ലയണ്‍സ് ക്ലബ് വിദ്യാശ്രേഷ്ഠ പുരസ്‌ക്കാരം ആന്‍ജില്‍ നിറ്റോക്ക്
ഇരിങ്ങാലക്കുട: ഇരിങ്ങാലക്കുട ലയണ്‍സ് ക്ലബ് വിദ്യാനിധി പദ്ധതിയുടെ ഭാഗമായി ചാര്‍ട്ടര്‍ പ്രസിഡന്റ് കെ.പി. ജോണിന്റെ നാമധേയത്തിലുള്ള വിദ്യാശ്രേഷ്ഠ പുരസ്‌ക്കാരത്തിന്റെ സ്‌കൂള്‍ തലത്തിലുള്ള ഔദ്യോഗിക ഉദ്ഘാടനകര്‍മ്മം ഇരിങ്ങാലക്കുട ഡോണ്‍ബോസ്‌കോ ഹയര്‍ സെക്കന്‍ഡറി സ്‌കൂളില്‍ വെച്ച് ലയണ്‍സ് മുന്‍ മള്‍ട്ടിപ്പള്‍ കൗണ്‍സില്‍ ചെയര്‍പേഴ്‌സണ്‍ സുഷമ നന്ദകുമാര്‍ നിര്‍വ്വഹിച്ചു. അക്കാദമിക് വൈദഗ്ധ്യത്തിനു പുറമേ, പാഠ്യേതര പ്രവര്‍ത്തനങ്ങളില്‍ മികവ് തെളിയിച്ച പത്താം ക്ലാസ് വിദ്യാര്‍ഥിനി ആന്‍ജില്‍ നിറ്റോ പുരസ്‌ക്കാരം ഏറ്റുവാങ്ങി.
ഇരിങ്ങാലക്കുട ലയണ്‍സ് ക്ലബ് പ്രസിഡന്റ് ബിജു ജോസ് കൂനന്‍ അധ്യക്ഷത വഹിച്ചു. സ്‌കൂള്‍ പ്രിന്‍സിപ്പല്‍ ഫാ. സന്തോഷ് മാണികൊമ്പേല്‍, റെക്ടര്‍ ഫാ. ഇമ്മാനുവേല്‍ വട്ടക്കുന്നേല്‍, ലയണ്‍ ലേഡി പ്രസിഡന്റ് ഡോ. ശ്രുതി ബിജു, ലയണ്‍സ് മുന്‍ ഗവര്‍ണ്ണര്‍ വി.എ. തോമച്ചന്‍, കമ്മിറ്റി ചെയര്‍മാന്‍ ജോണ്‍ ഫ്രാന്‍സീസ്, സോണ്‍ ചെയര്‍പേഴ്‌സണ്‍ അഡ്വ. ജോണ്‍ നിതിന്‍ തോമസ്, ലയണ്‍ ലേഡി സെക്രട്ടറി അന്ന ഡെയിന്‍ തുടങ്ങിയവര്‍ സംസാരിച്ചു. ഇരിങ്ങാലക്കുട തെക്കേ അങ്ങാടി നിറ്റോ ജോസ് അക്കരക്കാരന്റെയും ട്രിസിയുടെയും മകളാണ് ആന്‍ജില്‍.
About Author
നാടന്‍ കലകള്‍ അന്യംനിന്നുപോകുന്നു; സര്‍ക്കാര്‍ പൂര്‍ണ പിന്തുണ നല്‍കണം, മന്ത്രി രമേശ് ചെന്നിത്തല 
ഠാണ ചന്തക്കുന്ന് റോഡിലെ അശാസ്ത്രീയ മീഡിയന്‍ നിര്‍മാണം; ആക്ഷന്‍ കൗണ്‍സില്‍ നിവേദനങ്ങള്‍ നല്‍കി 
നാഷണല്‍ ക്വാളിറ്റി അഷ്വറന്‍സ് സ്റ്റാന്‍ഡേര്‍ഡ് സര്‍ട്ടിഫിക്കേഷന്‍: ഇരിങ്ങാലക്കുട ജനറല്‍ ആശുപത്രിയില്‍ ദേശീയതല മൂല്യനിര്‍ണയം 
പി.കെ. ചാത്തന്‍ മാസ്റ്റര്‍ സ്മൃതിസഭ: പ്രചരണത്തിന് തുടക്കം കുറിച്ച് കേന്ദ്രമന്ത്രി സുരേഷ് ഗോപി എംപി ഇരിങ്ങാലക്കുടയില്‍ ചുമരെഴുത്ത് നടത്തി 
ഡയറി ഫാമിലേക്കും ഡയറി പ്ലാന്റിലേക്കും പഠനയാത്ര നടത്തി കരൂപ്പടന്ന ഗവ. ഹൈസ്‌കൂള്‍ വിദ്യാര്‍ഥികള്‍ 
പഞ്ഞിയും കമ്പിയും ചേര്‍ത്ത് പാവകളില്‍ നൃത്തച്ചുവടൊരുക്കി ദിയമരിയ 
