ടാങ്കര്‍ ലോറി നിര്‍ത്തിയിട്ട ടെംബോയില്‍ ഇടിച്ച് രണ്ടു പേര്‍ക്ക് പരിക്ക്
ഇരിങ്ങാലക്കുട: നിറുത്തിയിട്ടിരുന്ന ടെംബോ വാഹനത്തില്‍ കുടിവെളള ടാങ്കര്‍ ലോറി നിയന്ത്രണം വിട്ട് ഇടിച്ച് ലോറിയില്‍ ഉണ്ടായിരുന്ന രണ്ടു പേര്‍ക്ക് പരിക്കേറ്റു. പുല്ലൂര്‍ ഐടിസിയ്ക്കു മുമ്പില്‍ ഇന്നലെ രാവിലെ പത്തേമുക്കാലോടെയായിരുന്നു അപകടം. പരിക്കേറ്റ ലോറി ഡ്രൈവര്‍ വല്ലച്ചിറ വന്നേരി വീട്ടില്‍ അഭിഷേക് (20), ക്ലീനര്‍ പുത്തൂര്‍ മാന്ദാമംഗലം സ്വദേശി ജിബിന്‍ (20) എന്നിവരെ സഹകരണ ആശുപത്രിയില്‍ പ്രവേശിപ്പിച്ചു. നിറുത്തിയിട്ടിരുന്ന ടെംബോയില്‍ ആരും ഉണ്ടായിരുന്നില്ല. ആനന്ദപുരത്ത് കുടിവെള്ളം എത്തിച്ച് വെള്ളം എടുക്കാനായി ഇരിങ്ങാലക്കുട വാട്ടര്‍ അഥോറിറ്റി കേന്ദ്രത്തിലേക്കു വരികയായിരുന്നുവെന്നു ചികില്‍സയില്‍ കഴിയുന്ന ഡ്രൈവര്‍ അഭിഷേക് പറഞ്ഞു. ഫയര്‍ ഫോഴ്‌സിന്റെ നേതൃത്വത്തില്‍ ലോറി പൊളിച്ചിട്ടാണു ക്ലീനര്‍ ജിബിനെ പുറത്തെടുത്തത്. ജിബിന്റെ കാലുകള്‍ക്കു ഗുരുതരമായി പരിക്കേറ്റിട്ടുണ്ട്. ഇരിങ്ങാലക്കുട പോലീസ് തുടര്‍നടപടികള്‍ സ്വീകരിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
