വാതകസിലിന്ഡര് അനുവദിച്ചു, ശാന്തിതീരം ശ്മശാനം താത്കാലികമായി തുറന്നു
പൂമംഗലം പഞ്ചായത്തിന്റെ കീഴിലുള്ള ശാന്തിതീരം വാതകശ്മശാനം.
വാതകപ്രതിസന്ധിമൂലം മാര്ച്ച് 10 മുതല് പ്രവര്ത്തനമില്ലായിരുന്നു
ഇരിങ്ങാലക്കുട: വാണിജ്യ സിലിന്ഡറുകള്ക്ക് നിയന്ത്രണം വന്നതോടെ അടച്ച പൂമംഗലം പഞ്ചായത്തിന്റെ ഉടമസ്ഥതയിലുള്ള ശാന്തിതീരം വാതകശ്മശാനം താത്കാലികമായി വീണ്ടും തുറന്നു. ജില്ലാ കളക്ടര്ക്ക് നല്കിയ പരാതിയെത്തുടര്ന്ന് ലഭിച്ച നാലു സിലിന്ഡറുകള് ഉപയോഗിച്ചാണ് നിര്ധനരായിട്ടുള്ളവരുടെ മൃതദേഹങ്ങള് സംസ്കരിക്കാന് ആരംഭിച്ചിരിക്കുന്നത്. എട്ടു സിലിന്ഡറുകളാണ് അനുവദിച്ചിരിക്കുന്നത്. ശ്മശാനം പൂര്ണതോതില് പുനരാരംഭിക്കാന് എട്ടു സിലിന്ഡറുകള് വേണം.
ഇതില് നാലെണ്ണമാണ് ഏജന്സി ശ്മശാനത്തില് എത്തിച്ചത്. ബാക്കി നാലെണ്ണം ചാലക്കുടിയിലുള്ള ഗോഡൗണില് പോയി എടുക്കാനാണ് ഏജന്സി പറയുന്നത്. 1300 രൂപയ്ക്ക് ലഭിച്ചിരുന്ന സിലിന്ഡറിന് ഇപ്പോള് 2092 രൂപയാണ് ബില്ലിട്ടിരിക്കുന്നത്. 2500 രൂപയാണ് ഒരു മൃതദേഹം സംസ്കരിക്കുന്ന തിനായി വാങ്ങുന്നത്. ഒരു മൃതദേഹം സംസ്കരിക്കാന് ഒരു സിലിന്ഡര് വേണം. അനുവദിച്ചുകിട്ടിയ ബാക്കി നാലു സിലിന്ഡറുകള് ചാലക്കുടിയിലേക്ക് വണ്ടിവിളിച്ച് പോയി എടുത്തുവരുന്നത് പഞ്ചായത്തിന് വലിയ സാമ്പത്തികബാധ്യതയുണ്ടാക്കും.
സിലിന്ഡറുകളുടെ വില വര്ധനയും യാത്രാ ചെലവുമെല്ലാം കണക്കാക്കുമ്പോള് 2500 രൂപയെന്നത് വലിയ നഷ്ടമാണ്. അതിനാല് അടുത്ത പഞ്ചായത്ത് കമ്മിറ്റിയോഗത്തില് ഇക്കാര്യം ചര്ച്ച ചെയ്ത് ഉചിതമായ തീരുമാനം കൈക്കൊള്ളുവാനാണ് ഭരണസമിതിയുടെ നീക്കം. ദിവസവും മൂന്നിലേറെ മൃതദേഹങ്ങള് സംസ്കരിച്ചിരുന്ന ശാന്തിതീരം മാര്ച്ച് 10 ഓടെയാണ് അടച്ചത്. പ്രതിസന്ധിയെത്തുടര്ന്ന് കുറച്ചു ദിവസങ്ങളായി സമീപപഞ്ചായത്തുകളില്നി ന്നുള്ള മൃതദേഹങ്ങള് സംസ്കരിക്കുന്നത് ഒഴിവാക്കിയിരുന്നു. എന്നാല്, സിലിന്ഡറുകള് കിട്ടാതായതോടെ പൂര്ണമായും അടച്ചിടുകയായിരുന്നു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ഓപ്പറേഷന് തൂഫാന് ദി നാര്ക്കോ ഹണ്ട്; തൃശൂര് റൂറലില് ലഹരി വേട്ട തുടരുന്നു, അഞ്ച് പ്രതികള് കൂടി അറസ്റ്റില് 
കണ്ഠേശ്വരം കെഎസ്ആര്ടിസി റോഡ് റസിഡന്റ്സ് അസോസിയേഷന് വാര്ഷികാഘോഷം 
മാതാവിന്റെ വണക്കമാസ തിരുനാള് ആഘോഷിച്ചു 
എടത്തിരുത്തി മാര്ച്ചന്റ്സ് അസോസിയേഷന് 50 ാം വാര്ഷിക സമ്മേളനം നടത്തി 
ഇരിങ്ങാലക്കുട ശാന്തിസദനില് ജൂബിലി സ്മാരകമായി നിര്മിച്ച ഗ്രോട്ടോ ബിഷപ് മാര് പോളി കണ്ണൂക്കാടന് ഉദ്ഘാടനം ചെയ്തു 
വിശ്വാസ നവീകരണത്തിന് സംഗീതത്തിന്റെ കരുത്ത്; ഇരിങ്ങാലക്കുട രൂപതയില് സ്പെരന്സ 3.0 
