മാപ്രാണം നന്ദിക്കര റോഡ് നവീകരണത്തിന് 15.30 കോടിയുടെ ഭരണാനുമതി: മന്ത്രി ഡോ. ആര്. ബിന്ദു
മാപ്രാണം: നന്ദിക്കര റോഡ് നവീകരണത്തിന് നബാര്ഡ് ധനസഹായത്തോടെ 15.30 കോടിയുടെ ഭരണാനുമതി ഉത്തരവായതായി ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്. ബിന്ദു പറഞ്ഞു. 202223 ലെ നബാര്ഡ് ആര്ഐഡിഎഫ് പദ്ധതിയിലുള്പ്പെടുത്തിയാണ് ഇരിങ്ങാലക്കുട നിയോജക മണ്ഡലം എംഎല്എ കൂടിയായ മന്ത്രി ഡോ. ആര്. ബിന്ദുവിന്റെ ഇടപെടലിനെ തുടര്ന്ന് തുക അനുവദിച്ചിരിക്കുന്നത്. പദ്ധതി മുഖാന്തിരം സംസ്ഥാനത്ത് നവീകരണത്തിനായി ആകെ അനുവദിക്കപ്പെട്ട ആറ് റോഡുകളില് ഒന്നാണ് മാപ്രാണം നന്ദിക്കര റോഡ്. സംസ്ഥാന സര്ക്കാര് മുഖേന സമര്പ്പിച്ച പദ്ധതികളില് നിന്നാണ് നബാര്ഡ് ഇരിങ്ങാലക്കുട മണ്ഡലത്തിലെ മാപ്രാണം നന്ദിക്കര റോഡ് തിരഞ്ഞെടുത്തതെന്ന് മന്ത്രി ബിന്ദു അറിയിച്ചു. ബിഎം ആന്ഡ് ബിസി നിലവാരത്തിലുള്ള ടാറിംഗ്, ആവശ്യമായിട്ടുള്ള സ്ഥലങ്ങളില് വീതി കൂട്ടല്, കാനകളുടെയും കള്വര്ട്ടുകളുടെയും നിര്മ്മാണം, ട്രാഫിക് സുരക്ഷാ സംവിധാനങ്ങള്, സംരക്ഷണ ഭിത്തി നിര്മ്മാണം തുടങ്ങിയ പ്രവര്ത്തികള് നവീകരണത്തിന്റെ ഭാഗമായി നടക്കുമെന്നും മന്ത്രി ഡോ. ആര്. ബിന്ദു വ്യക്തമാക്കി. ഇരിങ്ങാലക്കുട നഗരത്തെയും സമീപ പഞ്ചായത്തുകളെയും ദേശീയ പാതയുമായി ബന്ധിപ്പിക്കുന്ന റോഡിന്റെ നവീകരണം പൂര്ത്തിയാകുന്നതോടെ ഇതുവഴിയുള്ള ഗതാഗതം കൂടുതല് സുഗമമാകും.
About Author
സഹകരണ ആശുപത്രിയുടെ 23 ാം ബാച്ച് നഴ്സിംഗ് വിദ്യാര്ഥിനികളുടെ ദീപം തെളിയിക്കല് ചടങ്ങ് നടത്തി 
ഹിന്ദു ഐക്യവേദി പ്രതിഷേധം 
പാറപ്പുറം സാംസ്കാരിക നിലയം: പ്രതീകാത്മക ഉദ്ഘാടനം നടത്തി ബിജെപി 
കുഴിക്കാട്ടുകോണം വിമലമാതാ പള്ളിയില് തിരുനാള് 
നിപ്മറും പുല്ലൂര് സേക്രഡ് ഹാര്ട്ട് മിഷന് ഹോസ്പിറ്റലുമായി ധാരണാപത്രം കൈമാറി 
ഒമ്പത് വര്ഷം വാടക കെട്ടിടത്തില്; ആളൂര് പോലീസ് സ്റ്റേഷന് കെട്ടിടത്തിനുള്ള 19 സെന്റ് ഭൂമിയുടെ അനുമതി പത്രം കൈമാറി 
