജീവനക്കാരനായ ആന്റോ കീറ്റിക്കലിനെ ചടങ്ങില്‍ ആദരിച്ചു.
കെഎസ്ഇ മാനേജിംഗ് ഡയറക്ടര്‍ എം.പി. ജാക്‌സണ്‍, നഗരസഭ കൗണ്‍സിലര്‍ സോണിയ ഗിരി, വിവിധ യൂണിയന്‍ പ്രതിനിധികളായ വി.എ. മനോജ് കുമാര്‍, സോമന്‍ ചിറ്റേത്ത്, പി. ഗോപിനാഥ്, കോക്കനട്ട് ഓയില്‍ ആന്‍ഡ് കൊപ്ര പ്രൊഡ്യൂസേഴ്‌സ് സൊസൈറ്റി പ്രസിഡന്റ് പി. സതീശന്‍, ജനറല്‍ മാനേജര്‍ എം. അനില്‍, കമ്പനി അസി. ജനറല്‍ മാനേജര്‍ അജോയ് ആന്റോ ബേബി എന്നിവര്‍ സംസാരിച്ചു. പ്രമോട്ടര്‍ ഡയറക്ടര്‍ അഡ്വ. എ.പി. ജോര്‍ജ്ജിനെ ചടങ്ങില്‍ ആദരിച്ചു. ആഘോഷത്തിന്റെ ഭാഗമായി കെഎസ്ഇ കമ്പനിയുടെ എല്ലാം യൂണിറ്റുകളില്‍ വന്നിട്ടുള്ള 1500ല്‍ അധികം ജീവനക്കാര്‍ തൊഴിലാളികളും പങ്കെടുത്ത റാലി നടന്നു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
