തൃപ്പേക്കുളം അച്യുതമാരാര്‍ ജന്മശതാബ്ദി ഈ മാസം നാലിനു ആഘോഷിക്കുന്നു
ഇരിങ്ങാലക്കുട: പല്ലാവൂര്‍ സമിതിയുടെ ആഭിമുഖ്യത്തില്‍ തൃപ്പേക്കുളം അച്യുതമാരാര്‍ ജന്മശതാബ്ദി ഈ മാസം നാലിനു ആഘോഷിക്കുന്നു. ഈ മാസം നാലിനു വൈകീട്ട് 5.30 ന് കൂടല്‍മാണിക്യം കിഴക്കേ ഗോപുരനടയില്‍ നടക്കുന്ന പരിപാടി കേരള കലാമണ്ഡലം കല്‍പ്പിത സര്‍വകലാശാല വൈസ് ചാന്‍സലര്‍ ഡോ. ടി.കെ. നാരായണന്‍ ഉദ്ഘാടനം ചെയ്യും. കൂടല്‍മാണിക്യം ദേവസ്വം ചെയര്‍മാന്‍ യു. പ്രദീപ് മേനോന്‍ അധ്യക്ഷത വഹിക്കും. തൃപ്പേക്കുളം പുരസ്‌കാരം പത്മശ്രീ പെരുവനം കുട്ടന്‍മാരാര്‍ സമര്‍പ്പിക്കും. ചടങ്ങില്‍ 2021 ലെ തൃപ്പേക്കുളം പുരസ്‌കാരം തിമിലപ്രമാണി ചോറ്റാനിക്കര വിജയന്‍മാരാര്‍ക്ക് സമര്‍പ്പിക്കും. കാഷ് അവാര്‍ഡും ഫലകവും പ്രശസ്തിപത്രവും പൊന്നാടയുമാണ് പുരസ്‌കാരം. പല്ലാവൂര്‍ സമിതി പ്രസിഡന്റ് കലാമണ്ഡലം ശിവദാസ്, ശ്രീവത്സന്‍ തീയ്യാടി, ഊരകം സര്‍ഗശീലകം ഡയറക്ടര്‍ കോരമ്പത്ത് ഗോപിനാഥന്‍, തൃശൂര്‍ തിരുവമ്പാടി ദേവസ്വം സെക്രട്ടറി എം. രവികുമാര്‍, പി. രാധാകൃഷ്ണന്‍, രാജേന്ദ്രന്‍ ആറാട്ടുപുഴ, ചോറ്റാനിക്കര വിജയന്‍മാരാര്‍, സന്ദീപ് മാരാര്‍, സെക്രട്ടറി കണ്ണംമ്പിള്ളി ഗോപകുമാര്‍, മൂര്‍ക്കനാട് ദിനേശന്‍വാര്യര്‍, നീരജ് മേനോന്‍, പി.എ. അനില്‍കുമാര്‍ എന്നിവര്‍ പ്രസംഗിക്കും. രാത്രി ഏഴിന് കല്ലൂര്‍ ഉണ്ണികൃഷ്ണനും സംഘവും അവതരിപ്പിക്കുന്ന തായമ്പക ഉണ്ടാകും.
About Author
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
ഇരിങ്ങാലക്കുട രൂപത കെസിവൈഎമ്മിന്റെ നേതൃത്വത്തില്‍ വനിത സംഗമം നടന്നു 
