വാര്‍ഡ് കൗണ്‍സിലറായ ചെയര്‍പേഴ്‌സന്റെ വീട്ടുപടിക്കല്‍ സമരവുമായി സിപിഎം
വാര്‍ഡ് കൗണ്‍സിലറുടെ പട്ടികയില്‍ ഉള്‍പ്പെട്ടിട്ടില്ലെന്ന പേരില്‍ വയോധികന് വാക്‌സിന്‍ നിഷേധിച്ചതായി ആരോപണം; വാര്‍ഡ് കൗണ്‍സിലറായ ചെയര്‍പേഴ്‌സന്റെ വീട്ടുപടിക്കല്‍ സമരവുമായി സിപിഎം
ഇരിങ്ങാലക്കുട: വാക്‌സിന്‍ വിതരണത്തില്‍ രാഷ്ട്രീയം കലര്‍ത്തുന്നുവെന്നും സുതാര്യത പാലിക്കുന്നില്ലെന്നും ആരോപിച്ച് നഗരസഭ ചെയര്‍പേഴ്‌സണും 27ാം വാര്‍ഡ് കൗണ്‍സിലര്‍ കൂടിയായ സോണിയഗിരിയുടെ വീട്ടുപടിക്കല്‍ സിപിഎം ടൗണ്‍ വെസ്റ്റ് ലോക്കല്‍ കമ്മിറ്റിയുടെ നേതൃത്വത്തില്‍ സമരം നടത്തി. വാര്‍ഡ് കൗണ്‍സിലറുടെ പട്ടികയില്‍ ഉള്‍പ്പെടുത്തിയിട്ടില്ലെന്ന പേരില്‍ കിടപ്പ് രോഗികൂടിയായ വയോധികനു കഴിഞ്ഞ ദിവസം താലൂക്ക് ആശുപത്രിയില്‍ നിന്ന് രണ്ടാം ഡോസ് വാക്‌സിന്‍ നിഷേധിച്ചതായും ഇഷ്ടക്കാര്‍ക്ക് മുന്‍ഗണന കൊടുക്കുന്ന നഗരസഭ അധ്യക്ഷയുടെ ശൈലി തിരുത്തണമെന്നും ആവശ്യപ്പെട്ടായിരുന്നു സമരം നടത്തിയത്. സിപിഎം ഏരിയ കമ്മിറ്റി അംഗം ജയന്‍ അരിമ്പ്ര പ്രതിഷേധ പരിപാടി ഉദ്ഘാടനം ചെയ്തു. ലോക്കല്‍ കമ്മിറ്റി അംഗം വി.എ. അനീഷ് അധ്യക്ഷത വഹിച്ചു. ലോക്കല്‍ സെക്രട്ടറി ശശി വെട്ടത്ത്, കമ്മിറ്റി അംഗം എം.ഡി. വര്‍ഗീസ് എന്നിവര്‍ പ്രസംഗിച്ചു. എം.എന്‍. നീരജ്, കെ.കെ. ശ്രീജിത്ത്, ജി.കെ. മനോഹരന്‍, എന്‍.എം. ബാബു എന്നിവര്‍ നേതൃത്വം നല്കി.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
