ചരിത്രം കുറിച്ച് ഇരിങ്ങാലക്കുട സ്വദേശി സലീഷ്; റെക്കോര്ഡ് നേട്ടം കൈവരിച്ചത് തുടര്ച്ചയായി പതിനാല് മണിക്കൂര് സോപാന സംഗീതാലാപനത്തിലൂടെ
14 മണിക്കൂര് തുടര്ച്ചയായി സോപാന സംഗീതം ആലപിച്ചതിന് യൂണിവേഴ്സല് വേള്ഡ് റെക്കോഡ് നേടിയ സലീഷ് നനദുര്ഗ്ഗക്ക് സംഗീത സംവിധായകന് വിദ്യാധരന് മാസ്റ്റര്, നഗരസഭ ചെയര്പേഴ്സണ് സുജ സഞ്ജീവ് കുമാര്, സുനില് ജോസഫ് എന്നിവര് ചേര്ന്ന് സര്ട്ടിഫിക്കറ്റ് കൈമാറുന്നു.
ഇരിങ്ങാലക്കുട: സോപാന സംഗീതാലാപനത്തില് ചരിത്രം രചിച്ച് ഇരിങ്ങാലക്കുട സ്വദേശി സലീഷ് നനദുര്ഗ്ഗ. തുടര്ച്ചയായി പതിനാല് മണിക്കൂര് സോപാന സംഗീതം ആലപിച്ചാണ് സോപാന കലാകാരന് ലോക റെക്കോര്ഡിന് ഉടമയായിരിക്കുന്നത്. കൂടല്മാണിക്യ ക്ഷേത്ര കിഴക്കേ നടയില് രാവിലെ അഞ്ച് മണിയോടെയാണ് ആലാപനം ആരംഭിച്ചത്. കൂടല്മാണിക്യം ക്ഷേത്രം സായാഹ്ന കൂട്ടായ്മയായിരുന്നു സംഘാടകര്. വൈകീട്ട് എഴ് മണിയോടെ ഹൃദ്യമായ സദസ്സിനെ സാക്ഷിയാക്കി ആലാപനം നിറുത്തുമ്പോള് ഗുരുവായൂര് സ്വദേശി ജ്യോതിദാസിന്റെ പേരിലുള്ള 12 മണിക്കൂര് റെക്കോര്ഡ് പഴങ്കഥയായി മാറിയിരുന്നു. എഷ്യയിലെ റെക്കോര്ഡുകള് രേഖപ്പെടുത്തുന്ന കല്ക്കത്ത കേന്ദ്രീകരിച്ച് പ്രവര്ത്തിക്കുന്ന യൂണിവേഴ്സല് റിക്കോര്ഡ് ഫോറം എന്ന എജന്സിയുടെ പ്രതിനിധി ഗിന്നസ്സ് സുനില് ജോസഫ് സലീഷിന്റെ നേട്ടത്തിന് സാക്ഷ്യം വഹിക്കാന് എത്തിയിരുന്നു.
ആറ് വര്ഷങ്ങളായി സോപാന സംഗീത രംഗത്തുള്ള ഇരിങ്ങാലക്കുട പെരുവല്ലിപ്പാടം ഗുരുവിലാസം വീട്ടില് സലീഷ് വെട്ടിക്കര നനദുര്ഗ്ഗ ക്ഷേത്രത്തില് നിന്നാണ് സോപാന സംഗീതത്തിന്റെ ആദ്യ ചുവടുകള് വച്ചത്. ശബരിമല, ഗുരുവായൂര്, വടക്കുന്നാഥന്, കൂടല്മാണിക്യം അടക്കം കേരളത്തിലെ പ്രധാന ക്ഷേത്രങ്ങളില് സലീഷ് ഇതിനകം തന്റെ സാന്നിധ്യം അടയാളപ്പെടുത്തിക്കഴിഞ്ഞിട്ടുണ്ട്. സമാപന ചടങ്ങ് സംഗീത സംവിധായകന് വിദ്യാധരന് മാസ്റ്റര് ഉദ്ഘാടനം ചെയ്തു. നഗരസഭ ചെയര്പേഴ്സണ് സുജ സഞ്ജീവ് കുമാര് അധ്യക്ഷത വഹിച്ചു. നഗരസഭ കൗണ്സിലര്മാരായ സ്മിത കൃഷ്ണകുമാര്, സന്തോഷ് ബോബന്, ദേവസ്വം ബോര്ഡ് മുന് ചെയര്മാന് പ്രദീപ് മേനോന്, എസ്എന്ഡിപി യൂണിയന് പ്രസിഡന്റ് സന്തോഷ് ചെറാക്കുളം, രഘു രാമപ്പണിക്കര്, കലാനിലയം രാഘവന്, പി.കെ. ഉണ്ണികൃഷ്ണന്, കൂടല്മാണിക്യം സായാഹ്ന കൂട്ടായ്മ പ്രതിനിധികളായ അരുണ്കുമാര്, സുമേഷ്നായര് എന്നിവര് സംസാരിച്ചു.
About Author
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
ബഹിരാകാശത്ത് ഇന്ത്യന് യുഗം; ശാസ്ത്ര പാടവ പോഷണ പരിപാടി സംഘടിപ്പിച്ചു 
സെന്റ് തോമസ് കത്തീഡ്രലില് കുരിശിന്റെ പുകഴ്ചയുടെ തിരുനാള് ഭക്തിസാന്ദ്രമായി 
41-ാമത് ഡോണ് ബോസ്കോ അഖില കേരള ബാസ്കറ്റ്ബോള് ടൂര്ണമെന്റ് 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
മുന് എംപി കെ. മോഹന്ദാസിന്റെ സാമൂഹ്യ പ്രതിബദ്ധത സ്മരിക്കപ്പെടണം- അഡ്വ. തോമസ് ഉണ്ണിയാടന് എംഎല്എ 
