മികച്ച ജനപ്രതിനിധികള്‍ക്കുള്ള അവാര്‍ഡ് നല്കി

ഇരിങ്ങാലക്കുട: കേരള യൂത്ത് ഗൈഡന്‍സ് മൂവ്‌മെന്റിന്റെ മികച്ച ജില്ലാ പഞ്ചായത്ത് മെമ്പര്‍ക്കുള്ള അവാര്‍ഡ് പറപ്പൂക്കര ഡിവിഷനെ പ്രതിനിധീകരിക്കുന്ന ജില്ലാ പഞ്ചായത്തംഗം ടി.ജി. ശങ്കരനാരായണനും മികച്ച പഞ്ചായത്ത് പ്രസിഡന്റിനുള്ള പുരസ്‌കാരം കൊരട്ടി ഗ്രാമപഞ്ചായത്ത് പ്രസിഡന്റ് കുമാരി ബാലനും ഏറ്റുവാങ്ങി. സംസ്ഥാന ചീഫ് വിപ്പ് അഡ്വ. കെ. രാജന്‍ (ഒല്ലൂര്‍ എംഎല്‍എ) അവാര്‍ഡ് നല്കി. 25000 രൂപയും ഫലകവുമായിരുന്നു അവാര്‍ഡ്. ജില്ലാ പഞ്ചായത്ത് പ്രസിഡന്റ് എന്‍.കെ. ഉദയപ്രകാശ് അധ്യക്ഷത വഹിച്ചു. സംഘടനാ പ്രസിഡന്റ് അഡ്വ. സേവ്യര്‍ പാലാട്ടി, സെക്രട്ടറി ജോമോന്‍ മംഗലി, ജോബി പൗലോസ്, കൊരട്ടി പഞ്ചായത്ത് വൈസ് പ്രസിഡന്റ് കെ.പി.തോമസ് എന്നിവര്‍ പ്രസംഗിച്ചു.

About Author

ijknews

See author's posts