നാടിന്റെ സ്വപ്നം യാഥാര്‍ഥ്യത്തിലേക്ക്; ശങ്കരംകുളം നവീകരണത്തിന് രണ്ടു കോടി 81 ലക്ഷം

അവിട്ടത്തൂര്‍: വേളൂക്കര പഞ്ചായത്തിലെ അവിട്ടത്തൂരിലെ പ്രധാന ജലസ്രോതസായ ശങ്കരംകുളം നവീകരിക്കും. നഗരസഞ്ചയപദ്ധതിയുടെ ഭാഗമായാണു ശങ്കരംകുളം നവീകരണവും ശങ്കരംകുളം എടശേരിപ്പാടം തോടുനവീകരണവും നടത്തുന്നത്. രണ്ടു പദ്ധതികള്‍ക്കുമായി 2.81 കോടി രൂപയാണു വകയിരുത്തിയത്. പ്രദേശത്തെ ജലക്ഷാമം പരിഹരിക്കാന്‍ ഈ പദ്ധതിയിലൂടെ സാധിക്കുമെന്നു വേളൂക്കര പഞ്ചായത്ത് വികസനകാര്യ സ്ഥിരംസമിതി അധ്യക്ഷന്‍ ബിബിന്‍ ബാബു തുടിയത്ത് പറഞ്ഞു. തൊമ്മാന ലിഫ്റ്റ് ഇറിഗേഷന്‍ പദ്ധതിപ്രകാരമുള്ള വെള്ളം ശങ്കരംകുളത്തിലേക്കു നീട്ടാന്‍ കഴിഞ്ഞാല്‍ മാത്രമേ പൂര്‍ണമായ ഗുണം ലഭിക്കുകയുള്ളൂ. ശങ്കരംകുളം നിറഞ്ഞാല്‍ ഒമ്പതാം വാര്‍ഡിലെ പുന്നംകുളം, അഞ്ചാം വാര്‍ഡിലെ കോതകുളം, ആറാം വാര്‍ഡിലെ മുതലക്കുളം എന്നിവയിലും സമീപത്തെ തോടുകളിലും കിണറുകളിലും ജലവിതാനമുയരും.

About Author

ijknews

See author's posts