കനത്ത മഴ; തെക്കുംകരയില് മണ്ണിടിച്ചില് വളളിവട്ടത്ത് കിണറിടിഞ്ഞു
ഇരിങ്ങാലക്കുട: കനത്ത മഴയെ തുടര്ന്ന് വെള്ളാങ്കല്ലൂര് പഞ്ചായത്തിലെതെക്കുംകരയില് മണ്ണിടിച്ചില്. പുഞ്ചേപ്പടി പാലപ്രക്കുന്ന് വീട്ടില് സനീഷിന്റെ വീടിന് പുറകു വശത്തായാണ് മണ്ണിടിച്ചിലുണ്ടായത്. ഇന്നലെ രാവിലെ പത്തു മണിയോടെയായിരുന്നു സംഭവം. ആര്ക്കും പരിക്കില്ല. വീട്ടില് മൂന്നു കുട്ടികളടക്കം ആറു പേരാണുള്ളത്. സംഭവ സമയത്ത് സനീഷും ഭാര്യയും മാതാവുമാണ് വീട്ടില് ഉണ്ടായിരുന്നത്. വലിയ പാറകള് പ്രദേശത്തേക്ക് ഉരുണ്ടു വീണു. വീടിന്റെ പുറകുവശത്ത് ഷീറ്റിട്ട ഭാഗത്ത് ഭാഗികമായ നഷ്ടങ്ങള് ഉണ്ടായിട്ടുണ്ട്. വില്ലേജ് ഓഫീസര് ജോയ്സണിന്റെ നേതൃത്വത്തില് സ്ഥല പരിശോധന നടത്തി വേണ്ട നിര്ദേശങ്ങള് നല്കി. സുരക്ഷിതമായ സ്ഥലത്തേക്ക് മാറാന് ഇവര്ക്ക് നിര്ദേശം നല്കിയിട്ടുണ്ട്. മഴയില് വളളിവട്ടത്ത് മുല്ലശേരി വീട്ടിലെ ശാലി സതീഷിന്റെ ഉടമസ്ഥതയിലുള്ള പറമ്പിലെ കിണര് ഇടിഞ്ഞിട്ടുണ്ട്.


എന്റെ പാടം എന്റെ പുസ്തകം പദ്ധതിയുടെ ഉദ്ഘാടനം നടത്തി
വെള്ളാങ്കല്ലൂര് ബ്ലോക്ക് പഞ്ചായത്ത് തരിശ് രഹിത ബ്ലോക്ക് പഞ്ചായത്ത് എന്ന സ്വപ്ന സാക്ഷാത്കാരത്തിലേക്ക്
വെള്ളാങ്കല്ലൂര് ബ്ലോക്ക് പഞ്ചായത്ത് എടതിരിഞ്ഞി ഡിവിഷന് എല്ഡിഎഫ് നിലനിറുത്തി
വെള്ളാങ്കല്ലൂര് ബ്ലോക്ക് എടതിരിഞ്ഞി ഡിവിഷന് ഉപതെരഞ്ഞെടുപ്പ് യുഡിഎഫ് കണ്വെന്ഷന് നടത്തി
എടതിരിഞ്ഞി ഡിവിഷന് ഉപതെരഞ്ഞെടുപ്പിലേക്കുള്ള മുന്നണി സ്ഥാനാര്ഥികളായി, വോട്ടെടുപ്പ് 28ന്
പൂക്കള് വാടില്ല, നിറം മങ്ങില്ല, ഓണവിപണിയില് റെഡിമെയ്ഡ് തരംഗം