വേദനിക്കുന്ന വയനാടിന് ഒരു പവന്റെ മോതിരം നല്‍കി പൊറത്തിശേരി സ്വദേശി വി.സി. പ്രഭാകരന്‍
വയനാട് ദുരിതാശ്വാസ നിധിയിലേക്ക് കൂടല്‍മാണിക്യം ദേവസ്വം മാനേജിംഗ് കമ്മിറ്റി അംഗം പൊറത്തിശേരി സ്വദേശി വി.സി. പ്രഭാകരന്‍ തന്റെ കൈയ്യില്‍ കിടന്ന ഒരു പവന്റെ മോതിരം ഊരി മന്ത്രി ഡോ. ആര്‍ ബിന്ദുവിനു കൈമാറുന്നു.
ഇരിങ്ങാലക്കുട: വേദനിക്കുന്ന വയനാടിന് തന്റെ കൈയ്യില്‍ കിടന്ന ഒരു പവന്റെ മോതിരം ഊരി നല്‍കി കൂടല്‍മാണിക്യം ദേവസ്വം മാനേജിംഗ് കമ്മിറ്റി അംഗം കൂടിയായ പൊറത്തിശേരി സ്വദേശി വി.സി. പ്രഭാകരന്‍. ഒരുറക്കത്തിനിടയില്‍ എല്ലാം നഷ്ടപ്പെട്ട ചൂരല്‍മലയിലെ മനുഷ്യരുടെ പുനരധിവാസത്തിനായി കൈവിരലില്‍ നിന്ന് ഒരു പവന്‍ തൂക്കം വരുന്ന മോതിരം ഊരി മന്ത്രിക്ക് നല്‍കുകയായിരുന്നു പൊത്തിശേരി വേങ്ങശേരി വീട്ടില്‍ വി.സി. പ്രഭാകരന്‍. മുന്‍ പാസ്‌പോര്‍ട്ട് ഓഫീസര്‍ കൂടിയായ വി.സി. പ്രഭാകരന്‍ ഹൃദയ ശസ്ത്രക്രിയയ്ക്കു ശേഷം വിശ്രമത്തിലാണ്.
സിപിഐ (എം) പൊറത്തിശേരി ലോക്കല്‍ കമ്മിറ്റി അംഗവും, കലാ സംസ്‌കാരിക നാടക പ്രവര്‍ത്തകനുമായ വി.സി. പ്രഭാകരനെ കാണുന്നതിനും ആരോഗ്യ വിവരങ്ങള്‍ തിരക്കുന്നതിനുമായി ഉന്നത വിദ്യാഭ്യാസ സാമൂഹ്യ നീതി വകുപ്പ് മന്ത്രി ഡോ. ആര്‍. ബിന്ദു വീട്ടിലെത്തിയപ്പോഴാണ് വയനാട്ടിലെ മനുഷ്യര്‍ക്കായി മുഖ്യമന്ത്രിയുടെ ദുരിതാശ്വാസ നിധിയില്‍ സമര്‍പ്പിക്കുന്നതിനായി അദ്ദേഹം തന്റെ മോതിരം ഊരി നല്‍കിയത്. ചികിത്സയില്‍ തുടരുമ്പോഴും ഇത്രയും വലിയ സംഭാവന വയനാടിനായി നല്‍കാന്‍ കാണിച്ച പ്രഭാകരന്റെ വലിയ മനസിനെ മന്ത്രി ഡോ. ആര്‍. ബിന്ദു പ്രത്യേകം അഭിനന്ദിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
