സ്കൂട്ടറില് മുള്ളന്പന്നി ഇടിച്ചു; യുവാവിന് പരുക്ക്
പൊറത്തൂര് ക്ഷേത്രത്തിന് സമീപം മുള്ളന്പന്നി ഇടിച്ചു തെറിച്ചുവീണ ഇലക്ട്രിക് സ്കൂട്ടര് സമീപത്തെ കുറ്റിക്കാട്ടില്.
പൊറത്തിശേരി: മുള്ളന്പന്നി ഇരുചക്ര വാഹനത്തില് ഇടിച്ചുണ്ടായ അപകടത്തില് വെള്ളാനി കോരംപറമ്പില് അനോജിന് (36) ഗുരുതര പരുക്കേറ്റു. കഴിഞ്ഞ ദിവസം പുലര്ച്ചെ പത്രവിതരണത്തിന് പോകുന്നതിനിടെ പൊറത്തൂര് ക്ഷേത്രത്തിന് സമീപത്താണ് അപകടം. റോഡിനു കുറുകെ വന്ന മുള്ളന്പന്നിയുടെ ദേഹത്ത് ഇടിച്ചു കയറിയ വാഹനത്തില് നിന്ന് അനോജ് തെറിച്ചു വീഴുകയായിരുന്നു. ഗുരുതര പരുക്കേറ്റ അനോജിനെ നാട്ടുകാര് വിവരമറിയിച്ചതിനെ തുടര്ന്ന് സ്ഥലത്തെത്തിയ ഇരിങ്ങാലക്കുട പോലീസാണ് ആശുപത്രിയില് എത്തിച്ചത്. വാരിയെല്ലുകള്ക്ക് ഒടിവും ആന്തരിക അവയവങ്ങള്ക്കു ക്ഷതവും സംഭവിച്ച അനോജ് തൃശൂര് ജൂബിലി മിഷന് ആശുപത്രിയില് തീവ്ര പരിചരണ വിഭാഗത്തില് ചികിത്സയിലാണ്. സ്കൂട്ടര് ഇടിച്ച മുള്ളന്പന്നിയുടെ ജഡം ഫോറസ്റ്റ് അധികൃതര് കൊണ്ടുപോയി.

കുട്ടംകുളം സമരഭൂമിയില് സ്മാരകം നിര്മ്മിക്കണം: കെ. രാജന് എംഎല്എ
എസ്പിസി വിസ്കിഡ് ചാമ്പ്യന്ഷിപ്പ് 2026; അറിവിന്റെ പോരാട്ടത്തില് മാറ്റുരച്ച് വിദ്യാര്ഥികള്
വീടുകയറി ആക്രമണശ്രമം; ഒമ്പത് ക്രിമിനല് കേസുകളില് പ്രതിയായ സ്റ്റേഷന് റൗഡി അറസ്റ്റില്
ഹാരിഷ് പോള് ജെസിഐ പ്രസിഡന്റ്, പി.ആര്. ഷാജു സെകട്ടറി
പുളിക്കലച്ചിറ പാലത്തിന്റെ കൈവരിയുടെ കാലുകള് വിണ്ടു
ഐടിയു ബാങ്ക്: ഇടപെടല് ശക്തമാക്കി തോമസ് ഉണ്ണിയാടന് എംഎല്എ