ട്രേഡിംഗില്‍ സൈബര്‍ തട്ടിപ്പ് നടത്തുന്ന സംഘത്തില്‍ നിന്നും കമ്മീഷന്‍ വാങ്ങി; യുവാവ് അറസ്റ്റില്‍
ആസ്റ്റല്‍ ഡേവിഡ്.
ഇരിങ്ങാലക്കുട: ഷെയര്‍ ട്രേഡിംഗില്‍ ലാഭം നേടാമെന്ന് വിശ്വസിപ്പിച്ച് കാറളം സ്വദേശിയില്‍ നിന്ന് 13450000 (ഒരു കോടി മുപ്പത്തി നാല് ലക്ഷത്തി അമ്പതിനായിരം) രൂപ തട്ടിപ്പു നടത്തിയ കേസില്‍ യുവാവ് അറസ്റ്റില്‍. കടുപ്പശ്ശേരി അടമ്പുകുളം വീട്ടില്‍ ആസ്റ്റല്‍ ഡേവിഡ് (27) നെയാണ് ഇരിങ്ങാലക്കുട സൈബര്‍ പോലീസ് അറസ്റ്റ് ചെയ്തത്.
പ്രമുഖ ഇംഗ്ലീഷ് ദിന പത്രത്തിലെ ഷെയര്‍ ട്രേഡിംഗ് പരസ്യം കണ്ട് ആകൃഷ്ടനായ കാറളം സ്വദേശിയെ ഷെയര്‍ ട്രേഡിംഗിനായി വാട്ടസ് അപ്പ് ഗ്രൂപ്പില്‍ ജോയിന്‍ ചെയ്യിപ്പിച്ച് ഷെയര്‍ ട്രേഡിംഗ് നടത്തുന്നതിനുള്ള ലിങ്കും ട്രേഡിംഗ് നടത്തുന്നതിനുള്ള നിര്‍ദ്ദേശങ്ങളും ഗ്രൂപ്പ് അഡ്മിന്‍മാര്‍ പല ദിവസങ്ങളിലായി അയച്ചു കൊടുത്ത് ഷെയര്‍ ട്രേഡിംഗ് നടത്തിച്ചു.
2024 സെപ്റ്റംബര്‍ 22 മുതല്‍ ഒക്ടോബര്‍ 31 വരെയുള്ള കാലയളവുകളിലായി കാറളം സ്വദേശിയുടെ ഇരിങ്ങാലക്കുടയിലെ വിവിധ ബാങ്കുകളില്‍ നിന്നുമായി പല തവണകളായിട്ടാണ് 13450000 (ഒരു കോടി മുപ്പത്തി നാല് ലക്ഷത്തി അമ്പതിനായിരം) രൂപ തട്ടിപ്പുകാര്‍ കൈക്കലാക്കിയത്.
ഈ പണത്തിലുള്‍പ്പെട്ട 900000 (ഒന്‍പത് ലക്ഷം) രൂപ ഇരിങ്ങാലക്കുടയിലെ ഒരു പ്രമുഖ ബാങ്കിലെ ബ്രാഞ്ചില്‍ നിന്നും, 850000 (എട്ട് ലക്ഷത്തി അമ്പതിനായിരം) രൂപ കൊമ്പൊടിഞ്ഞാമാക്കലുള്ള ഒരു പ്രമുഖ ബാങ്കിലെ ബ്രാഞ്ചില്‍ നിന്നും പിന്‍ വലിക്കുന്നതിന് ഇടനിലക്കാരനായി നിന്ന് ചെക്ക് ഉപയോഗിച്ച് പിന്‍വലിച്ച് തട്ടിപ്പുകാര്‍ക്ക് നല്‍കുകയും ആയതിന്റെ കമ്മീഷനായി 10000 (പതിനായിരം) രൂപ രണ്ടു തവണകളായി കൈപ്പറ്റി തട്ടിപ്പിന് കൂട്ടുനിന്നതിനാണ് ആസ്റ്റല്‍ ഡേവിഡിനെ അറസ്റ്റ് ചെയ്തത്.
തൃശൂര്‍ റൂറല്‍ ജില്ലാ പോലീസ് മേധാവി ബി. കൃഷ്ണകുമാര്‍ ഐപിഎസ് ന്റെ നിര്‍ദ്ദേശപ്രകാരം ഡിസിആര്‍ബി ഡിവൈഎസ്പി എസ്.വൈ. സുരേഷ്, സൈബര്‍ എസ്എച്ച്ഒ വര്‍ഗ്ഗീസ് അലക്‌സാണ്ടര്‍, എസ്ഐ മാരായ ബെന്നി ജോസഫ്,ജോബി ശങ്കുരിക്കല്‍ ഉദ്യഗസ്ഥരായ അനൂപ്, അജിത്കുമാര്‍, അനീഷ്, സുധീപ് എന്നിവരാണ് അന്വേഷണസംഘത്തില്‍ ഉണ്ടായിരുന്നത്. കോടതിയില്‍ ഹാജരാക്കിയ ആസ്റ്റലിനെ റിമാന്‍ഡ് ചെയ്തു.
About Author
മറ്റു ഭാഷകളെ സ്വീകരിക്കാന്‍ ദുരഭിമാനമില്ലാത്ത ക്ലാസിക് ഭാഷയാണ് മലയാളം -പി.എന്‍. ഗോപീകൃഷ്ണന്‍ 
റോഡിലെ അപകടകുഴി; മഴ പെയ്‌ത്തോടെ കുളമായി, ഗതാഗതം സ്തംഭിച്ചു 
നിക്ഷേപതുക തിരികെ ലഭിക്കാന്‍ വീണ്ടും ഒറ്റയാള്‍ സമരവുമായി ജോഷി; കരുവന്നൂര്‍ ബാങ്കിനുള്ളില്‍ കുത്തിയിരുന്നു പ്രതിഷേധിച്ചു 
കല്ലേറ്റുംകര ഉണ്ണിമിശിഹ പള്ളിയിലെ മോഷണം: പ്രതി അറസ്റ്റില്‍ 
സിനിമ വെറും കച്ചവടമാകരുത്: ചലച്ചിത്ര സംവിധായകന്‍ കമല്‍ 
കൂടല്‍മാണിക്യത്തിലെ ജാതി വിവേചനം; യൂത്ത് മൂവ്‌മെന്റ് പ്രതിഷേധ മാര്‍ച്ചും ധര്‍ണ്ണയും നടത്തി 
