സമൂഹത്തിന് നന്മ ചെയ്യുന്ന മണപ്പുറം ഫൗണ്ടേഷന്റെ പ്രവര്‍ത്തനങ്ങള്‍ അഭിനന്ദനാര്‍ഹം: ആര്‍ഡിഒ പി. ഷിബു
മണപ്പുറം ഫൗണ്ടേഷന്റെ നേതൃത്വത്തില്‍ ഇരിങ്ങാലക്കുട മാകെയറില്‍ ആരംഭിക്കുന്ന ദിനംപ്രതി 25,000 രൂപയുടെ സൗജന്യ ജനറിക് മെഡിസിന്‍ വിതരണത്തിന്റെ പദ്ധതി സമര്‍പ്പണം ആര്‍ഡിഒ പി. ഷിബു നിര്‍വഹിക്കുന്നു.
ഇരിങ്ങാലക്കുട: സമൂഹത്തിന് നന്മ ചെയ്യുന്ന മണപ്പുറം ഫൗണ്ടേഷന്റെ പ്രവര്‍ത്തനങ്ങള്‍ അഭിനന്ദനാര്‍ഹമെന്ന് ആര്‍ഡിഒ പി. ഷിബു പറഞ്ഞു. മണപ്പുറം ഫൗണ്ടേഷന്റെ നേതൃത്വത്തില്‍ ഇരിങ്ങാലക്കുട മാകെയറില്‍ ആരംഭിക്കുന്ന ദിനംപ്രതി 25,000 രൂപയുടെ സൗജന്യ ജനറിക് മെഡിസിന്‍ വിതരണത്തിന്റെ പദ്ധതി സമര്‍പ്പണം ഇരിങ്ങാലക്കുട മാകെയറില്‍ നിര്‍വ്വഹിച്ച് സംസാരിക്കുകയായിരുന്നു ആര്‍ഡിഒ പി. ഷിബു. ഇത്തരം സഹായങ്ങള്‍ സമൂഹത്തില്‍ അര്‍ഹതയുള്ളവരിലേക്ക് എത്തിക്കാനുള്ള മണപ്പുറം ഫൗണ്ടേഷന്റെ പരിശ്രമങ്ങള്‍ മാതൃകാപരമാണെന്നും അദ്ദേഹം പറഞ്ഞു.
ഇരിങ്ങാലക്കുട നഗരസഭ ചെയര്പേഴ്സണ് മേരിക്കുട്ടി ജോയ് അധ്യക്ഷത വഹിച്ചു. മണപ്പുറം ഫൗണ്ടേഷന്‍ സിഇഒ ജോര്‍ജ്ജ് ഡി. ദാസ് പദ്ധതി വിശദീകരണം നടത്തി. ഏകദേശം 91 ലക്ഷം രൂപ വാര്‍ഷിക ചെലവ് വരുന്ന ഈ പദ്ധതിയുടെ സേവനം ബിപിഎല്‍ കാര്‍ഡുടമകള്‍ക്ക് ലഭ്യമാക്കാനാണ് ലക്ഷ്യമിടുന്നത്. ഇരിങ്ങാലക്കുട സെന്റ് തോമസ് കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍ അനുഗ്രഹപ്രഭാഷണം നിര്‍വഹിച്ചു. നഗരസഭ വൈസ് ചെയര്‍മാന്‍ ബൈജു കുറ്റിക്കാടന്‍ മുഖ്യാതിഥിയായിരുന്നു.
നഗരസഭ പ്രതിപക്ഷനേതാവ് അഡ്വ. കെ.ആര്‍. വിജയ, വികസന സ്റ്റാന്‍ഡിംഗ് കമ്മിറ്റി ചെയര്പേഴ്സണ് ഫെനി എബിന്‍ വെള്ളാനിക്കാരന്‍, ആരോഗ്യ സ്റ്റാന്‍ഡിംഗ് കമ്മിറ്റി ചെയര്പേഴ്സണ് അംബിക പള്ളിപ്പുറത്ത്, വ്യപാരി വ്യവസായി ഏകോപന സമിതി പ്രസിഡന്റ് ഷാജു പാറേക്കാടന്‍, മാകെയര്‍ ബിസിനസ് ഹെഡ് ഐ. ജെറോം, ഇരിങ്ങാലക്കുട മാകെയര്‍ ഡിജിറ്റല്‍ മാര്‍ക്കറ്റിംഗ് അഡ്മിന്‍ ആശംസാറാണി, മാകെയര്‍ സെയില്‍സ് ഹെഡ് പി.എസ്. ശ്രീജിത്ത് എന്നിവര്‍ സംസാരിച്ചു
About Author
ജിഐഎസ് ആന്‍ഡ് മൊബൈല്‍ മാപ്പിംഗ് വിഷയത്തില്‍ ഹ്രസ്വകാല പരിശീലന പരിപാടി ആരംഭിച്ചു 
ടാര്‍വീപ്പയില്‍ അകപ്പെട്ട നായ്ക്കുട്ടിക്ക് രക്ഷകരായി അഗ്‌നിരക്ഷാസേന 
നഗരസഭയിലെ വികസനമുരടിപ്പിനെതിരെ സിപിഎം കാല്‍നട പ്രചാരണ ജാഥ തുടങ്ങി 
ജനറല്‍ ഇന്‍ഷുറന്‍സ് ഏജന്റ്‌സ് അസോസിയേഷന്‍ വിവിധ ആവശ്യങ്ങള്‍ ഉന്നയിച്ച് സമരം നടത്തി 
ചെറുകിട പ്രസുകളെ മലിനീകരണ നിയന്ത്രണ ബോര്‍ഡിന്റെ പരിധിയില്‍ നിന്ന് ഒഴിവാക്കണം, കേരള പ്രിന്റേഴ്‌സ് അസോസിയേഷന്‍ 
വിഹാന്‍ 2025 മാനേജ്‌മെന്റ് ഫെസ്റ്റ് ക്രൈസ്റ്റ് കോളജില്‍ നടന്നു 
