മരം നിറയെ പക്ഷി, വാഹനം നിറയെ കാഷ്ഠം, ദുരിതം
50 ലക്ഷം രൂപയുടെ പദ്ധതി പോയി; പക്ഷിക്കാഷ്ഠത്താല്‍ പൊറുതിമുട്ടി ഇരിങ്ങാലക്കുട റെയില്‍വേ സ്റ്റേഷന്
ഇരിങ്ങാലക്കുട: മരത്തിന് കീഴെ വാഹനം നിര്‍ത്തിയാല്‍ നിറംമാറും, പക്ഷി കാഷ്ഠത്തില്‍ പൊറുതിമുട്ടി ഇരിങ്ങാലക്കുട റെയിവേ സ്റ്റേഷനില്‍ വാഹനം പാര്‍ക്കു ചെയ്യുന്നവര്‍. ഇരിങ്ങാലക്കുട റെയില്‍വേ സ്റ്റേഷനിലെത്തുന്നവര്‍ക്ക് ഉണ്ടായിരുന്ന പക്ഷിക്കാഷ്ഠ ഭീഷണി ചെറുക്കാന്‍ അനുവദിച്ച 50 ലക്ഷത്തിന്റെ പദ്ധതി നടപ്പായില്ല. ഇരിങ്ങാലക്കുട റെയില്‍വേ സ്റ്റേഷനിലെത്തുന്നവര്‍ക്ക് ദേശാടന പക്ഷികളുടെ കാഷ്ഠം വലിയ തോതിലാണ് ഭീഷണിയുയര്‍ത്തുന്നത്. സ്റ്റേഷനു മുന്‍പിലുള്ള മരങ്ങളില്‍ വിരുന്നെത്തുന്ന ദേശാടന പക്ഷികളുടെ കാഷ്ഠമാണ് കാലങ്ങളായി യാത്രക്കാര്‍ക്കും വാഹനങ്ങള്‍ക്കും തലവേദന സൃഷ്ടിച്ചിരുന്നത്. 2022ല്‍ എംപിയായിരുന്ന ടി.എന്‍. പ്രതാപനാണ് റെയില്‍വേ സ്റ്റേഷന്റെ മുന്‍വശം മുതല്‍ റോഡുവരെയുള്ള ഭാഗം ട്രസ് ചെയ്യുന്നതിനും കവാടം നിര്‍മിക്കാനുമുള്ള പദ്ധതിക്ക് 50 ലക്ഷം രൂപ പ്രഖ്യാപിച്ചത്.
പദ്ധതിക്ക് റെയില്‍വേ അംഗീകാരം നല്‍കുകയും ചെയ്തു. എന്നാല്‍, രണ്ടുവര്‍ഷം പിന്നിട്ടിട്ടും പദ്ധതി യാഥാര്‍ഥ്യമായില്ല. പ്രശ്‌നം പരിഹരിക്കാന്‍ പലവട്ടം മരങ്ങള്‍ മുറിച്ചുനീക്കാന്‍ ശ്രമം നടന്നിരുന്നെങ്കിലും പക്ഷിസ്‌നേഹികള്‍ ഇടപെട്ട് അതെല്ലാം തടഞ്ഞു. പക്ഷിക്കാഷ്ഠംകൊണ്ട് പൊറുതി മുട്ടിയതിനെത്തുടര്‍ന്ന് തൃശൂര്‍ റെയില്‍വേ സ്റ്റേഷനുകളിലെ മരങ്ങള്‍ മുറിച്ചുനീക്കിയിരുന്നു. ഇരിങ്ങാലക്കുട റെയില്‍വേ സ്റ്റേഷനിലെ ഈ പ്രശ്‌നം പരിഹരിക്കാന്‍ പാസഞ്ചേഴ്‌സ് അസോസിയേഷന്‍ പരാതി സമര്‍പ്പിക്കല്‍ കാമ്പയിന്‍ സംഘടിപ്പിച്ചിട്ടുണ്ട്. റെയില്‍വേക്ക് ഇമെയില്‍ അയച്ചും പരാതി പുസ്തകത്തില്‍ രേഖപ്പെടുത്തിയും തങ്ങളുടെ പ്രതിഷേധം അറിയിക്കുകയാണ്. ശുചിത്വമുള്ള റെയില്‍വേ സ്റ്റേഷന് നമ്മുടെ അവകാശമാണെന്ന ടാഗ് ലൈനോടെ പാസഞ്ചേഴ്‌സ് അസോസിയേഷന്‍ പരാതി സമര്‍പ്പിക്കല്‍ പരിപാടി നടത്തുന്നുണ്ട്.
About Author
ഒളിവിലായിരുന്ന പീഡനക്കേസ് പ്രതി അറസ്റ്റില്‍ 
ഫുട്‌ബോള്‍ ആവേശം വീണ്ടെടുക്കാന്‍ ഒളിംപ്യന്‍ സ്‌പോര്‍ട്ടിംഗ് ക്ലബ് 
ഗ്രേസ് 2024 അവാര്‍ഡ് ജേതാവ് ശാന്തിനികേതന്‍ പബ്ലിക് സ്‌കൂളിലെ ദിവ്യടീച്ചര്‍ക്ക് അനുമോദനം നല്‍കി 
മൈക്രോ ബയോളജിയില്‍ ഒന്നാം റാങ്ക് കരസ്ഥമാക്കിയ അഷിത കെ. ആസാദിനെ അനുമോദിച്ചു 
ഇരിങ്ങാലക്കുട സെന്റ് ജോസഫ്‌സ് കോളജ് കാലിക്കട്ട് യൂണിവേഴ്‌സിറ്റി വോളിബോള്‍ ചാമ്പ്യന്‍ 
കൊടുങ്ങല്ലൂര്‍ മാര്‍തോമ തീര്‍ത്ഥാടന വിളംബരവും കുരിശുപ്രയാണവും സംഘടിപ്പിച്ചു 
