സംവരണ വാര്ഡുകളിലെ സ്ഥാനാര്ഥികള്ക്ക് നല്ലകാലം; പഞ്ചായത്ത് പ്രസിഡന്റ് സ്ഥാനം വരെ വാഗ്ദാനം
ജനറല് സീറ്റുകളില് സീറ്റ് പ്രഖ്യാപനത്തിന് മുന്പേ സ്ഥാനാര്ഥിത്വം ഉറപ്പിക്കുവാന് തത്രപ്പാട്
ഇരിങ്ങാലക്കുട: സീറ്റ് ചര്ച്ചകള് പൂര്ത്തിയാക്കി പ്രഖ്യാപനത്തിനു മുമ്പേ സ്ഥാനാര്ത്ഥികളില് ചിലര് കളത്തിലിറങ്ങി. സ്ഥാനാര്ഥിയാക്കിയില്ലെങ്കില് മറുകണ്ടം ചാടുമെന്ന ഭീഷണിയുമായി വേറെ ചിലരും രംഗത്തുണ്ട്. ജനസമ്മതിയുള്ളതും വിജയ സാധ്യതയുള്ള സ്ഥാനാര്ഥികളെ കിട്ടുവാന് പാര്ട്ടി നേതാക്കളും നെട്ടോട്ടമാണ്. കോണ്ഗ്രസിലാണെങ്കില് ഗ്രൂപ്പ് മാറലാണ് ഏറെ പേടിപ്പെടുത്തുന്നത്. നാട്ടിന്പുറങ്ങളില് പരസ്യമായും രഹസ്യമായും തെരഞ്ഞെടുപ്പ് അങ്കം തുടങ്ങി. മതിലുകളിലും ഇലക്ട്രിക് പോസ്റ്റുകളിലും ചിഹ്നം രേഖപ്പെടുത്തി തുടങ്ങി.
കഴിഞ്ഞ കാലങ്ങളിലെ വികസന പദ്ധതികള് അവതരിപ്പിച്ച് സോഷ്യല് മീഡിയയില് പ്രചരണം ആരംഭിച്ചവരുമുണ്ട്. പാര്ട്ടിയുടെയും മുന്നണിയുടെയും അനുമതി ലഭിച്ചാല് ഉടന് ചിഹ്നം ഉള്പ്പെടുന്ന പോസ്റ്റ് തയ്യാറാക്കും. മുന്കാലങ്ങളിലെ പ്രവര്ത്തനങ്ങള് സോഷ്യല് മീഡിയയില് പ്രചരിപ്പിക്കുന്നവരും സജീവമായിട്ടുണ്ട്. ഇവരില് പലരും ഇതിനോടകം വീടുകള് കയറിയുള്ള പ്രവര്ത്തനം തുടങ്ങി. ചില വാര്ഡുകളില് സ്ഥാനാര്ഥികള്ക്കായി മുന്നണികളുടെ നെട്ടോട്ടം തീര്ന്നിട്ടില്ല.
സംവരണമായി മാറിയ വാര്ഡുകളിലും ജയസാധ്യത കുറഞ്ഞ വാര്ഡുകളിലുമാണ് സ്ഥാനാര്ഥിയായി പരിഗണിക്കാന് പോലും ആരെയും ലഭിക്കാത്തത്. പ്രസിഡന്റ് സ്ഥാനം ഉള്പ്പടെ വാഗ്ദാനം ചെയ്താണ് മത്സരത്തിനു പലരെയും പ്രേരിപ്പിക്കുന്നത്. ഇത്തരം വാര്ഡുകളില് തെരഞ്ഞെടുപ്പു ചെലവുകളും പാര്ട്ടിക്കാര് തന്നെ വഹിക്കേണ്ട അവസ്ഥയിലാണ്. കുടുംബശ്രീ, തൊഴിലുറപ്പ്, സമുദായ സംഘടനകള്, വിവിധ ക്ലബ്ബുകള് എന്നിവിടങ്ങളിലായി പ്രവര്ത്തിക്കുന്ന വനിതകളിലാണ് പ്രത്യേക ശ്രദ്ധ ഉള്ളത്.
ഇതിനുപുറമേ വിവിധ വകുപ്പുകളില്നിന്നും സ്ഥാപനങ്ങളില്നിന്നും വിരമിച്ചവരും മുന്നിലുണ്ട്. ഇതില് നിന്ന് പാര്ട്ടിക്ക് ഉചിതനായ ആളെ കണ്ടെത്തുകയാണ് നേതാക്കള് ചെയ്യുന്നത്. ഇതിനൊപ്പം വിജയസാധ്യതയും നോക്കുന്നുണ്ട്. മറ്റുള്ളവരുമായുള്ള സൗഹൃദങ്ങള്, സമുദായ പരമായും പൊതുവായുമുള്ള സ്വീകാര്യത, കുടുംബബന്ധു ബലം എന്നിവയാണു പാര്ട്ടികള് നിര്ദേശിച്ചിരിക്കുന്ന പ്രധാന മാനദണ്ഡങ്ങളും പരിഗണനയിലുണ്ട്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ജനമനസുകളില് ആവേശ തിരയിളക്കി ജോസഫ് ചാക്കോയുടെ റോഡ് ഷോ 
നഗരസഭ ചന്തക്കുന്ന് വാര്ഡിലെ എല്ഡിഎഫ് സ്ഥാനാര്ഥി റോബി കാളിയങ്കരയുടെ നാലാം ഘട്ട പര്യാടനം 
തൃശൂര് ജില്ലാ പഞ്ചായത്ത് കാട്ടൂര് ഡിവിഷന് സ്ഥാനാര്ഥി കൃപേഷ് ചെമ്മണ്ട മൂന്നാം ഘട്ടപ്രചാരണം സമാപനം നടത്തി 
ഇരിങ്ങാലക്കുട രൂപത പാസ്റ്ററല് കൗണ്സില് സമ്മേളനം 
തദ്ദേശ തെരഞ്ഞെടുപ്പ്; റൂറല് ജില്ലയില് സുരക്ഷ ക്രമീകരണങ്ങള് ശക്തമാക്കി 
തൃശൂര് ജില്ലാ പഞ്ചായത്ത് കാട്ടൂര് ഡിവിഷന് സ്ഥാനാര്ഥി കൃപേഷ് ചെമ്മണ്ടയുടെ മൂന്നാം ഘട്ടപ്രചാരണം 
