സ്‌കൂട്ടര്‍ യാത്രികനായ 22 കാരനെ ഇടിച്ചു നിറുത്താതെ പോയ കാര്‍ പിടികൂടി
പാലക്കാട് സ്വദേശി അറസ്റ്റില്‍
പരിശോധിച്ചത് തൃശൂര്‍ മുതല്‍ എറണാകുളം വരെയുള്ള ക്യാമറകള്‍
ഇരിങ്ങാലക്കുട:നടവരമ്പ് പള്ളിക്കു സമീപം വച്ച് രാത്രി സ്‌കൂട്ടര്‍ യാത്രക്കാരനെ ഇടിച്ചു വീഴ്ത്തി നിറുത്താതെ പോയ കാര്‍ പോലീസ് കണ്ടെത്തി. പ്രതിയെ അറസ്റ്റു ചെയ്തു. പാലക്കാട് പട്ടാമ്പി വാടാനംകുറിശ്ശി സ്വദേശി പരപ്പള്ളിയാലില്‍ അരീഷ് (25) ആണ് അറസ്റ്റിലായത്. ഇയാളുടെ സുഹൃത്തിന്റേതാണ് കാര്‍. എറണാകുളത്ത് ബന്ധുവീട്ടില്‍ പോകുമ്പോള്‍ ഇക്കഴിഞ്ഞ സെപ്റ്റംബര്‍ എട്ടിന് രാത്രി എട്ടു മണിയോടെയാണ് യാണ് കേസിനാസ്പദമായ സംഭവം ഉണ്ടായത്. അതിവേഗതയില്‍ തൃശൂര്‍ ഭാഗത്തു നിന്നും മറ്റൊരു വാഹനത്തെ മറികടന്നെത്തിയ കാര്‍ ഇരിങ്ങാലക്കുട ഭാഗത്തേക്ക് വരികയായിരുന്ന ഊരകം സ്വദേശി മുളങ്ങാട്ട് ആനന്ദ് കൃഷ്ണന്റെ സ്‌കൂട്ടറില്‍ ഇടിച്ചു വീഴ്ത്തുകയായിരുന്നു. ഇടിയുടെ ആഘാതത്തില്‍ ആനന്ദ് റോഡിലേക്ക് തെറിച്ചു വീണു. കാറിനു പിന്നാലെ വന്ന വാഹനങ്ങള്‍ക്ക് വേഗത കുറവായതും കയറ്റവും ആയതാണ് കൂടുതല്‍ അത്യാഹിതം ഒഴിവായത്. റോഡില്‍ വീണ് ദേഹമാസകലം ഗുരുതര പരുക്കേറ്റ ഇയാളുടെ കൈ ഞെരമ്പ് അറ്റുപോവുകയും ചെയ്തിരുന്നു.. അതു വഴി വന്ന മറ്റു യാത്രക്കാര്‍ ഉടനെ ആശുപത്രിയില്‍ എത്തിച്ചതാണ് തുണയായത്. ജോലി കഴിഞ്ഞ് വീട്ടിലേക്ക് മടങ്ങുമ്പോഴാണ് അപകടം ഉണ്ടായത്. യാത്രക്കാര്‍ നല്‍കിയ സൂചനകളും ഇടിച്ച കാറിന്റെ റോഡില്‍ വീണു കിടന്ന ഭാഗങ്ങളും സി.സി.ടി.വി ദൃശ്യങ്ങളുമാണ് കാര്‍ കണ്ടെത്താന്‍ പോലീസിന് സഹായകമായത്. ഇരിങ്ങാലക്കുട ഡി.വൈ.എസ്.പി. ബാബു കെ.തോമസ്, ഇന്‍സ്‌പെക്ടര്‍ എസ്.പി.സുധീരന്‍ എന്നിവരുടെ നേതൃത്വത്തില്‍ പോലീസ് സംഘം തൃശൂര്‍ മുതല്‍ എറണാകുളം വരെയുള്ള നൂറ്റമ്പതോളം സി.സി.ടി. ദൃശ്യങ്ങള്‍ പരിശോധിച്ച് ഉറപ്പു വരുത്തിയും അടര്‍ന്നു വീണ കാറിന്റെ ഭാഗങ്ങള്‍ വച്ചു അന്വേഷണം നടത്തിയുമാണ് കാര്‍ കണ്ടെത്തി പ്രതിയെ പിടികൂടിയത്. സി.സി.ടി.വി. ദൃശ്യങ്ങളില്‍ നിന്ന് വാഹനത്തിന്റെ മോഡല്‍ മനസ്സിലാക്കിയ പോലീസ് എറണാകുളം തൃശൂര്‍, പാലക്കാട്, മലപ്പുറം ജില്ലകളിലെ വാഹനങ്ങളുടെ രേഖകളാണ് പരിശോധിച്ചത്. തന്റെ കാറിടിച്ച് റോഡില്‍ വീണയാളെ പ്രഥമ ചികിത്സ പോലും നല്‍കാന്‍ നില്‍ക്കാതെ കാറുമായി കടന്നു കളഞ്ഞ പ്രതിക്കെതിരെ ശക്തമായ നടപടിയാണ് പോലീസ് കൈക്കൊണ്ടത്. എസ്.ഐ. കെ.ഷറഫുദ്ദീന്‍, സീനിയര്‍ സി.പി.ഒ.മാരായ കെ.വി.ഉമേഷ്, ഷിജിന്‍നാഥ്, കെ.എസ്. ഉമേഷ്, ഇ.എസ്.ജീവന്‍, ജയപ്രകാശ്, സോണി സേവ്യര്‍ എന്നിവരാണ് പോലിസ് സംഘത്തില്‍ ഉണ്ടായിരുന്നത്.
About Author
നാടന്‍ കലകള്‍ അന്യംനിന്നുപോകുന്നു; സര്‍ക്കാര്‍ പൂര്‍ണ പിന്തുണ നല്‍കണം, മന്ത്രി രമേശ് ചെന്നിത്തല 
ഠാണ ചന്തക്കുന്ന് റോഡിലെ അശാസ്ത്രീയ മീഡിയന്‍ നിര്‍മാണം; ആക്ഷന്‍ കൗണ്‍സില്‍ നിവേദനങ്ങള്‍ നല്‍കി 
നാഷണല്‍ ക്വാളിറ്റി അഷ്വറന്‍സ് സ്റ്റാന്‍ഡേര്‍ഡ് സര്‍ട്ടിഫിക്കേഷന്‍: ഇരിങ്ങാലക്കുട ജനറല്‍ ആശുപത്രിയില്‍ ദേശീയതല മൂല്യനിര്‍ണയം 
പി.കെ. ചാത്തന്‍ മാസ്റ്റര്‍ സ്മൃതിസഭ: പ്രചരണത്തിന് തുടക്കം കുറിച്ച് കേന്ദ്രമന്ത്രി സുരേഷ് ഗോപി എംപി ഇരിങ്ങാലക്കുടയില്‍ ചുമരെഴുത്ത് നടത്തി 
16-ാമത് റവന്യൂ ജില്ലാ ശാസ്‌ത്രോത്സവത്തില്‍ തൃശൂര്‍ ഈസ്റ്റ് ഉപജില്ല ഓവറോള്‍ ചാമ്പ്യന്മാര്‍ 
ഠാണാ ചന്തക്കുന്ന് റോഡിലെ അശാസ്ത്രീയ ഡിവൈഡര്‍ നിര്‍മാണം; ആശങ്കകള്‍ പരിഹരിക്കാതെ പണികള്‍ പുനരാരംഭിക്കില്ലെന്ന് കെഎസ്ടിപി 
