ഇരിങ്ങാലക്കുട സെന്റ് ജോസഫ്‌സ് കോളജ് വിദ്യാര്‍ഥിനി റെനി ജോസഫ് ഇന്ത്യന്‍ യൂണിവേഴ്‌സിറ്റി വോളീബോള്‍ ടീമിലേക്ക് തെരഞ്ഞെടുക്കപ്പെട്ടു
റെനി ജോസഫ്.
ഇരിങ്ങാലക്കുട: ഇരിങ്ങാലക്കുട സെന്റ് ജോസഫ്‌സ് കോളജ് വിദ്യാര്‍ഥിനി റെനി ജോസഫ് ഇന്ത്യന്‍ യൂണിവേഴ്‌സിറ്റി വോളീബോള്‍ ടീമിലേക്ക് തെരഞ്ഞെടുക്കപ്പെട്ടു. ജൂലൈയില്‍ ജര്‍മിനിയില്‍ വെച്ച് നടക്കുന്ന വേള്‍ഡ് യൂണിവേഴ്‌സിറ്റി വോളിബോള്‍ ചാമ്പ്യന്‍ഷിപ്പിലേക്കുള്ള ഇന്ത്യന്‍ യൂണിവേഴ്‌സിറ്റി ടീമില്‍ ഇടം നേടിയ റെനി ജോസഫ് പാലക്കാട് സ്വദേശിനിയാണ്. സെന്റ് ജോസഫ്‌സ് കോളജില്‍ കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ അക്കാദമിയിലൂടെ മുന്‍ പരിശീലകന്‍ സഞ്ജയ് ബാലികയുടെ കീഴില്‍ പത്താംക്ലാസ് മുതല്‍ റെനി പരിശീലനം ആരംഭിച്ചു.
സ്‌പോര്‍ട്‌സ് കൗണ്‍സില്‍ പരിശീലക എസ്. നിമ്മിയാണ് നിലവില്‍ കോച്ച്. നിരവധി മത്സരങ്ങളില്‍ കേരളത്തെയും കാലിക്കട്ട് യൂണിവേഴ്‌സിറ്റിയെയും റെനി പ്രതിനിധീകരിച്ചിട്ടുണ്ട്. പാലക്കാട് സ്വദേശി കുംഭലോലിക്കല്‍ റെജി ജോസ്, ബിന്ദു റെജി ദമ്പതികളുടെ നാല് മക്കളില്‍ ഒരാളാണ് റെനി. മൂത്ത സഹോദരി റെബിറ്റി ജോസഫ് വോളിബോള്‍ താരവും സെന്റ് ജോസഫ്‌സ് കോളജില്‍ പിജി വിദ്യാര്‍ഥിനിയുമാണ്.
ജര്‍മനിയില്‍ വെച്ചു നടക്കുന്ന ചാമ്പ്യന്‍ഷിപ്പില്‍ പങ്കെടുക്കുന്നതിന് ഏകദേശം രണ്ടേമുക്കാല്‍ ലക്ഷം രൂപയോളം ചെലവു വരും. താരങ്ങള്‍ത്തന്നെയാണ് ഈ തുക കണ്ടെത്തേണ്ടത്. സെന്റ് ജോസഫ്‌സ് കോളജും, കാലിക്കട്ട് യൂണിവേഴ്‌സിറ്റിയും നല്‍കുന്ന സാമ്പത്തിക സഹായം കൊണ്ടു മാത്രം പങ്കെടുക്കല്‍ സാധ്യമാവില്ല. സാമ്പത്തികമായി ബുദ്ധിമുട്ടുകള്‍ നേരിടുന്ന റെനിയും കുടുംബവും സന്മനസുള്ളവരുടെ സഹായം അഭ്യര്‍ഥിക്കുന്നുണ്ട്.
About Author
സംസ്ഥാനതല സയന്‍സ് കിറ്റ് നിര്‍മ്മാണ മത്സരത്തില്‍ മൂന്നാം സ്ഥാനം നേടി ഭാരതീയ വിദ്യാഭവനിലെ എട്ടാം ക്ലാസ് വിദ്യാര്‍ഥിനി ടി. മൃദുല 
ക്രൈസ്റ്റ് എന്‍ജിനീയറിംഗ് കോളജില്‍ ബിസിനസ് അഡ്മിനിസ്‌ട്രേഷനില്‍ സംരംഭക ഉച്ചകോടി 
യുവാവിനെ തട്ടിക്കൊണ്ടുപോയി കൊലപ്പെടുത്താന്‍ ശ്രമം; സഹോദരങ്ങളായ രണ്ടു പേര്‍ അറസ്റ്റില്‍ 
കശ്മീരിലെ പഹല്‍ഹാമില്‍ ഭീകരാക്രമത്തില്‍ കൊല്ലപ്പെട്ടവര്‍ക്ക് കേരള വ്യാപാരി വ്യവസായി ഏകോപനസമിതി ആദരാഞ്ജലികള്‍ അര്‍പ്പിച്ചു 
തുറവന്‍കാട് പള്ളി തിരുനാള്‍ വിളംബര ജാഥ 
വെള്ളാങ്ങല്ലൂര്‍ സെന്റ് ജോസഫ് ദേവാലയത്തില്‍ തിരുനാള്‍ ഇന്നും നാളെയും 
