ക്രൈസ്റ്റ് കോളജില് പൈത്തണ് ശില്പശാല
ഇരിങ്ങാലക്കുട ക്രൈസ്റ്റ് കോളജ് ഗണിതശാസ്ത്ര വിഭാഗം കോളജ് പ്രിന്സിപ്പല് റവ.ഡോ. ജോളി ആന്ഡ്രൂസ് സിഎംഐ സംസാരിക്കുന്നു.
ഇരിങ്ങാലക്കുട: കാലിക്കറ്റ് യൂണിവേഴ്സിറ്റിയില് പുതിയതായി നിലവില് വന്ന നാലു വര്ഷ ഗണിതശാസ്ത്ര ബിരുദ കോഴ്സിന്റെ സിലബസിനെ അടിസ്ഥാനമാക്കി അധ്യാപകര്ക്കു വേണ്ടി ഇരിങ്ങാലക്കുട ക്രൈസ്റ്റ് കോളജ് ഗണിതശാസ്ത്ര വിഭാഗം കോളജ് ഐക്യുഎസി യുമായി സഹകരിച്ച് ഒരു ദിവസത്തെ ശില്പശാല സംഘടിപ്പിച്ചു.
പൈത്തണ് പ്രോഗ്രാമിംഗിന്റെ അടിസ്ഥാന ആശയങ്ങള്, സിന്റാക്സ്, ഡാറ്റാ സ്ട്രക്ചര്, പ്രോഗ്രാമിംഗ് ലോജിക് തുടങ്ങിയവ അധ്യാപകര്ക്ക് പരിചയപ്പെടുത്തുവാന് പ്രാക്ടിക്കല്, ഡെമോ സെഷനുകളും ഡിസ്കഷന്സും ഉള്പ്പെടുത്തിയിരുന്നു. കാലിക്കറ്റ് യൂണിവേഴ്സിറ്റിയിലെ വിവിധ കോളജുകളില് നിന്നും നാല്പതോളം അധ്യാപകര് പങ്കെടുത്തു. കോളജ് സ്വാശ്രയ വിഭാഗം ഡയറക്ടര് ഫാ. വില്സണ് തറയില് ഉദ്ഘാടനം ചെയ്തു. കോളജ് പ്രിന്സിപ്പല് റവ.ഡോ. ജോളി ആന്ഡ്രൂസ് സിഎംഐ അധ്യക്ഷനായി.
ഐക്യുഎസി കോഡിനേറ്റര് ഡോ. കെ.ജി. ഷിന്റോ, ഗണിതശാസ്ത്ര വിഭാഗം മേധാവി ഡോ. വി. സീന എന്നിവര് ആശംസകള് അറിയിച്ചു. മാത്സ് അണ് എയ്ഡഡ് വിഭാഗം കോഡിനേറ്റര് ഡോ. കെ.ടി. ജോജു സ്വാഗതവും കണ്വീനര് കെ. മേരി പോളി നന്ദിയും പറഞ്ഞു. കോട്ടയം ബിസിഎം കോളജ് ഗണിതശാസ്ത്രവിഭാഗം അസി. പ്രഫസര് ഡോ. ലിജു അലക്സ്, ഉഴവൂര് സെന്റ് സ്റ്റീഫന്സ് കോളജ് ഗണിതശാസ്ത്രവിഭാഗം അസി. പ്രഫസര് ഡോ. ജോണി ജോയ് എന്നിവര് ക്ലാസുകള് നയിച്ചു.
About Author
കീഴ്തൃക്കോവില് ശ്രീകൃഷ്ണ ക്ഷേത്രം- നടപ്പുര സമര്പ്പണം 
പ്രമുഖരുടെ വോട്ട്… 
നടിയെ ആക്രമിച്ച കേസിലെ കോടതി വിധിയില് പ്രതികരിച്ച് നടന് ടൊവിനോ തോമസ് 
ഇതു വോട്ടുത്സവം…. സുരക്ഷ കര്ശനം, വോട്ടെടുപ്പു ശാന്തം ജനം ആവേശത്തോടെ…. സുരക്ഷ കര്ശനം…..വോട്ടെടുപ്പ് ശാന്തം… 
തെരഞ്ഞെടുപ്പിനോടനുബന്ധിച്ച ഡ്രൈ ഡേയില് വില്പനയ്ക്കായി മദ്യം സൂക്ഷിച്ചയാള് പിടിയില് 
സ്വാന്തന സദന് വാര്ഷികാഘോഷം നടത്തി 