പ്രതിഷേധാഗ്നിയുടെ ഭാഗമായി ഇരിങ്ങാലക്കുട കോർട്ട് സെന്ററിൽ പ്രതിഷേധജ്വാല നടത്തി

ഇരിങ്ങാലക്കുട: സംസ്ഥാന വ്യാപകമായി ഐഎഎൽ (ഇന്ത്യൻ അസോസിയേഷൻ ഓഫ് ലോയേഴ്‌സ്) സംഘടിപ്പിച്ച പ്രതിഷേധാഗ്നി പരിപാടിയുടെ ഭാഗമായി ഇരിങ്ങാലക്കുട കോർട്ട് സെന്ററിൽ പ്രതിഷേധജ്വാല നടത്തി. പ്രതിഷേധജ്വാല ജില്ലാ കമ്മിറ്റി അംഗം അഡ്വ. രാജേഷ് തമ്പാൻ ഉദ്ഘാടനം ചെയ്തു. അഭിഭാഷക ക്ഷേമനിധി സംഖ്യ വർധിപ്പിക്കുക, ചികിത്സാ സഹായ സംഖ്യ വർധിപ്പിക്കുക, ജൂണിയർ അഭിഭാഷകർക്ക് സ്റ്റൈപ്പന്റ് അനുവദിക്കുക, വ്യവഹാരങ്ങൾക്കായി അടക്കുന്ന കോർട്ഫീസിന്റെ നിശ്ചിത ശതമാനം തുക അഭിഭാഷക ക്ഷേമനിധിയിലേക്ക് അനുവദിക്കുക തുടങ്ങി നിരവധി ആവശ്യങ്ങൾ ഉന്നയിച്ചാണ് സമരം നടത്തിയത്. ഐഎഎൽ നേതാക്കളായ അഡ്വ. എം.എ. ജോയ്, അഡ്വ. പി.ജെ. ജോബി, അഡ്വ. കെ.ജി. അജയ്കുമാർ, അഡ്വ. എം.പി. ജയരാജ്, അഡ്വ. കെ.പി. ശ്രീകുമാരനുണ്ണി, അഡ്വ. മോനിഷ, അഡ്വ. സരസ്വതി രാമൻ, എഐഎൽയു നേതാവ് അഡ്വ. കെ.എ. മനോഹരൻ, ലോയേസ് കോൺഗ്രസ് നേതാവ് അഡ്വ. പി.ജെ. തോമസ് എന്നിവർ പ്രസംഗിച്ചു

About Author

ijknews

See author's posts