തൃശൂര് റൂറല് ജില്ലയിലെ സ്റ്റുഡന്റ് പോലീസ് കേഡറ്റുകളുടെ ജില്ലാ തല ക്വിസ് മത്സരം സംഘടിപ്പിച്ചു
തൃശൂര് റൂറല് ജില്ലയിലെ സ്റ്റുഡന്റ് പോലീസ് കേഡറ്റുകളുടെ ജില്ലാ തല ക്വസ് കോമ്പറ്റീഷനിലെ വിജയികള്ക്കുള്ള സമ്മാനദാനം തൃശൂര് റൂറല് ജില്ലാ പോലീസ് മേധാവി ബി. കൃഷ്ണകുമാര് ഐപിഎസ് കൈമാറുന്നു.
ഇരിങ്ങാലക്കുട: തൃശൂര് റൂറല് ജില്ലയിലെ സ്റ്റുഡന്റ് പോലീസ് കേഡറ്റുകളുടെ (എസ്പിസി) ജില്ലാതല ക്വിസ് മത്സരം ഇരിങ്ങാലക്കുട ലിറ്റില് ഫ്ളവര് കോണ്വെന്റ് സ്കൂളില് വച്ച് നടത്തി. വിദ്യാര്ഥികളില് പൊതുവിഷയങ്ങളെക്കുറിച്ചുള്ള അറിവും അവബോധവും വര്ദ്ധിപ്പിക്കുക എന്ന ലക്ഷ്യത്തോടെ തൃശ്ശൂര് റൂറല് ജില്ലാ പോലീസ് മേധാവി ബി. കൃഷ്ണകുമാര് ഐപിഎസ്ന്റെ നേതൃത്വത്തില് സംഘടിപ്പിച്ച ഈ മത്സരം, അഡീഷണല് എസ്പിയും എസ്പിസി ഡിസ്ട്രിക്ട് നോഡല് ഓഫീസറുമായ ടി.എസ്. സിനോജ് ഉദ്ഘാടനം ചെയ്തു.
തൃശൂര് റൂറല് ജില്ലയിലെ വിവിധ സ്കൂളുകളില് നിന്നുള്ള എസ്പിസി കേഡറ്റുകള് പങ്കെടുത്ത ഈ ക്വിസ് മത്സരത്തില് പനങ്ങാട് എച്ച്എസ്എസ് ഒന്നാം സ്ഥാനം നേടി. കൊടുങ്ങല്ലൂരിലെ പിബിഎംജിഎച്ച്എസ് സ്കൂള് രണ്ടാം സ്ഥാനവും, സെന്റ് ജോസഫ് മതിലകം സ്കൂള് മൂന്നാം സ്ഥാനവും കരസ്ഥമാക്കി. മത്സരത്തിന്റെ സമാപന ചടങ്ങില് തൃശൂര് റൂറല് ജില്ലാ പോലീസ് മേധാവി ബി. കൃഷ്ണകുമാര് ഐപിഎസ് വിജയികള്ക്കുള്ള സമ്മാനങ്ങള് വിതരണം ചെയ്തു. ഒന്നാം സമ്മാനമായി 5000 രൂപയുടെ കാഷ് പ്രൈസും ട്രോഫിയും, രണ്ടാം സമ്മാനമായി 3000 രൂപയുടെ കാഷ് പ്രൈസും ട്രോഫിയും, മൂന്നാം സമ്മാനമായി 2000 രൂപയുടെ കാഷ് പ്രൈസും ട്രോഫിയും വിജയികള്ക്ക് സമ്മാനിച്ചു.
About Author
ജനമനസുകളില് ആവേശ തിരയിളക്കി ജോസഫ് ചാക്കോയുടെ റോഡ് ഷോ 
നഗരസഭ ചന്തക്കുന്ന് വാര്ഡിലെ എല്ഡിഎഫ് സ്ഥാനാര്ഥി റോബി കാളിയങ്കരയുടെ നാലാം ഘട്ട പര്യാടനം 
ഠാണ- ചന്തക്കുന്ന് റോഡ് വികസനം; ഇടറോഡുകള് ടാറിട്ടു 
ഇന്റര്ഹൗസ് ഫുട്ബോള് ടൂര്ണമെന്റ് നടത്തി 
അഖില കേരള സ്പെഷ്യല് സ്കൂള് ഫുട്ബോള് മത്സരത്തില് രണ്ടാം സ്ഥാനം കരസ്ഥമാക്കി ഇരിങ്ങാലക്കുട പ്രതീക്ഷ ട്രെയിനിംഗ് സെന്റര് 
കൊടുങ്ങല്ലൂര് മാര്ത്തോമാ തീര്ഥാടനം