അറുപത് ശതമാനം റോഡുകളും ബിഎം ആന്ഡ് ബിസി നിലവാരത്തിലേക്ക് ഉയര്ത്താന് കഴിഞ്ഞതായി മന്ത്രി മുഹമ്മദ് റിയാസ്
ഇരിങ്ങാലക്കുട പുതുക്കാട് മണ്ഡലങ്ങളിലൂടെ കടന്നുപോകുന്ന മാപ്രാണം- നന്തിക്കര റോഡിന്റെ ഉദ്ഘാടനത്തിന്റെ ഭാഗമായി ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ഡോ. ആര്. ബിന്ദു തുറന്നു നല്കുന്നു.
ഇരിങ്ങാലക്കുട: സംസ്ഥാനത്ത് പശ്ചാത്തല മേഖലയില് വലിയ കുതിപ്പാണ് നടക്കുന്നതെന്ന് പൊതുമരാമത്ത് ടൂറിസം വകുപ്പ് മന്ത്രി പി.എ. മുഹമ്മദ് റിയാസ്. ഇരിങ്ങാലക്കുട പുതുക്കാട് മണ്ഡലങ്ങളിലൂടെ കടന്നുപോകുന്ന മാപ്രാണം- നന്തിക്കര റോഡിന്റെ ഉദ്ഘാടനം ഓണ്ലൈനായി നിര്വഹിച്ച് സംസാരിക്കുകയായിരുന്നു മന്ത്രി. കേരളത്തിലെ പൊതുമരാമത്ത് വകുപ്പിന് കീഴിലുള്ള അറുപത് ശതമാനം റോഡുകള് ബിഎം ആന്ഡ് ബിസി നിലവാരത്തിലേക്ക് മാറ്റുവാന് സാധിച്ചതായും മന്ത്രി പറഞ്ഞു. ചടങ്ങില് കെ.കെ. രാമചന്ദ്രന് എംഎല്എ മുഖ്യാതിഥിയായി.
മാപ്രാണം ജംഗ്ഷനില് നടന്ന ചടങ്ങില് ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ഡോ. ആര്. ബിന്ദു അധ്യക്ഷത വഹിച്ചു. ഇരിങ്ങാലക്കുട- പുതുക്കാട് മണ്ഡലങ്ങളിലൂടെ കടന്നുപോകുന്ന റോഡ് 16.63 കോടി രൂപ ചെലവഴിച്ച് നബാര്ഡ് ട്രാഞ്ചേ 28 ല് ഉള്പ്പെടുത്തിയാണ് പുനരുദ്ധാരണം പൂര്ത്തീകരിച്ചത്. മാപ്രാണം മുതല് നന്തിക്കര വരെയുള്ള 5.50 മീറ്റര് വീതി ഉണ്ടായിരുന്ന റോഡ് ഏഴു മീറ്റര് മുതല് ഒമ്പത് മീറ്റര് വരെ വീതി കൂട്ടുകയും ആവശ്യമായ സ്ഥലങ്ങളില് ഉയര്ത്തിയുമാണ് അത്യാധുനിക രീതിയില് ബിഎം ആന്ഡ് ബിസി നിലവാരത്തില് പുനര്നിര്മിച്ചിട്ടുള്ളത്.
ജില്ലാ പഞ്ചായത്ത് വൈസ് പ്രസിഡന്റ് ലത ചന്ദ്രന്, പറപ്പൂക്കര പഞ്ചായത്ത് പ്രസിഡന്റ് ഇ.കെ. അനൂപ്, കാറളം പഞ്ചായത്ത് പ്രസിഡന്റ് ബിന്ദു പ്രദീപ്, നഗരസഭ ആരോഗ്യ സ്റ്റാന്ഡിംഗ് കമ്മിറ്റി ചെയര്പേഴ്സണ് അംബിക പള്ളിപ്പുറത്ത്, തൃശൂര് നിരത്ത് വിഭാഗം എക്സിക്യൂട്ടീവ് എന്ജിനീയര് സി. രാകേഷ്, ഇരിങ്ങാലക്കുട നിരത്ത് ഉപവിഭാഗം അസിസ്റ്റന്റ് എക്സിക്യൂട്ടീവ് എന്ജിനീയര് പി.പി. റാബിയ എന്നിവര് പങ്കെടുത്തു.
About Author
തൃശൂര്-കൊടുങ്ങല്ലൂര് സംസ്ഥാനപാത കോണ്ക്രീറ്റിടല് ഹൈക്കോടതി നല്കിയ സമയപരിധി തീര്ന്നു 
മാടായിക്കോണം പി.കെ. ചാത്തന്മാസ്റ്റര് സ്മാരക ഗവ. യുപി സ്കൂളില് വാര്ഷികാഘോഷവും പുതിയ സ്കൂള് ബസിന്റെ ഫഌഗ് ഓഫ് കര്മ്മവും നടത്തി 
ഇന്ത്യന് പ്ലാനിംഗ് കമ്മീഷന്റെ ദേശീയ വികസന ഏജന്സിയായ ഭാരത് സേവക് സമാജിന്റെ (ബിഎസ്എസ്) 2026 നാഷണല് അവാര്ഡ് ജോസ് മാമ്പിള്ളിക്ക് 
കരുവന്നൂര് സിഎല്സി കേശദാന ക്യാമ്പ് നടത്തി 
ക്രൈസ്റ്റ് കോളജ് ഓഫ് എന്ജിനീയറിംഗില് കുടുംബശ്രീ അംഗങ്ങള്ക്കായി എല്ഇഡി ബള്ബ് നിര്മ്മാണ പരിശീലനം 
ഫാ. ഡോ. ജോസ് തെക്കന് ഓള് ഇന്ത്യ ബെസ്റ്റ് ടീച്ചര് അവാര്ഡ് ഡോ. നൈജില് തോമസിന്