വിസ തട്ടിപ്പ്: വിദേശത്ത് ജോലി നല്‍കാമെന്ന് വിശ്വസിപ്പിച്ച് പലരില്‍ നിന്നായി 29,800,00 രൂപ തട്ടിയെടുത്ത കേസില്‍ ഒരാള്‍ അറസ്റ്റില്‍
ആല്‍വിന്‍.
ഇരിങ്ങാലക്കുട: വിദേശത്ത് ജോലിക്കുള്ള ജോബ് വിസ ശരിയാക്കി നല്‍കാമെന്ന് പറഞ്ഞ് വിശ്വസിപ്പിച്ച് പലരില്‍ നിന്നായി 2980000 (ഇരുപത്തിയൊമ്പത് ലക്ഷത്തി എണ്‍പതിനായിരം) രൂപ തട്ടിയെടുത്ത കേസില്‍ കാറളം ചെമ്മണ്ട സ്വദേശി തെക്കേക്കര വീട്ടില്‍ ആല്‍വിന്‍ (28) നെ പോലീസ് അറസ്റ്റു ചെയ്തു. തൃശൂര്‍ റൂറല്‍ ജില്ലാ പോലീസ് മേധാവി ബി. കൃഷ്ണകുമാര്‍ ഐപിഎസ് രൂപീകരിച്ച പ്രത്യേക അന്വേഷണ സംഘമാണ് അറസ്റ്റ് ചെയ്തത്. അഗ്‌നീറ എബ്രോഡ് എഡുക്കേഷണല്‍ ആന്‍ഡ് ജോബ് കണ്‍സല്‍ട്ടന്‍സി എന്ന സ്ഥാപനം നടത്തിയിരുന്ന ആല്‍വിനും കിഴുത്താണി സ്വദേശി ചെമ്പിപറമ്പില്‍ വീട്ടില്‍ സുനില്‍കുമാര്‍ (53), നിഷ സുനില്‍കുമാര്‍ എന്നിവര്‍ ചേര്‍ന്നാണ് തട്ടിപ്പ് നടത്തിയത്.
ഇവര്‍ക്കെതിരെ ഏഴു പേരുടെ പരാതിയില്‍ 2024 ജൂണ്‍ മുതല്‍ 2025 ഫെബ്രുവരി വരെ ഇരിങ്ങാലക്കുട പോലീസ് സ്റ്റേഷനില്‍ ഏഴ് എഫ്‌ഐആര്‍ രജിസ്റ്റര്‍ ചെയ്തിരുന്നു. വിദേശത്ത് ജോലിക്കുള്ള ജോബ് വിസ ശരിയാക്കി നല്‍കാമെന്ന് പറഞ്ഞ് വിശ്വസിപ്പിച്ച് ഏഴു പേരില്‍ നിന്നായി യഥാക്രമം 6,00,000 (ആറ് ലക്ഷം) രൂപ, 6,30,000 (ആറ് ലക്ഷത്തി മുപ്പതിനായിരം) രൂപ, 6,00,000 (ആറ് ലക്ഷം) രൂപ, 5,50,000 (അഞ്ച് ലക്ഷത്തി അമ്പതിനായിരം) രൂപ, 3,20,000 (മൂന്ന് ലക്ഷത്തി ഇരുപതിനായിരം) രൂപ, 2,00,000(രണ്ട് ലക്ഷം) രൂപ, 80000 (എണ്‍പതിനായിരം) രൂപ എന്നിങ്ങനെയാണ് പ്രതികള്‍ വിവിധ ബാങ്ക് അക്കൗണ്ടുകളിലേക്ക് അയച്ചുവാങ്ങിയത്. തുടര്‍ന്ന് ജോബ് വിസ ശരിയാക്കി നല്‍കാത്തതിനാലാണ് ഇരിങ്ങാലക്കുട പോലീസ് സ്റ്റേഷനില്‍ പരാതി നല്‍കിയത്.
ഈ കേസുകളിലേക്ക് അന്വേഷണം നടത്തി വരുന്നതിനിടയില്‍ ആല്‍വിനെ മാപ്രാണത്ത് നിന്ന് കൂട്ടിക്കൊണ്ട് വന്ന് കഴിഞ്ഞ ദിവസമാണ് അറസ്റ്റ് രേഖപ്പെടുത്തിയത്. നടപടിക്രമങ്ങള്‍ക്ക് ശേഷം കോടതിയില്‍ ഹാജരാക്കിയ ആല്‍വിനെ റിമാന്‍ഡ് ചെയ്തു. ആല്‍വിനെതിരെ ഇരിങ്ങാലക്കുട പോലീസ് സ്റ്റേഷനിലെ ഏഴു കേസുകള്‍ കൂടാതെ പുതുക്കാട്, കൊടകര, വെള്ളിക്കുളങ്ങര പോലീസ് സ്റ്റേഷനുകളില്‍ സമാനമായ കുറ്റകൃത്യത്തിന് മൂന്ന് കേസുകള്‍ കൂടിയുണ്ട്. ഇരിങ്ങാലക്കുട പോലീസ് സ്റ്റേഷന്‍ ഇന്‍സ്‌പെക്ടര്‍ എം.എസ്. ഷാജന്‍, സബ് ഇന്‍സ്‌പെക്ടര്‍മാരായ സി.എം. ക്ലീറ്റസ്, ശ്രീധരന്‍, സേവ്യര്‍, സീനിയര്‍ സിവില്‍ പോലീസ് ഓഫീസര്‍ രാഹുല്‍ എന്നിവര്‍ ചേര്‍ന്നാണ് ആല്‍വിനെ അറ്റ്റ് ചെയ്തത്.
About Author
കൂടല്‍മാണിക്യം ഉത്സവത്തിന്റെ ശ്രീരാമ പട്ടാഭിഷേകം ഭക്തര്‍ക്ക് ആസ്വാദനത്തിന്റെ മായികലോകം സൃഷ്ടിച്ചു 
തുറവന്‍കുന്ന് ഇടവക വാര്‍ഷികം നടത്തി 
യൂത്ത് കോണ്‍ഗ്രസ് ഇരിങ്ങാലക്കുട ടൗണ്‍ മണ്ഡലം കമ്മിറ്റി സംഭാര വിതരണം നടത്തി 
കത്തിച്ചു വെച്ച ഒരു നിലവിളക്കു മാത്രം, പുരാണ കഥകളെ അടിസ്ഥാനമാക്കി രചിച്ച ശ്ലോകങ്ങള്‍ ചൊല്ലി പടിഞ്ഞാറേ പ്രദക്ഷിണവഴിയില്‍ പാഠകം 
ചരിത്ര സ്മരണയുറങ്ങുന്ന വിസ്മയ മന്ദിരങ്ങള്‍, വലിയതമ്പുരാന്‍ കോവിലകം ശക്തന്റെ ഉത്സവാസ്വാദന മന്ദിരം 
കൂടല്‍മാണിക്യം; വലിയവിളക്കിന് ലക്ഷദീപങ്ങള്‍ തെളിഞ്ഞു, ഇന്ന് പള്ളിവേട്ട 
