അന്താരാഷ്ട്ര പരിസ്ഥിതി ചലച്ചിത്രമേള കൊടിയിറങ്ങി
ഇരിങ്ങാലക്കുട സെന്റ് ജോസഫ്സ് കോളജില്‍ നടന്ന അന്താരാഷ്ട്ര പരിസ്ഥിതി ചലച്ചിത്രമേളയില്‍ സംവിധായകന്‍ രാംദാസ് കടവല്ലൂരിനെ തൃശൂര്‍ കില കോളജ് പ്രിന്‍സിപ്പല്‍ ഡോ. എസ്. ശ്രീകുമാര്‍ ആദരിക്കുന്നു.
ഇരിങ്ങാലക്കുട: അന്താരാഷ്ട്ര പരിസ്ഥിതി ചലച്ചിത്രമേളയില്‍ ശ്രദ്ധ നേടി അദ്രയിയും മണ്ണും. സ്വതന്ത്ര ഇന്ത്യയിലെ തന്നെ ആദ്യ പരിസ്ഥിതി സമരങ്ങളിലൊന്നായ ചാലിയാര്‍ സമരത്തിന്റെ നായകനായ കെ.എ. റഹ്‌മാന്റെ ജീവചരിത്രം അടയാളപ്പെടുത്തുന്ന അദ്രയി എഴുത്തുകാരി കൂടിയായ ഫര്‍സാനയുടെ സൃഷ്ടിയാണ്. മൂന്നാറില്‍ ഭൂമിക്കും മണ്ണിനും അവകാശങ്ങള്‍ക്കുമായി പെമ്പിളൈ ഒരുമൈയുടെ നേതൃത്വത്തില്‍ നടന്ന പോരാട്ടങ്ങളിലൂടെ സഞ്ചരിക്കുന്ന രാംദാസ് കടവല്ലൂരിന്റെ മണ്ണും സെന്റ് ജോസഫ്സ് കോളജില്‍ നടന്ന മേളയുടെ പ്രധാന ആകര്‍ഷണമായി.
പ്രദര്‍ശനാനന്തരം നടന്ന സംവാദത്തിന് ശേഷം സംവിധായകന്‍ രാംദാസ് കടവല്ലൂര്‍, ഫോട്ടോഗ്രാഫര്‍ പ്രതാപ് ജോസഫ് എന്നിവരെ തൃശൂര്‍ കില കോളജ് പ്രിന്‍സിപ്പല്‍ ഡോ. എസ്. ശ്രീകുമാര്‍ ആദരിച്ചു. പരിസ്ഥിതി മേളയില്‍ പ്രദര്‍ശിപ്പിച്ച ചിത്രങ്ങളുടെ അണിയറ പ്രവര്‍ത്തകരായ അജയ് കോവൂര്‍, കെ. ബിനു മാസ്റ്റര്‍, അരവിന്ദ് മോഹന്‍രാജ്, ഇ.ജി. ശ്രീകാന്ത്, കെ.വി. ബിനോജ് എന്നിവരും മേളയുടെ സാന്നിധ്യങ്ങളായി. വൈകീട്ട് നടന്ന സമാപന ചടങ്ങില്‍ കോളജ് പ്രിന്‍സിപ്പല്‍ സിസ്റ്റര്‍ ഡോ. ബ്ലെസി, സംവിധായകന്‍ പ്രതാപ് ജോസഫ് എന്നിവര്‍ ചേര്‍ന്ന് രണ്ടാമത് പരിസ്ഥിതി ചലച്ചിത്രമേളയുടെ കൊടിയിറക്കി.
About Author
ഓട്ടോറിക്ഷയുടെ ഫസ്റ്റ് ഏയ്ഡ് ബോക്‌സില്‍ മദ്യ വില്‍പന: ഓട്ടോറിക്ഷ ഡ്രൈവര്‍ അറസ്റ്റില്‍ 
നെല്‍കര്‍ഷകരോടുള്ള അവഗണനക്ക് പരിഹാരമാകുന്നില്ല പ്രതിഷേധ സമരം തുടരും- തോമസ് ഉണ്ണിയാടന്‍ 
കേരളത്തിന് അഭിമാനമായി ക്രൈസ്റ്റ് കോളജ് വിദ്യാര്‍ഥികള്‍ ഇന്റര്‍ സ്റ്റേറ്റ് യൂത്ത് എക്‌സ്‌ചേഞ്ച് പ്രോഗ്രാമിന് ഹരിയാനയിലേക്ക് 
ജനതയുടെ വികാരവായ്പായിരുന്ന പോരാളി: മന്ത്രി ഡോ. ആര്‍. ബിന്ദു 
ആരോഗ്യമുള്ള ജനതയാണ് ഒരു നാടിന്റെ സമ്പത്ത്- അഡ്വ. തോമസ് ഉണ്ണിയാടന്‍ 
മഹിളാ അസോസിയേഷന്‍ നേതൃത്വത്തില്‍ ഇരിങ്ങാലക്കുട നഗരസഭ ഓഫീസിനു മുന്നില്‍ ധര്‍ണ നടത്തി 
