കുഴികളില്ലാത്ത റോഡ് വാഗ്ദാനം ചെയ്ത് ഇരിങ്ങാലക്കുട സ്വതന്ത്ര വികസന മുന്നണി
ഇരിങ്ങാലക്കുട: കുഴികളില്ലാത്ത റോഡ് വാഗ്ദാനം ചെയ്ത് ഇരിങ്ങാലക്കുടയില് സ്വതന്ത്ര വികസന മുന്നണി. പ്രീതി ഷാജുവാണ് 31ാം വാര്ഡില് സ്വതന്ത്ര വികസന മുന്നണി സ്ഥാനാര്ഥിയായി മത്സരിക്കുന്നത്. ക്രൈസ്റ്റ് വിദ്യാനികേതന് സ്കൂള് റോഡ്, മാസ് തിയറ്റര് റോഡ്, ക്രൈസ്റ്റ് കോളജ് റോഡ്, ബൈപ്പാസ് റോഡ് തുടങ്ങി വാര്ഡിലെ പ്രധാന റോഡുകളെല്ലാം മൂന്നുവര്ഷമായി തകര്ന്നു കിടക്കുമ്പോഴാണ്, അവസരം തന്നാല് തന്റെ വാര്ഡില് റോഡില് കുഴികള് ഉണ്ടാവില്ല എന്നുള്ള പ്രഖ്യാപനം.
റോഡുകള് തകര്ന്നു കിടക്കുന്നതിനാല് ഇരിങ്ങാലക്കുടക്കാരുടെ ബന്ധുക്കള് പോലും ഈ വഴി യാത്ര ചെയ്യാന് മടിക്കുന്ന അവസ്ഥ പോലും ഉണ്ട്. താന് വിജയിക്കുന്നതോടൊപ്പം തന്റെ നേതൃത്വത്തില് മുനിസിപ്പാലിറ്റിയില് മൊബൈല് ട്രെയിനിംഗ് യൂണിറ്റ് കൊണ്ടുവന്ന് റോഡില് രൂപംകൊള്ളുന്ന കുഴികള് 24 മണിക്കൂറിനുള്ളില് ടാര് ചെയ്യുന്നതിനുള്ള സംവിധാനം കൊണ്ടുവരും.
അടിസ്ഥാന മേഖലയില് വളരെ പുറകില് നില്ക്കുന്ന നഗരസഭയുടെ റോഡുകള് കൂടാതെ തെരുവുവിളക്കുകള്, പുല്ലുവെട്ട്, മഴക്കാലപൂര്വ്വ ശുചീകരണം എന്നീ മേഖലകളിലുള്ള ശോചനീയാവസ്ഥയ്ക്ക് പരിഹാരം കാണുന്നതിനും തകര്ന്നുകിടക്കുന്ന ബൈപ്പാസ് റോഡ്, വര്ഷങ്ങളായി പൂട്ടിക്കിടക്കുന്ന മത്സ്യ മാര്ക്കറ്റ്, അറവുശാലയില്ലാത്ത ഇരിങ്ങാലക്കുട, ഇരിങ്ങാലക്കുടക്ക് തനതായ കുടിവെള്ള പദ്ധതി, നിര്മ്മാണം തുടങ്ങാത്ത പൂതംകുളം ബ്രദര് മിഷന് റോഡ്, ചോര്ന്നൊലിക്കുന്ന പ്രിയദര്ശിനി ഹാള് അങ്ങനെ പദ്ധതിവിഹിതം പോലും ചെലവഴിക്കാന് അറിയാത്ത അവസ്ഥകള്ക്ക് മാറ്റം ഉണ്ടാക്കാന് ഉള്ള പോരാട്ടത്തിനാണ് ക്രൈസ്റ്റ് കോളജിന് സമീപമുള്ള പ്രദേശവാസികളുടെ നേതൃത്വത്തില് സ്വതന്ത്ര വികസന മുന്നണി രൂപീകരിച്ചത്.
വികസനങ്ങളോട് സമഭാവനയുള്ളവര് മറ്റു വാര്ഡുകളിലും മത്സരത്തിനുണ്ടാകും. അത് രണ്ടാംഘട്ടത്തില് പ്രഖ്യാപിക്കുമെന്ന് കോ ഓര്ഡിനേറ്റര്മാരായ ഡേവിസ് ഊക്കന്, മാത്യു ജോര്ജ്ജ് മാളിയേക്കല്, സക്കീര് ഒലക്കൂട്ട്, തോംസണ് ചിരിയങ്കണ്ടത്ത്, ഷാജു എബ്രഹാം കണ്ടംകുളത്തി, വിജു വര്ഗീസ് അക്കരക്കാരന്, നന്ദകുമാര് വെള്ളിയാട്ട്, അമ്പിളി തോംസണ്, ഷമി സക്കീര്, ജൂവല് മാത്യു, സ്വപ്ന പള്ളിക്കര, ജിജി വിജു വര്ഗീസ് എന്നിവര് അറിയിച്ചു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
പ്രമുഖരുടെ വോട്ട്… 
നടിയെ ആക്രമിച്ച കേസിലെ കോടതി വിധിയില് പ്രതികരിച്ച് നടന് ടൊവിനോ തോമസ് 
ഇതു വോട്ടുത്സവം…. സുരക്ഷ കര്ശനം, വോട്ടെടുപ്പു ശാന്തം ജനം ആവേശത്തോടെ…. സുരക്ഷ കര്ശനം…..വോട്ടെടുപ്പ് ശാന്തം… 
തെരഞ്ഞെടുപ്പിനോടനുബന്ധിച്ച ഡ്രൈ ഡേയില് വില്പനയ്ക്കായി മദ്യം സൂക്ഷിച്ചയാള് പിടിയില് 
ഹരിത ബൂത്ത് ഒരുങ്ങി 
വിധിയെഴുത്ത് ഇന്ന്; നെഞ്ചിടിപ്പോടെ മുന്നണികള്, ആവേശത്തോടെ വോട്ടര്മാര് 