യുവാവിനെ വീട്ടില്‍ നിന്നും തട്ടിക്കൊണ്ടുപോയി മര്‍ദ്ദിച്ച കേസിലെ പ്രതി അറസ്റ്റില്‍
ഇരിങ്ങാലക്കുട: സംഘമായി കാറില്‍ വീട്ടിലെത്തി യുവാവിനെ തട്ടിക്കൊണ്ടുപോയി മര്‍ദ്ദിച്ച കേസിലെ പ്രതി അറസ്റ്റില്‍. കല്‍പറമ്പ് പള്ളിപ്പുര വീട്ടില്‍ ഉണ്ണികൃഷ്ണന്‍ മകന്‍ പ്രണവ് (32) നാണ് മര്‍ദ്ദനമേറ്റത്. കഴിഞ്ഞ മാസം 24 ന് രാത്രി പത്തരയോടെയായിരുന്നു സംഭവം. വെളയനാട് സ്വദേശി അബുതാഹിറിന്റെയും കൂട്ടരുടെയും നേതൃത്വത്തിലാണ് ആക്രമണം നടന്നത്. സംഘത്തിലുള്ള വെളയനാട് വഞ്ചിപ്പുര വീട്ടില്‍ ആന്‍സന്‍ (31) നെയാണ് കാട്ടൂര്‍ സിഐ ഇ.ആര്‍. ബൈജുവും സംഘവും അറസ്റ്റുചെയ്തത്.
മര്‍ദ്ദനമേറ്റ പ്രണവിന്റെ കൂട്ടുകാരനും കേസിലെ ഒന്നാം പ്രതിയായ അബുതാഹിറും തമ്മിലുള്ള തര്‍ക്കമാണ് സംഭവത്തിനു കാരണമായതെന്ന് പോലീസ് പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. ഉദ്യോഗസ്ഥരായ ബാബു ജോര്‍ജ്ജ്, സി.ജി. ധനേഷ്, സിജു, ജീവന്‍, ഉമേഷ്, ശ്രീജിത്ത്, അമല്‍രാജ് എന്നിവരും അന്വേഷണ സംഘത്തില്‍ ഉണ്ടായിരുന്നു. ഒളിവിലായ അബുതാഹിര്‍ അടക്കമുള്ള പ്രതികള്‍ക്കായി അന്വേഷണം നടന്നുവരികയാണെന്നും പോലീസ് അറിയിച്ചു.
About Author
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ക്രൈസ്റ്റ് എന്‍ജിനീയറിംഗ് കോളജില്‍ ഹയര്‍ സെക്കന്‍ഡറി അധ്യാപകര്‍ക്ക് ആദരം ഗ്രെയ്‌സ് 2024 നടന്നു 
ദോഹ ഖത്തറില്‍ ഡ്രൈവര്‍മാരായി ജോലി ചെയ്തവരുടെ ഖത്തര്‍ പ്രവാസി കൂട്ടായ്മ സംഗമം നടന്നു 
ഇരിങ്ങാലക്കുട ടൗണ്‍ ലയണ്‍സ് ക്ലബ്ബ് വാക്കറുകള്‍ ഹൃദയ പാലിയേറ്റീവ് കെയറിന് വിതരണം ചെയ്തു 
