അപമാനിക്കരുത്, ഈ മഹാരഥനെ………..ഉത്തരവാദി ആര് ?…….
ഠാണാ പൂതംകുളം ജംഗ്ഷനില്‍ സ്ഥാപിച്ചിരിക്കുന്ന പത്മഭൂഷന്‍ ഫാ. ഗബ്രിയേല്‍ സ്‌ക്വയര്‍ നിലത്ത് തകര്‍ന്ന നിലയില്‍.
പത്മഭൂഷന്‍ ഫാ. ഗബ്രിയേല്‍ സ്‌ക്വയര്‍ തകര്‍ന്നിട്ട് മാസങ്ങല്‍ അധികാരികള്‍ക്ക് മൗനം.
ഇരിങ്ങാലക്കുട: രാജ്യം പത്മഭൂഷന്‍ നല്‍കി ആദരിക്കുകയും ആയിരങ്ങള്‍ക്ക് അറിവ് പകുത്ത് നല്‍കി നാടിന്റെ ഉന്നതിക്കായി വിദ്യാഭ്യാസ രംഗത്ത് അതുല്യമായ സംഭാവനകള്‍ നല്‍കിയ പത്മഭൂഷന്‍ ഫാ. ഗബ്രിയേല്‍ സ്‌ക്വയര്‍ തകര്‍ന്നീട്ട് മാസങ്ങളായി. ഠാണാ പൂതംകുളം ജംഗ്ഷനിലാണ് ഈ സ്‌ക്വയര്‍ തകര്‍ന്ന് കിടക്കുന്നത്. റോഡ് വികസനത്തിനായി പണി ആരംഭിച്ച് കുറച്ചുനാള്‍ കഴിഞ്ഞതോടെയാണ് ഈ ഫലകം തകര്‍ന്നു വീണത്. ആരും തിരിഞ്ഞു നോക്കാനില്ലാതായതോടെ ഇവിടെ പുല്ലും വളര്‍ന്നു. മാത്രവുമല്ല, കഴിഞ്ഞ ദിവസം നഗരസഭയുടെ മാലിന്യ സംഭരണ ബിന്നുകളും ഈ തകര്‍ന്നു കിടക്കുന്ന ഫലകത്തിനു സമീപം തന്നെ സ്ഥാപിക്കുകയും ചെയ്തു.
ഇതോടെ മാലിന്യ നിക്ഷേപവും തുടങ്ങി. 2014 ല്‍ ഇവിടെ ഒരു ഫലകം സ്ഥാപിച്ച് ഫാ. ഗബ്രിയേല്‍ സ്‌ക്വയര്‍ എന്ന് നാമകരണം ചെയ്തതല്ലാതെ പിന്നീടങ്ങോട്ട് തുടര്‍ നടപടികളൊന്നും ഉണ്ടായില്ല. ഇപ്പോള്‍ ശിലാഫലകം തകര്‍ന്നീട്ട് മാസങ്ങള്‍ പിന്നീട്ടട്ടും അധികൃതര്‍ നടപടികളൊന്നും സ്വീകരിക്കാത്തതിലും നാട്ടുക്കാരില്‍ പ്രതിഷേധം ഉയര്‍ന്നീട്ടുണ്ട്. വിദ്യഭ്യാസ രംഗത്ത് ഇരിങ്ങാലക്കുടയുടെ പേരും പെരുമയും ഉയര്‍ത്തിയ ക്രൈസ്റ്റ്, സെന്റ് ജോസഫ്‌സ് കോളജുകളുടെ സ്ഥാപകനാണ് പത്മഭൂഷന്‍ ഫാ. ഗബ്രിയേല്‍. ഇദ്ദേഹം നാടിനു നല്‍കിയ മഹത്തായ സംഭവനകള്‍ കണക്കിലെടുത്ത് സ്മരണ നിലനിര്‍ത്തുന്നതിനു വേണ്ടിയാണ് സ്‌ക്വയര്‍ നാമകരണം ചെയ്തത്.
ഞൗരിക്കുളം മാസ് ജംഗ്ഷനു സി.ആര്. കേശവന്‍ വൈദ്യര്‍ സ്‌ക്വയര്‍, കാട്ടൂര്‍ കോളജ് റോഡ് ജംഗ്ഷന് അമ്മന്നൂര്‍ മാധവചാക്യാര്‍ സ്‌ക്വയര്‍ എന്നിവയും നാമകരണം ചെയ്തീട്ടുണ്ട്. 2014 ഫെബ്രുവരി 28 നു ഠാണാ കാട്ടൂര്‍ ബൈപാസ് റോഡിന്റെ ഉദ്ഘാടനത്തോടനുബന്ധിച്ച് അന്നത്തെ സംസ്ഥാന ആഭ്യന്തരവകുപ്പ് മന്ത്രി രമേശ് ചെന്നിത്തലയാണ് നാമകരണ ചടങ്ങ് നടത്തിയത്. മുനിസിപ്പല്‍ ചെയര്‍പേഴ്‌സണ്‍ ബെന്‍സി ഡേവിഡായിരുന്നു ചടങ്ങിന്റെ അധ്യക്ഷന്‍.
നമകരണ ചടങ്ങ് നടത്തിയതല്ലാതെ ഇവരുടെ സ്മരണ നിലനിര്‍ത്തുന്നതിനു യാതൊരു വിധ ഇടപെടലും പിന്നീട് ഉണ്ടായില്ല. ഫലകം സ്ഥാപിച്ചതല്ലാതെ ഉചിതമായ സ്മാരകമോ, എക്കാലവും സ്മരിക്കും വിധത്തിലുള്ള മറ്റു നടപടികളോ സ്വീകരിക്കാന്‍ മുനിസിപ്പല്‍ ഭരണാധികാരികള്‍ ശ്രമിക്കാതിരുന്നത് ഈ മഹാരഥന്‍മാരെ അവഗണിക്കുന്നതിനു തുല്യമാണെന്നു വിമര്‍ശനം ഉയര‍ന്നിരുന്നു. വേണ്ടത്ര ശ്രദ്ധ ഇല്ലാത്തതിനാല്‍ ഈ ഫലകങ്ങള്‍ പോലും നാശത്തിന്റെ വക്കിലാണ്. പലപ്പോഴും കാടുകയറി മൂടികിടക്കുന്നതോടെ മാലിന്യങ്ങള്‍ വലിച്ചെറിയുന്നതും സംഭവിക്കാറുണ്ട്.
About Author
സഹോദരങ്ങള്‍ക്ക് നന്മ ചെയ്യുന്നതു വഴിയാണ് നാം ക്രൈസ്തവരാണെന്ന് ലോകം അറിയേണ്ടത്- ബിഷപ്പ് മാര്‍ പോളി കണ്ണൂക്കാടന്‍ 
ക്രൈസ്റ്റ് ബീച്ച് ഹാക്ക് 2025 ന് വര്‍ണാഭമായ സമാപനം 
അവുണ്ടര്‍ ചാലില്‍ ഇനി തെളിനീരൊഴുകും; ചണ്ടിയും കുളവാഴയും നീക്കം ചെയ്തു 
ആരോഗ്യ സംരക്ഷണം ഇന്നിന്റെ ആവശ്യകത- ഡോ. പി. താര തോമസ് 
വിട പറഞ്ഞ ഭാവഗായകന്‍ ജയചന്ദ്രന്റെ ഓര്‍മ്മകളില്‍ ഒരു കാവ്യപുസ്തകത്തി ന്റെ ആദ്യപ്രദര്‍ശനം 
നാലു വശവും വെള്ളത്താല്‍ ചുറ്റുപ്പെട്ട തുരുത്ത്, രാത്രിയില്‍ വീട്ടുമുറ്റം നിറയെ ഉപ്പുവെള്ളം, കുടിക്കാല്‍ ഒരുതുള്ളി വെള്ളത്തിനായി കേഴുകയാണവര്‍ 
