പുരസ്‌കാരത്തിളക്കത്തില്‍ ക്രൈസ്റ്റ് എന്‍ജിനീയറിംഗ് കോളജ്
ഇരിങ്ങാലക്കുട: വിദ്യാര്‍ഥി യുവജന സംരംഭകര്‍ക്ക് വേണ്ടി കേരള സ്റ്റാര്‍ട്ട് അപ്പ് മിഷന്‍ കാക്കനാട് രാജഗിരി സ്‌കൂള്‍ ഓഫ് എന്‍ജിനീയറിംഗില്‍ വച്ച് സംഘടിപ്പിച്ച വാര്‍ഷിക സംരംഭക ഉച്ചകോടിയായ ഐഇഡിസി സമ്മിറ്റില്‍ പുരസ്‌കാരത്തിളക്കവുമായി ക്രൈസ്റ്റ് എന്‍ജിനീയറിംഗ് കോളജ് ഐഇഡിസി വിഭാഗം. കേരളത്തിലെ നാനൂറ്റി ഇരുപത്തി അഞ്ച് കോളജുകളിലെ ഐഇഡിസി വിഭാഗങ്ങളെ പങ്കെടുപ്പിച്ച് കൊണ്ട് കേരള സ്റ്റാര്‍ട്ട് അപ്പ് മിഷന്‍ കഴിഞ്ഞ മൂന്ന് മാസങ്ങളായി നടത്തി വന്ന ഇന്നവേറ്റേഴ്സ് പ്രീമിയര്‍ ലീഗില്‍ (ഐപിഎല്‍) സംസ്ഥാന തലത്തില്‍ രണ്ടാം സ്ഥാനവും ജില്ലാ തലത്തില്‍ ഒന്നാം സ്ഥാനവും നേടിയാണ് കോളജ് ശ്രദ്ധേയമായത്. വിദ്യാര്‍ഥികളുടെ സാങ്കേതിക, സംരംഭകത്വ ശേഷികള്‍ വര്‍ധിപ്പിക്കാന്‍ ലക്ഷ്യം വെച്ച് നടത്തിയ വിവിധ പരിശീലന പരിപാടികളുടെയും മത്സരങ്ങളുടെയും മികവ് കണക്കിലെടുത്താണ് അവാര്‍ഡ്. കാക്കനാട് രാജഗിരി സ്‌കൂള്‍ ഓഫ് എന്‍ജിനീയറിംഗില്‍ വച്ച് വിദ്യാര്‍ഥികളും സംരംഭകരും നിക്ഷേപകരുമുള്‍പ്പെടെ അയ്യായിരത്തോളം പ്രതിനിധികള്‍ സംബന്ധിച്ച ഉച്ചകോടി വ്യവസായ മന്ത്രി പി. രാജീവ് ഉദ്ഘാടനം ചെയ്തു. സംരംഭകത്വ മേഖലയിലെ പ്രമുഖരുമായി സംവദിക്കാനും വിദ്യാര്‍ഥികള്‍ക്ക് തങ്ങളുടെ ആശയങ്ങളും സംരംഭങ്ങളും പ്രദര്‍ശിപ്പിക്കാനുമുള്ള അവസരങ്ങള്‍ ഉച്ചകോടിയുടെ ഭാഗമായി ഒരുക്കിയിരുന്നു. എക്സിക്യുട്ടീവ് ഡയറക്ടര്‍ ഫാ. ജോണ്‍ പാലിയേക്കര സിഎംഐ, ഐഇഡിസി നോഡല്‍ ഓഫീസര്‍ ഒ. രാഹുല്‍ മനോഹര്‍, അസിസ്റ്റന്റ് നോഡല്‍ ഓഫീസര്‍ അശ്വതി പി. സജീവ്, വിദ്യാര്‍ഥി പ്രതിനിധികള്‍ എന്നിവര്‍ ചേര്‍ന്ന് കേരള സ്റ്റാര്‍ട്ട് അപ്പ് മിഷന്‍ സിഇഒ അനൂപ് അംബികയില്‍ നിന്ന് പുരസ്‌കാരം ഏറ്റുവാങ്ങി.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
