ഇരിങ്ങാലക്കുട സെന്റ് ജോസഫ്സ് കോളജില് ഫുട്ബോള് അക്കാദമി ആരംഭിച്ചു
സെന്റ് ജോസഫ്സ് കോളജ് ഇരിങ്ങാലക്കുടയും കൊച്ചി ആസ്ഥാനമായി പ്രവര്ത്തിക്കുന്ന പ്രമുഖ ഫുട്ബോള് ക്ലബ്ബായ ലോര്ഡ്സ് ഫുട്ബോള് അക്കാദമിയും സംയുക്തമായി ആരംഭിച്ച ഫുട്ബോള് അക്കാദമി ഇരിങ്ങാലക്കുട നഗരസഭ ചെയര്പേഴ്സണ് മേരിക്കുട്ടി ജോയ് ഉദ്ഘാടനം ചെയ്യുന്നു.
ഇരിങ്ങാലക്കുട: സെന്റ് ജോസഫ്സ് കോളജില് ഫുട്ബോള് അക്കാദമി ആരംഭിച്ചു
ഇരിങ്ങാലക്കുട: സെന്റ് ജോസഫ്സ് കോളജ് ഇരിങ്ങാലക്കുടയും കൊച്ചി ആസ്ഥാനമായി പ്രവര്ത്തിക്കുന്ന പ്രമുഖ ഫുട്ബോള് ക്ലബ്ബായ ലോര്ഡ്സ് ഫുട്ബോള് അക്കാദമിയും സംയുക്തമായി സെന്റ് ജോസഫ്സ് കോളജ് ഗ്രൗണ്ടില് ഗ്രാസ് റൂട്ട് ഫുട്ബോള് അക്കാദമി ആരംഭിച്ചു. കേരളത്തില് അന്തര്ദേശീയ നിലവാരത്തിലുള്ള ഫുട്ബോള് കളിക്കാരെ വളര്ത്തിയെടുക്കുക എന്ന ലക്ഷ്യത്തോടെ രൂപീകരിച്ചിരിക്കുന്ന ഈ പദ്ധതിയുടെ ഉദ്ഘാടനം ഇരിങ്ങാലക്കുട നഗരസഭ ചെയര്പേഴ്സണ് മേരിക്കുട്ടി ജോയ് നിര്വ്വഹിച്ചു.
കോളജ് പ്രിന്സിപ്പല് സിസ്റ്റര് ഡോ. ബ്ലെസി അധ്യക്ഷത വഹിച്ചു. ലോര്ഡ്സ് എഫ്എ ക്ലബ്ബിന്റെ മാനേജിംഗ് ഡയറക്ടര് ഡെറിക് ഡി കോത്ത പദ്ധതിയുടെ ദീര്ഘകാല ദൗത്യം, പരിശീലന രീതികള്, സാങ്കേതിക പിന്തുണ തുടങ്ങിയവ വിശദമായി അവതരിപ്പിച്ചു. കായിക വിഭാഗം മേധാവി തുഷാര ഫിലിപ്പ്, ഡോ. സ്റ്റാലിന് റാഫേല്, മുന് അന്തര്ദേശീയ ഫുട്ബോള് താരങ്ങളായ ഇട്ടി മാത്യു, പ്രഹളാദന്, എന്.എസ്. വിഷ്ണു, ഹാരീസ് ഇഗ്നേഷ്യസ് എന്നിവര് എന്നിവര് സംസാരിച്ചു. 15 വയസിന് താഴെ പ്രായത്തിലുള്ള ആണ്പെണ്കുട്ടികള്ക്ക് ലഭ്യമാകുന്ന ഈ ഫുട്ബോള് അക്കാദമിയുടെ പരിശീലന പരിപാടി ഫുട്ബോളിന്റെ അടിസ്ഥാന സാങ്കേതികതകളും മാനസികശാരീരിക വളര്ച്ചയും സമന്വയിപ്പിക്കുന്നതായിരിക്കും. ഇരിങ്ങാലക്കുടയില് നിന്നുള്ള കഴിവുള്ള യുവതലമുറയെ ദേശീയവും അന്തര്ദേശീയവുമായ ഫുട്ബോള് താരങ്ങളാക്കി മാറ്റുകയാണ് അക്കാദമിയുടെ ലക്ഷ്യം. താത്പര്യമുള്ള കുട്ടികള്ക്ക് ഇനിയും ഈ പരിശീലനത്തിന്റെ ഭാഗമാകാവുന്നതാണ്. വിവരങ്ങള്ക്ക് ഫോണ് 9538383524.
About Author
മാനേജ്മെന്റില് ഡോക്ടറേറ്റ് നേടി 
സെന്റ് ജോസഫ്സ് കോളജില് ഹിസ്റ്ററി അസോസിയേഷന് ഉദ്ഘാടനം ചെയ്തു 
ക്രൈസ്റ്റ് കോളജില് സൈബര് സുരക്ഷയില് അന്താരാഷ്ട്ര സെമിനാര് നടത്തി 
ക്രൈസ്റ്റ് കോളജില് വിഭവസമൃദ്ധമായി മെഗാസദ്യ 
സെന്റ് ജോസഫ്സ് കോളജില് റിസര്ച്ച് ആന്ഡ് പിജി ഇംഗ്ലീഷ് വിഭാഗം അസോസിയേഷന് ഉദ്ഘാടനം ചെയ്തു 
സെന്റ് ജോസഫ്സ് കോളജില് സ്പെക്ട്ര 2026ന് തുടക്കം; ടു ഡി മെറ്റീരിയലുകളിലെ താപ കൈമാറ്റത്തെ കുറിച്ച് ദേശീയ സെമിനാര് സംഘടിപ്പിച്ചു 
