മുരിയാട് ഗ്രാമപഞ്ചായത്തിലെ സേവന വിവരങ്ങള്‍ ഇനി മൊബൈല്‍ ആപ്പിലൂടെ
മുരിയാട്: ഗ്രാമപഞ്ചായത്ത് സേവന വിവരങ്ങള്‍ മൊബൈല്‍ അപ്ലിക്കേഷനിലൂടെ ജനങ്ങളിലേക്ക്. പഞ്ചായത്തില്‍ ലഭ്യമാകുന്ന വിവിധ സേവനങ്ങള്‍, സര്‍ട്ടിഫിക്കറ്റുകള്‍, അപേക്ഷകള്‍ സമര്‍പ്പിക്കുമ്പോള്‍ ശ്രദ്ധിക്കേണ്ട കാര്യങ്ങള്‍, കൂടെ വെയ്‌ക്കേണ്ട രേഖകള്‍, ജനന, മരണ വിവാഹ സര്‍ട്ടിഫിക്കറ്റുകള്‍ക്കു എങ്ങനെ അപേക്ഷിക്കാം ആയതിന്റെ സര്‍ട്ടിഫിക്കറ്റുകള്‍, മെമ്പര്‍മാരുടെ വിവരങ്ങള്‍, അപേക്ഷകള്‍ തിരയുക തുടങ്ങിയ സേവനങ്ങള്‍ മൊബൈല്‍ അപ്ലിക്കേഷനില്‍ ലഭ്യമാണ്. മൊബൈല്‍ ആപ് തദ്ദേശസ്വയംഭരണ വകുപ്പ് മന്ത്രി എ.സി. മൊയ്തീന്‍ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് പ്രസിഡന്റ് ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു. വൈസ് പ്രസിഡന്റ് ഷീല ജയരാജ്, ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ കെ.യു. വിജയന്‍, ക്ഷേമകാര്യ കമ്മിറ്റി ചെയര്‍മാന്‍ രതി ഗോപി, പഞ്ചായത്തംഗം തോമസ് തൊകലത്ത്, സെക്രട്ടറി പി. പ്രജീഷ് എന്നിവര്‍ പ്രസംഗിച്ചു. ചടങ്ങില്‍ മൊബൈല്‍ അപ്ലിക്കേഷന്‍ രൂപകല്പന ചെയ്ത പഞ്ചായത്ത് മെക്കാനിക്കല്‍ കോ-ഓര്‍ഡിനേറ്റര്‍ നിഖിലിനെ മന്ത്രി ആദരിച്ചു. മൊബൈല്‍ അപ്ലിക്കേഷന്‍ പ്ലേ സ്റ്റോറില്‍ നിന്നു ഡൗണ്‍ലോഡ് ചെയ്യാവുന്നതാണ്.
About Author
മുരിയാട് ഗ്രാമപഞ്ചായത്ത് മൂന്നാം നൂറു ദിന പരിപാടിക്ക് തുടക്കമായി 
വനിതാ സ്വയംതൊഴില്‍ പരിശീലനവുമായി ഗ്രാമീണ വായനശാല 
പൂമംഗലം പഞ്ചായത്ത് കുടുംബാരോഗ്യ കേന്ദ്രത്തില്‍ ഫിസിയോ തെറാപ്പി വിഭാഗം ഉദ്ഘാടനം ചെയ്തു 
മുരിയാട് മണ്ഡലം കോണ്‍ഗ്രസ് കമ്മിറ്റി ഇന്ദിരാഗാന്ധി അനുസ്മരണം നടത്തി 
സംരംഭകത്വത്തിനായി മൂന്നു കോടി വായ്പ സഹായം നല്‍കി മുരിയാട് കുടുംബശ്രീ 
പി. ഗോപിനാഥ് പൂമംഗലം സര്‍വീസ് സഹകരണ ബാങ്ക് പ്രസിഡന്റ് 
